ಮಲಪ್ಪುರದಲ್ಲಿ ಇಬ್ಬರು ಮುಸ್ಲಿಂ ಮಹಿಳೆಯರಿಗೆ ಬಿಜೆಪಿ ಟಿಕೆಟ್‌

Team Udayavani, Nov 21, 2020, 7:20 AM IST

ತಿರುವನಂತಪುರ: ಕೇರಳದ ಸ್ಥಳೀಯ ಸಂಸ್ಥೆ ಚುನಾವಣೆ ಸಮೀಪಿಸುತ್ತಿರುವಂತೆಯೇ, ಇದೇ ಮೊದಲ ಬಾರಿಗೆ ಬಿಜೆಪಿ ಮಲಪ್ಪುರ ದಲ್ಲಿ ಇಬ್ಬರು ಮುಸ್ಲಿಂ ಮಹಿಳೆಯರಿಗೆ ಟಿಕೆಟ್‌ ನೀಡುವ ಮೂಲಕ ಅಚ್ಚರಿ ಮೂಡಿಸಿದೆ.

ಮುಸ್ಲಿಂ ಬಾಹುಳ್ಯದ ಜಿಲ್ಲೆಯಾದ ಮಲಪ್ಪುರದಲ್ಲಿ ಡಿ.14ರಂದು ನಡೆಯುವ ಚುನಾವಣೆಯಲ್ಲಿ ಟಿ.ಪಿ.­ಸುಲ#ತ್‌ ಮತ್ತು ಆಯಿಷಾ ಹುಸೇನ್‌ ಬಿಜೆಪಿ ಟಿಕೆಟ್‌ನಲ್ಲಿ ಸ್ಪರ್ಧಿಸಲಿದ್ದಾರೆ. ಸುಲ್ಫ್ತ್‌ ಅವರು ವಂಡೂರು ಗ್ರಾಮ ಪಂಚಾಯತ್‌ಗೆ ನಾಮಪತ್ರ ಸಲ್ಲಿಸಿ­ದ್ದರೆ, ಆಯಿಷಾ ಪೊನ್ಮುಂಡಂ ಗ್ರಾಮ ಪಂಚಾಯತ್‌ಗೆ ನಾಮಪತ್ರ ಸಲ್ಲಿಕೆ ಮಾಡಿದ್ದಾರೆ.

ಆಯಿಷಾ ಅವರು ರಾಜಕೀಯ ಹಿನ್ನೆಲೆ ಹೊಂದಿದ್ದು, ಅವರ ಪತಿ ಹುಸೇನ್‌ ವರಿಕ್ಕೊಟ್ಟಿಲ್‌ ಬಿಜೆಪಿ ಅಲ್ಪಸಂಖ್ಯಾಕ‌ ಮೋರ್ಚಾದ ಜಿಲ್ಲಾ ಸಮಿತಿ ಸದಸ್ಯರಾಗಿದ್ದಾರೆ.ಹುಸೇನ್‌ ಕೂಡ ಬಿಜೆಪಿ ಟಿಕೆಟ್‌ನಲ್ಲಿ ಕಣಕ್ಕಿಳಿಯುತ್ತಿದ್ದಾರೆ. ಸುಲ#ತ್‌ ಅವರು ಮಾಜಿ ಪ್ರಧಾನಿ ಅಟಲ್‌ ಬಿಹಾರಿ ವಾಜಪೇಯಿ ಹಾಗೂ ಪ್ರಧಾನಿ ಮೋದಿ ಅವರ ಅಭಿಮಾನಿ ಯಾಗಿದ್ದು, “ಮೋದಿಯವರು ರಾಜಕೀಯದಲ್ಲಿ ಮಹಿಳೆ ಯರ ಪಾಲ್ಗೊಳ್ಳುವಿಕೆಗೆ ಉತ್ತೇಜನ ನೀಡುತ್ತಿರುವುದು ಖುಷಿಯ ವಿಚಾರ’ ಎಂದಿದ್ದಾರೆ.

ಮತ ಯಾಚಿಸುತ್ತಿರುವ ಕೊರೊನಾ!
“ಕೊರೊನಾ’ ಎಂಬ ಪದ ಕೇಳಿದರೆ ಸಾಕು, ಜಗತ್ತಿನ ಪ್ರತಿಯೊಬ್ಬರೂ ಬೆಚ್ಚಿಬೀಳುತ್ತಾರೆ. ಆದರೆ, ಕೇರಳದ ಕೊಲ್ಲಂನಲ್ಲಿ ಮಾತ್ರ “ಕೊರೊನಾ’ ಎಂದ ಕೂಡಲೇ ಜನ ಮುಗುಳ್ನಗುತ್ತಾರೆ. ಇದಕ್ಕೆ ಕಾರಣ, ಮತ್ತಿಲಿಲ್‌ ವಾರ್ಡ್‌ನಲ್ಲಿ ಬಿಜೆಪಿಯಿಂದ ಸ್ಪರ್ಧಿಸುತ್ತಿರುವ 24 ವರ್ಷದ ಯುವತಿ. “ಕೊರೊನಾ ಥಾಮಸ್‌’ ಎಂಬ ಹೆಸರಿನ ಈಕೆ ಮುಗುಳ್ನಗುತ್ತಾ, ಕೈ ಮುಗಿಯುತ್ತಾ ಮನೆ ಮನೆಗೆ ಭೇಟಿ ನೀಡಿ ಮತ ಯಾಚಿಸುತ್ತಿದ್ದಾರೆ. ಆರಂಭದಲ್ಲಿ ನನಗೆ ಮುಜುಗರ ಹಾಗೂ ಅವಮಾನ ಆಗುತ್ತಿತ್ತಾ­ದರೂ ಈಗ ಎಲ್ಲರೂ ನನ್ನನ್ನು ಸ್ವೀಕರಿಸತೊಡಗಿ­ದ್ದಾರೆ. ನನ್ನ ಹೆಸರಿನಿಂದಲೇ ನಾನೀಗ ಹೆಚ್ಚು ಪರಿಚಿತಳಾಗಿದ್ದೇನೆ ಎನ್ನುತ್ತಾರೆ ಕೊರೊನಾ.