ಸಾರಥಿ-ಕರ‌್ಲಹಳ್ಳಿಯಲ್ಲಿ ಗೊಬ್ಬರ ಕಾರ್ಖಾನೆ

Team Udayavani, Dec 18, 2020, 6:28 PM IST

ದಾವಣಗೆರೆ: ಹರಿಹರ ತಾಲೂಕು ಸಾರಥಿ-ಕರ‌್ಲಹಳ್ಳಿ ಬಳಿ ಸ್ಥಾಪನೆ ಮಾಡಲು ಉದ್ದೇಶಿಸಿರುವ ರಾಸಾಯನಿಕ ಗೊಬ್ಬರ ಕಾರ್ಖಾನೆಗೆ ಕೆಐಎಡಿಬಿಯಿಂದ 324 ಎಕರೆ ಜಮೀನು ಗುರುತಿಸಲಾಗಿದೆ. ರಾಸಾಯನಿಕಗೊಬ್ಬರ ಕಾರ್ಖಾನೆ ಬಗ್ಗೆ ಶೀಘ್ರವಾಗಿಕಾರ್ಯಸಾಧ್ಯತೆ ವರದಿ ಸಲ್ಲಿಸಬೇಕು ಎಂದು ಸಂಸದ ಜಿ.ಎಂ. ಸಿದ್ದೇಶ್ವರ ಅಧಿಕಾರಿಗಳಿಗೆ ಸೂಚಿಸಿದರು.

ಗುರುವಾರ ಜಿಎಂಐಟಿ ಅತಿಥಿ ಗೃಹದಲ್ಲಿ ನಡೆದ ಅಧಿಕಾರಿಗಳ ಸಭೆಯಲ್ಲಿ ಮಾತನಾಡಿದ ಅವರು,ರಾಜ್ಯ ಸರ್ಕಾರದ ಮಾರ್ಕೆಟಿಂಗ್‌ ಫೆಡರೇಷನ್‌ಸಹಯೋಗದೊಂದಿಗೆ ರಾಸಾಯನಿಕ ಗೊಬ್ಬರಕಾರ್ಖಾನೆ ಸ್ಥಾಪನೆ ಮಾಡಲು ಉದ್ದೇಶಿಸಲಾಗಿದೆ.ರಾಜ್ಯ ಮಾರ್ಕೆಟಿಂಗ್‌ ಫೆಡರೇಷನ್‌ನವರು ಕಳೆದ ವಾರ ಉದ್ದೇಶಿತ ಸ್ಥಳಕ್ಕೆ ಭೇಟಿ ನೀಡಿ ಕೇಂದ್ರ ತಂಡಕ್ಕೆವರದಿ ನೀಡಿದ್ದರು ಎಂದರು.

ಫೆಡರೇಷನ್‌ನವರು ನೀಡಿದ ಮಾಹಿತಿ ಆಧಾರದಮೇಲೆ ಕೇಂದ್ರ ಸರ್ಕಾರದ ರಾಸಾಯನಿಕ ಮತ್ತುರಸಗೊಬ್ಬರ ಸಚಿವಾಲಯದ ಅಧೀನದಲ್ಲಿರುವಸಾರ್ವಜನಿಕ ಉದ್ದಿಮೆಯಾದ ದೆಹಲಿಯ ಪ್ರಾಜೆಕ್ಟ್ಅಂಡ್‌ ಡೆವಲಪ್‌ಮೆಂಟ್‌ ಇಂಡಿಯಾ ಲಿಮಿಟೆಡ್‌ (ಐಡಿಪಿಎಲ್‌) ವತಿಯಿಂದ ತಂಡವೊಂದುಹರಿಹರದ ಸಾರಥಿ ಕೈಗಾರಿಕಾ ಪ್ರದೇಶಕ್ಕೆ ಭೇಟಿ ನೀಡಿಕಾರ್ಯ ಸಾಧ್ಯತೆ ವರದಿ ತಯಾರಿಸಲು ಬೇಕಾದ ಮಾಹಿತಿ ಪಡೆದುಕೊಂಡಿದೆ ಎಂದು ತಿಳಿಸಿದರು.

