ಕೊಣಾಜೆ: ಬಿಜೆಪಿ ಬೆಂಬಲಿಗ, ರಾಜ್ಯ ಹಜ್ ಕಮಿಟಿ ಸದಸ್ಯನ ತಲೆಗೆ ಸುತ್ತಿಗೆಯಿಂದ ಹಲ್ಲೆ

Team Udayavani, Dec 12, 2020, 8:29 PM IST

ಕೊಣಾಜೆ: ಬಿಜೆಪಿ ಬೆಂಬಲಿಗ  ಹಾಗೂ ರಾಜ್ಯ ಹಜ್  ಕಮಿಟಿ ಸದಸ್ಯ ಹನೀಫ್ ನಿಜಾಮಿ ತಲೆಗೆ ವ್ಯಕ್ತಿಯೊಬ್ಬ ಸುತ್ತಿಗೆಯಿಂದ ಹೊಡೆದ ಘಟನೆ ಅಸೈಗೊಳಿಯಲ್ಲಿ ನಡೆದಿದೆ.

ಮಂಜನಾಡಿ ಅಸೈ ವಾರ್ಡಿನ ಬಿಜೆಪಿ ಬೆಂಬಲಿಗ ಹನೀಫ್ ನಿಜಾಮಿ ತಲೆಗೆ ಸುತ್ತಿಗೆಯಿಂದ ಬಡಿಯಲಾಗಿದ್ದು,  ಗಂಭೀರ ಸ್ಥಿತಿಯಲ್ಲಿರುವ ನಿಜಾಮಿಯನ್ನು ದೇರಳಕಟ್ಟೆಯ ಕಣಚೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಅಸೈಗೋಳಿ ನಿವಾಸಿ ಕಾಂಗ್ರೆಸ್ ಕಾರ್ಯಕರ್ತರೆನ್ನಲಾದ ಕರೀಂ ಎಂಬಾತನೇ ಕೃತ್ಯ ಎಸಗಿದ್ದಾನೆ ಎಂದು ಆರೋಪಿಸಲಾಗಿದೆ.

ಹನೀಫ್ ನಿಜಾಮಿ, ಕರ್ನಾಟಕ ರಾಜ್ಯ  ಹಜ್ ಕಮಿಟಿ ಸದಸ್ಯ ಹಾಗೂ  ಧಾರ್ಮಿಕ ಗುರುಗಳಾಗಿದ್ದಾರೆಂದು ವರದಿಯಾಗಿದೆ.

ಕೊಣಾಜೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪ್ರಕರಣ ದಾಖಲಾಗಿದೆ