ದುಬಾೖ ಟೆನಿಸ್‌ ಚಾಂಪಿಯನ್‌ಶಿಪ್‌: ಅಂಕಿತಾ ರೈನಾಗೆ ಡಬಲ್ಸ್‌ ಪ್ರಶಸ್ತಿ

Team Udayavani, Dec 14, 2020, 6:30 AM IST

ದುಬಾೖ: ಭಾರತದ ಅಂಕಿತಾ ರೈನಾ ದುಬಾೖಯಲ್ಲಿ ನಡೆದ 100,000 ಡಾಲರ್‌ ಬಹುಮಾನದ “ಅಲ್‌ ಹಬೂ¤ರ್‌ ಚಾಲೆಂಜ್‌ ಟೆನಿಸ್‌ ಟೂರ್ನಿ’ಯ ವನಿತಾ ಡಬಲ್ಸ್‌ ಚಾಂಪಿಯನ್‌ ಆಗಿ ಮೂಡಿಬಂದರು. ಇಲ್ಲಿ ಅವರಿಗೆ ಜತೆಯಾಗಿದ್ದವರು ಜಾರ್ಜಿಯಾದ ಎಕಟೆರಿನಾ ಗೋರ್ಗೊಝ್.

ಫೈನಲ್‌ನಲ್ಲಿ ಶ್ರೇಯಾಂಕ ರಹಿತ ಇಂಡೋ-ಜಾರ್ಜಿಯನ್‌ ಜೋಡಿ ಅಲಿಯೋನಾ ಬೊಲ್ಸೊàವಾ ಝದೊಯಿನೋವ್‌ (ಸ್ಪೇನ್‌)-ಕಾಜಾ ಜುವಾನ್‌ (ಸ್ಲೊವಾಕಿಯಾ) ವಿರುದ್ಧ 3 ಸೆಟ್‌ಗಳ ಹೋರಾಟದ ಬಳಿಕ 6-4, 3-6, 10-6 ಅಂತರದ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾದರು.

ಇದು 2020ರ ಟೆನಿಸ್‌ ಋತುವಿನ 4ನೇ ಫೈನಲ್‌ನಲ್ಲಿ ಅಂಕಿತಾ ಪಾಲಾದ 3ನೇ ಪ್ರಶಸ್ತಿ. ಕಳೆದ ಫೆಬ್ರವರಿಯಲ್ಲಿ ಥಾಯ್ಲೆಂಡ್‌ನ‌ ಎರಡು ಟೂರ್ನಿಗಳಲ್ಲಿ ಬಿಬಿಯಾನೆ ಸ್ಕೂಫ್ ಜತೆಗೂಡಿ ಪ್ರಶಸ್ತಿ ಎತ್ತಿದ್ದರು. ಆದರೆ ಜೋಧ್‌ಪುರ್‌ ಫೈನಲ್‌ನಲ್ಲಿ ಸ್ನೇಹಲ್‌ ಮಾನೆ ಜತೆಗೂಡಿ ರನ್ನರ್ ಅಪ್‌ಗೆ ತೃಪ್ತಿಪಟ್ಟಿದ್ದರು.