ಫೈಜರ್‌ ನೀಡಿಕೆ ಶುರು, ಅಮೆರಿಕ ನಿಟ್ಟುಸಿರು!

Team Udayavani, Dec 15, 2020, 1:19 AM IST

ಅಮೆರಿಕದ ನ್ಯೂಯಾರ್ಕ್‌ ನಲ್ಲಿ ಮೊಟ್ಟ ಮೊದಲ ಲಸಿಕೆ ಹಾಕಿಸಿಕೊಂಡ ನರ್ಸ್‌ ಸಾಂಡ್ರಾ ಲಿಂಡ್ಸೆ

ವಾಷಿಂಗ್ಟನ್‌/ಹೊಸದಿಲ್ಲಿ: ಕೊರೊನಾದಿಂದ ಅತಿಹೆಚ್ಚು ಸಾವು-ನೋವು ಕಂಡ ಅಮೆರಿಕ ಕೊನೆಗೂ ನಿಟ್ಟುಸಿರು ಬಿಟ್ಟಿದ್ದು, ಯುಎಸ್‌ನಲ್ಲಿ ಸೋಮವಾರದಿಂದ ಫೈಜರ್‌ ಲಸಿಕೆ ನೀಡಿಕೆ ಆರಂಭಗೊಂಡಿದೆ.

ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಈ ನಿಟ್ಟುಸಿರಿನ ಸಂಭ್ರಮವನ್ನು ಟ್ವಿಟರಿನಲ್ಲಿ ಹಂಚಿಕೊಂಡಿದ್ದಾರೆ. “ಅಮೆರಿಕ ¨ ‌ಲ್ಲಿ ಮೊದಲ ಲಸಿಕೆ ನೀಡುವಿಕೆ ಶುರುವಾಗಿದೆ. ಅಮೆರಿ ಕನ್ನರಿಗೆ ವಂದನೆ ಗಳು, ಜಗತ್ತಿಗೂ ಶುಭಾಶಯಗಳು’ ಎಂದು ಟ್ರಂಪ್‌ ಟ್ವೀಟಿಸಿದ್ದಾರೆ.

ಮಿಚಿಗನ್‌ನ ಕಲಾಮಝೂ ಲಸಿಕೆ ತಯಾರಕಾ ಘಟಕ  ದಿಂದ 30 ಲಕ್ಷ ಫೈಜರ್‌ ಡೋಸ್‌ಗಳನ್ನು ಅತಿಕಡಿಮೆ ಉಷ್ಣಾಂಶವುಳ್ಳ ಬಾಕ್ಸ್‌ಗಳಲ್ಲಿ ಸಂರಕ್ಷಿಸಿ, ವಿಮಾನ ಮತ್ತು ಟ್ರಕ್‌ಗಳ ಮೂಲಕ ದೇಶಾದ್ಯಂತದ ಆರೋಗ್ಯ ಕೇಂದ್ರ  ಗಳಿಗೆ ಪೂರೈಸುವ ಕೆಲಸ ಸಾಗಿದೆ. ಆರೋಗ್ಯ ಕಾರ್ಯ  ಕರ್ತರು, ನರ್ಸ್‌ಗಳು, ತೀವ್ರ ಸೋಂಕಿನಿಂದ ನಲುಗು ತ್ತಿರು ವವರಿಗೆ ಆರಂಭಿಕ ಹಂತದಲ್ಲಿ ಲಸಿಕೆ ನೀಡಲಾಗು ತ್ತಿದೆ. ಇನ್ನೊಂದೆಡೆ ಭಾರತದಲ್ಲಿ ಈ ತಿಂಗಳಿನಲ್ಲಿ ಮತ್ತೂಮ್ಮೆ 30 ಸಾವಿರಕ್ಕಿಂತ ಕಡಿಮೆ ಕೊರೊನಾ ಕೇಸ್‌ ದಾಖಲಾಗಿದೆ. ಸೋಮವಾರ ದೇಶದಲ್ಲಿ ಹೊಸದಾಗಿ ಕೇವಲ 27,071 ಮಂದಿಗೆ ಪಾಸಿಟಿವ್‌ ತಗುಲಿದೆ.

ಐಐಟಿ ಮದ್ರಾಸ್‌ನಲ್ಲಿ 104 ಕೇಸು
ಚೆನ್ನೈನಲ್ಲಿರುವ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ, ಮದ್ರಾಸ್‌ನ ಕ್ಯಾಂಪಸ್‌ನಲ್ಲಿ 104 ಸೋಂಕು ಪ್ರಕರಣಗಳು ದೃಢಪಟ್ಟಿವೆ. ಈ ಪೈಕಿ ಹೆಚ್ಚಿನವರು ವಿದ್ಯಾರ್ಥಿಗಳು. ಹೀಗಾಗಿ, ಕ್ಯಾಂಪಸ್‌ ಅನ್ನು ತಾತ್ಕಾಲಿಕವಾಗಿ ಮುಚ್ಚಲು ನಿರ್ಧರಿಸಲಾಗಿದೆ. ಸೋಂಕು ದೃಢಪಟ್ಟವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಐಐಟಿ ಕ್ಯಾಂಪಸ್‌ನಲ್ಲಿ ಡಿ.1 ರಿಂದ 12ರ ವರೆಗೆ 444 ಸ್ಯಾಂಪಲ್‌ಗ‌ಳನ್ನು ತೆಗೆದುಕೊಳ್ಳಲಾಗಿತ್ತು. ಈ ಪೈಕಿ 104 ಮಂದಿಗೆ ಸೋಂಕು ದೃಢಪಟ್ಟಿದೆ. ಪ್ರಾಧ್ಯಾಪಕರಿಗೆ ಮತ್ತು ಇತರ ಉದ್ಯೋಗಿಗಳಿಗೆ ಮನೆಯಿಂದಲೇ ಕೆಲಸ ನಿರ್ವಹಿಸಲು ಸೂಚಿಸಲಾಗಿದೆ.