ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಆಂಟನಿ ವೇಸ್ಟ್ ಕಾರ್ಮಿಕರ ಪ್ರತಿಭಟನೆ

Team Udayavani, Dec 17, 2020, 2:40 PM IST

ಸುರತ್ಕಲ್ : ಮಂಗಳೂರು ಪಾಲಿಕೆಯ ಸ್ವಚ್ಚತಾ ಕಂಪನಿ ಆಂಟನಿ ವೇಸ್ಟ್ ಇದರ ವಾಹನ ಚಾಲಕರು ಅದರಲ್ಲಿನ ಕೆಲಸಗಾರರು ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಆಗ್ರಹಿಸಿ ಸಫಾಯಿ ಕರ್ಮಾಚಾರಿ ಸಂಘದ ವತಿಯಿಂದ ಆಂಟನಿ ವೇಸ್ಟ್ ಕಚೇರಿ ಮುಂಭಾಗ ವಾಹನ ನಿಲ್ಲಿಸಿ ಪ್ರತಿಭಟನೆ ನಡೆಸಿದರು.

ಈ ಸಂದರ್ಭದಲ್ಲಿ ಸ್ಥಳಕ್ಕೆ ಆಗಮಿಸಿದ ಪಾಲಿಕೆ ಜಂಟಿ ಆಯುಕ್ತರು ತಿಂಗಳ ವೇತನ ಹಾಕುವ ಬಗ್ಗೆ ಭರವಸೆ ನೀಡಿದ್ದು. ಇದರ ಜತೆ ಈ ಬಾರಿಯ ಬೋನಸ್ ನೀಡಲು ಸ್ವಲ್ಪ ಕಾಲಾವಕಾಶ ಕೇಳಿ ಶೀಘ್ರ ಹಾಕುವ ಭರವಸೆ ನೀಡಿದರು.

ಇದೇ ವೇಳೆ ಈ ತಿಂಗಳ 21ತಾರೀಕಿನ ಒಳಗಾಗಿ ವೇತನ ಮತ್ತು ಜನವರಿ ತಿಂಗಳಲ್ಲಿ ಬೋನಸ್ ಕೊಡುವ ಬಗ್ಗೆ ಆಂಟನಿ ವೇಸ್ಟ್ ಮ್ಯಾನೇಜ್ ಮೆಂಟ್ ಕಂಪನಿ ಲಿಖಿತ ಭರವಸೆ ನೀಡಿದ್ದು. ಇದರ ಜತೆ ಹೆಚ್ಚುವರಿ ಕೆಲಸಕ್ಕೆ ಒ ಟಿ ಮತ್ತು ಸಕಾಲಕ್ಕೆ ವಾಹನ ದುರಸ್ತಿ,ಹಿರಿಯ ಅಧಿಕಾರಿಗಳಿಂದ ಕಿರುಕುಳ ತಡೆ ಮತ್ತಿತರ ಭರವಸೆ ನೀಡಿದೆ.

ಕಂಪನಿ ನೀಡಿರುವ ಭರವಸೆ ತಪ್ಪಿದಲ್ಲಿ 21ರ ಬಳಿಕ ಸಫಾಯಿ ಕರ್ಮಾಚಾರಿಗಳು ಮತ್ತೆ ಅನಿರ್ದಿಷ್ಟಾವಧಿ ಮುಷ್ಕರ ನಡೆಸುವ ಎಚ್ಚರಿಕೆ ನೀಡಿದೆ.