ಬಾಲಿವುಡ್ ನೃತ್ಯ ನಿರ್ದೇಶಕ ರೆಮೋ ಡಿಸೋಜಾಗೆ ಹೃದಯಾಘಾತ ಆಸ್ಪತ್ರೆಗೆ ದಾಖಲು

Team Udayavani, Dec 11, 2020, 7:13 PM IST

ಮುಂಬೈ : ಬಾಲಿವುಡ್ ನೃತ್ಯ ನಿರ್ದೇಶಕ ರೆಮೋ ಡಿಸೋಜ ಅವರಿಗೆ ಹೃದಯಾಘಾತವಾಗಿದ್ದು ಅವರನ್ನು ಮುಂಬೈನ ಕೋಕಿಲಾಬೆನ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಸದ್ಯ ಆಸ್ಪತ್ರೆಯ ತೀವ್ರ ನಿಘಾ ಘಟಕದಲ್ಲಿ ಚಿಕಿತ್ಸೆಯನ್ನು ಪಡೆಯುತ್ತಿದ್ದು ವೈದ್ಯರ ಹೇಳಿಕೆಯಂತೆ ಆಂಜಿಯೋಪ್ಲ್ಯಾಸ್ಟಿಗೆ ನಡೆಸಿದ್ದು ಆರೋಗ್ಯದಲ್ಲಿ ಸ್ಥಿರವಾಗಿದ್ದರೆ ಎಂದಿದ್ದಾರೆ.

1995 ರಲ್ಲಿ ಬಾಲಿವುಡ್ ಡ್ರೀಮ್ಸ್ ಚಿತ್ರದ ನೃತ್ಯ ಸಂಯೋಜಕನಾಗಿ ಪಾದಾರ್ಪಣೆ ಮಾಡಿದ ರೆಮೋ, ಚಮೇಲಿ (2003), ಧೂಮ್ (2004), 36 ಚೀನಾ ಟೌನ್ (2006), ದೆಹಲಿ ಹೈಟ್ಸ್ (2007 ), ರಾಕ್ ಆನ್ !! (2008) ಮತ್ತು ಲಂಡನ್ ಡ್ರೀಮ್ಸ್ (2009). 2011 ರಲ್ಲಿ ಬಿಡುಗಡೆಯಾದ ಅವರ ಮೊದಲ ನಿರ್ದೇಶನದ ಎಫ್.ಎ.ಎಲ್.ಟಿ.ಯು ಬಾಕ್ಸ್ ಆಫೀಸ್ ನಲ್ಲಿ ಯಶಸ್ವಿಯಾಗಿದೆ.

ABCD ಮತ್ತು ABCD 2 ಗಳನ್ನು ಸಹ ನಿರ್ದೇಶಿಸಿದ್ದು, ಇವೆರಡೂ ಬಾಕ್ಸ್ ಆಫೀಸ್ ನಲ್ಲಿ ಯಶಸ್ವಿಯಾಗಿವೆ. ರೇಸ್ 3, ಸ್ಟ್ರೀಟ್ ಡ್ಯಾನ್ಸರ್ 3ಡಿ ಮತ್ತು ಫ್ಲೈಯಿಂಗ್ ಜೆಟ್ ನಲ್ಲಿ ಹಿನ್ನೆಲೆ ನಿರ್ದೇಶಕರಾಗಿದ್ದರು. ಅದಲ್ಲದೆ ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್, ಡ್ಯಾನ್ಸ್ ಪ್ಲಸ್ ಮತ್ತು ಜಲಕ್ ದಿಖ್ ಲಾಜಾ ಮುಂತಾದ ಅನೇಕ ಡ್ಯಾನ್ಸ್ ರಿಯಾಲಿಟಿ ಶೋಗಳನ್ನು ನಡೆಸಿದ್ದಾರೆ.