ತಮಿಳುನಾಡು ಚುನಾವಣೆ: ಕಮಲ್‌-ರಜನಿ ಮೈತ್ರಿ?

Team Udayavani, Dec 15, 2020, 1:14 AM IST

ಚೆನ್ನೈ: ತಮಿಳುನಾಡು ವಿಧಾನಸಭೆ ಚುನಾವಣೆಯಲ್ಲಿ ನಟ-ರಾಜಕಾರಣಿ ಕಮಲ್‌ ಹಾಸನ್‌ ಅವರ ಮಕ್ಕಳ್‌ ನೀತಿ ಮಯ್ಯಂ ಪಕ್ಷ ಮುಂದಿನ ತಿಂಗಳು ಘೋಷಣೆಯಾಗಲಿರುವ ತಲೈವಾ ರಜನಿಕಾಂತ್‌ರ ಹೊಸ ಪಕ್ಷ ಮೈತ್ರಿ ಮಾಡಿಕೊಳ್ಳುವ ಸಾಧ್ಯತೆಗಳು ಇವೆ. ಮೈತ್ರಿ ಬಗ್ಗೆ ಕೇಳಿ ದಾಗ ಅವರು ಹೇಳಿದ್ದಿಷ್ಟು “ರಾಜಕೀಯ ಕ್ಷೇತ್ರಗಳಲ್ಲಿ ಮೈತ್ರಿಕೂಟ ಗಳು ಮುರಿದು ಬೀಳುತ್ತವೆ ಮತ್ತು ಹೊಸ ಮೈತ್ರಿಕೊಟಗಳು ರಚನೆಯಾಗು ತ್ತವೆ’. ಹೀಗಾಗಿ ಇಬ್ಬರು ನಾಯಕರು ಮೈತ್ರಿ ಮಾಡಿಕೊಳ್ಳುವ ಸಾಧ್ಯತೆ ಬಗ್ಗೆ ಗುಸು ಗುಸು ಶುರುವಾಗಿದೆ.

ಚುನಾವಣೆಯಲ್ಲಿ ಸ್ಪರ್ಧೆ: ವಿಧಾನ ಸಭೆ ಚುನಾವಣೆಯಲ್ಲಿ ಸ್ಪರ್ಧಿಸು ವುದಾಗಿ ಹೇಳಿರುವ ಕಮಲ್‌ ಹಾಸನ್‌, ಕ್ಷೇತ್ರದ ಬಗ್ಗೆ ಡಿ.31ರಂದು ಪ್ರಕಟಿಸಲಾಗುತ್ತದೆ ಎಂದು ಹೇಳಿದ್ದಾರೆ. ಚೆನ್ನೈನಲ್ಲಿಯೇ ಅವರು ವಾಸಿಸುತ್ತಿರುವುದರಿಂದ ನಗರ ವ್ಯಾಪ್ತಿಯ ಕ್ಷೇತ್ರವೊಂದರಿಂದ ಸ್ಪರ್ಧಿಸುವ ಸಾಧ್ಯತೆ ಹೆಚ್ಚಾಗಿದೆ.

ಮತ್ತೂಂದು ಬೆಳವಣಿಗೆಯಲ್ಲಿ ಸಂಸದ ಅಸಾದುದ್ದೀನ್‌ ಒವೈಸಿ ಅವರ ಆಲ್‌ ಇಂಡಿಯಾ ಮಜಿಸ್‌-ಇ-ಇತ್ತೆಹಾದುಲ್‌ ಪಕ್ಷ 25 ಕ್ಷೇತ್ರಗಳಲ್ಲಿ ಸ್ಪರ್ಧೆ ನಡೆಸಲು ಮುಂದಾಗಿದೆ. ಇದರ ಜತೆಗೆ ಕಮಲ್‌ ಹಾಸನ್‌ ಪಕ್ಷದ ಜತೆಗೂ ಮೈತ್ರಿ ಮಾಡಿ ಕೊಳ್ಳುವ ಬಗ್ಗೆ ಮಾತುಗಳಿವೆ. ಬಿಹಾರ ವಿಧಾನಸಭೆ ಚುನಾವಣೆಯಲ್ಲಿ ಒವೈಸಿ ಪಕ್ಷ ಐದು ಸ್ಥಾನಗಳಲ್ಲಿ ಜಯ ಸಾಧಿಸಿತ್ತು. ಇದರ ಜತೆಗೆ ಪಶ್ಚಿಮ ಬಂಗಾಳ ದಲ್ಲಿಯೂ ಅದೃಷ್ಟ ಪರೀಕ್ಷೆಗೆ ಒವೈಸಿ ಮುಂದಾಗಿದ್ದಾರೆ.