ಗ್ರಾಮದ ಅಭಿವೃದ್ಧಿ ಮಾಡಲು ಅವಕಾಶ ಕೊಡಿ

Team Udayavani, Dec 16, 2020, 3:27 PM IST

ಮಾಗಡಿ: ಮಹಿಳಾ ಮೀಸಲಾತಿ ಬಂದಿರುವುದರಿಂದ ಗ್ರಾಮದ ಅಭಿವೃದ್ಧಿ ಹಾಗೂ ಜನಗಳ ಸೇವೆ ಮಾಡಲು ಒಂದು ಭಾರಿ ನಮಗೂ ಅವಕಾಶ ಮಾಡಿಕೊಡಿ ಎಂದು ಚಕ್ರಬಾವಿ ಕ್ಷೇತ್ರದಿಂದ ಗ್ರಾಪಂ ಚುನಾವಣೆಗೆ ಸ್ಪರ್ಧಿಸುತ್ತಿರುವ ಅಭ್ಯರ್ಥಿ ಮಂಜುಳಾ ದೀಪಕ್‌ ಮನವಿ ಮಾಡಿದರು.

ತಾಲೂಕಿನ ಸೀಗೇಕುಪ್ಪೆ ಗ್ರಾಪಂ ವ್ಯಾಪ್ತಿಯ ಚಕ್ರಬಾವಿ-1 ಮಹಿಳಾಕ್ಷೇತ್ರಕ್ಕೆ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಿ ಮಾತನಾಡಿದರು.ಗ್ರಾಪಂನಲ್ಲಿ ಆಯ್ಕೆಯಾದರೆ ನರೇಗಾ ಯೋಜನೆ ಮೂಲಕಗ್ರಾಮದ ಅಭಿವೃದ್ಧಿಗೆ ಸಾಕಷ್ಟು ಅನುದಾನ ಬರುವುದರಿಂದ ಗ್ರಾಮಸ್ಥರ ಪರವಾಗಿಸದಸ್ಯರಾಗಿ ಕ್ಷೇತ್ರಕ್ಕೆ ಹೆಚ್ಚಿನ ಅನುದಾನ ತಂದು ಮಾದರಿ ಗ್ರಾಮವಾಗಿ ಮಾಡಲು ಸಂಕಲ್ಪ ಮಾಡಿಕೊಳ್ಳಲಾಗಿದೆ. ಈ ಭಾರಿ ಗ್ರಾಪಂ ಚುನಾವಣೆಗೆ ಗ್ರಾಮಸ್ಥರ ಒತ್ತಾಯದ ಮೇಲೆ ಸ್ಪರ್ಧೆ ಮಾಡಿದ್ದು ಈ ಚುನಾವಣೆಯಲ್ಲಿಬೆಂಬಿಸುತ್ತಾರೆಂಬ ವಿಶ್ವಾಸವಿದೆ. ನಿಮ್ಮ ಸೇವೆ ಮಾಡಲು ಒಂದು ಅವಕಾಶ ನೀಡಿ ಎಂದು ಮನವಿ ಮಾಡಿದರು.

ಯುವ ಮುಖಂಡ ಸಿ.ಎನ್‌.ದೀಪಕ್‌ ಮಾತನಾಡಿ, ಯುವಕರಿಗೆ ಹೆಚ್ಚಿನ ಅವಕಾಶ ನೀಡಿದರೆ ಹೆಚ್ಚು ಅಭಿವೃದ್ಧಿ ಮಾಡಲುಗಮನಹರಿಸಬಹುದು. ಚಕ್ರಬಾವಿ ಗ್ರಾಮ ಶಾಂತಿ ಗ್ರಾಮವಾಗಿದ್ದು ಈ ಭಾರಿ ನಡೆಯುವ ಚುನಾವಣೆಯಲ್ಲಿ ನಮ್ಮ ಅಭ್ಯರ್ಥಿಯನ್ನು ಗೆಲ್ಲಿಸುತ್ತಾರೆಂಬ ವಿಶ್ವಾಸವಿದೆ ಎಂದರು.

ಬೆಂಬಲಿಗರ ಜತೆ ನಾಮಪತ್ರ ಸಲ್ಲಿಸಲಾಯಿತು. ನಾಮಪತ್ರ ಸಲ್ಲಿಸುವವೇಳೆ ಗ್ರಾಮಸ್ಥರಾದ ಮಹೇಶ್‌, ಸುರೇಶ್‌, ಚಂದ್ರ, ಸಿ.ಟಿ.ನಾಗರಾಜು, ಅಂಗ ಡಿ ನಾಗರಾಜು, ಮಹೇಶ್‌, ಮಂಜುನಾಥ್‌, ಲೋಕೇಶ್‌, ತಿಬ್ಬಲಿಂಗಯ್ಯ, ಪಾಪೇಗೌಡ, ಮೂರ್ತಿ,ಬಸವರಾಜು, ಸುರೇಶ್‌ ಮತ್ತಿತರರಿದ್ದರು.