ರಾಸಾಯನಿಕ ಗೊಬ್ಬರ ಕಾರ್ಖಾನೆ ಸ್ಥಾಪನೆಮಾಡಲು ಅಗತ್ಯವಾಗಿರುವ ನೀರಿನ ಲಭ್ಯತೆ,ವಿದ್ಯುತ್‌ ಗ್ರಿಡ್‌ಗಳ ಅಂತರ, ಗ್ಯಾಸ್‌ ಪೈಪ್‌ಲೈನ್‌ದೂರ, ಮಣ್ಣಿನ ಗುಣಮಟ್ಟ, ಸಾರಿಗೆ ವ್ಯವಸ್ಥೆ,ಹತ್ತಿರದ ವಿಮಾನ, ರೈಲ್ವೆ ನಿಲ್ದಾಣದ ಮಾಹಿತಿಸಮಗ್ರ ಮಾಹಿತಿ ಸಂಗ್ರಹಿಸಿದ ನಂತರ ತಮ್ಮೊಂದಿಗೆಸಾಧಕ-ಬಾಧಕಗಳ ಕುರಿತು ಸು ಧೀರ್ಘ‌ ಚರ್ಚೆ ನಡೆಸಿದರು ಎಂದರು.

ಐಡಿಪಿಎಲ್‌ ಹೆಚ್ಚುವರಿ ಪ್ರಧಾನ ವ್ಯವಸ್ಥಾಪಕವಿಕಾಸ್‌ ಗೌರ್‌, ಹರಿಹರದ ಬಳಿ ಒದಗಿಸಿರುವಜಮೀನು ಎಲ್ಲಾ ದೃಷ್ಟಿಯಿಂದ ಅತ್ಯಂತ ಸೂಕ್ತವಾಗಿದೆ. ಸಂಗ್ರಹಿಸಿರುವ ಮಾಹಿತಿಗಳಆಧಾರದ ಮೇಲೆ ಸಚಿವಾಲಯಕ್ಕೆ ಕಾರ್ಯಸಾಧ್ಯತೆ ವರದಿ ಸಿದ್ಧಪಡಿಸಿ ಸಲ್ಲಿಸಲಿದ್ದೇವೆ. ವರದಿಯನ್ನಕೂಲಂಕುಶವಾಗಿ ಪರಿಶೀಲಿಸಿ ಸಚಿವಾಲಯ ಸೂಕ್ತನಿರ್ಧಾರ ಕೈಗೊಳ್ಳಲಿದೆ ಎಂದು ತಿಳಿಸಿದರು.

ಸಂಸದ ಜಿ.ಎಂ. ಸಿದ್ದೇಶ್ವರ ಮಾತನಾಡಿ,ಸಕಾರಾತ್ಮಕ ವರದಿ ತಯಾರಿಸಿ ಸಚಿವಾಲಯಕ್ಕೆಆದಷ್ಟು ಬೇಗ ಸಲ್ಲಿಸಿ. ಇನ್ನುಳಿದಂತೆ ಅಗತ್ಯ ಕ್ರಮಗಳಬಗ್ಗೆ ಜಿಲ್ಲಾಧಿಕಾರಿಗಳು ಗಮನ ಹರಿಸುತ್ತಾರೆ ಎಂದರು. ಅದಕ್ಕೆ ಧ್ವನಿಗೂಡಿಸಿದ ಜಿಲ್ಲಾಧಿಕಾರಿ ಮಹಾಂತೇಶ ಬೀಳಗಿ, ಜಿಲ್ಲಾಡಳಿತದ ವತಿಯಿಂದ ಎಲ್ಲಾ ರೀತಿಯ ಸಹಕಾರ ನೀಡುವುದಾಗಿ ಭರವಸೆ ನೀಡಿದರು.

ಎಲ್ಲಾ ಪೂರ್ವಸಿದ್ದತಾ ಕ್ರಮಗಳು ಮುಗಿದಮೇಲೆ ಎಷ್ಟು ಕಾಲಾವಕಾಶದಲ್ಲಿ ಕಾರ್ಖಾನೆ ತಲೆ ಎತ್ತಲಿದೆ ಎನ್ನುವ ಸಂಸದರ ಪ್ರಶ್ನೆಗೆ, ಕಾರ್ಖಾನೆ ಸ್ಥಾಪನೆ ಮಾಡುವ ಕೆಲಸ ಆರಂಭವಾಗಿ 36 ತಿಂಗಳುಗಳಲ್ಲಿ ಕೆಲಸ ಪೂರ್ಣಗೊಂಡು ಕಾರ್ಖಾನೆತನ್ನ ಕೆಲಸ ಆರಂಭ ಮಾಡಲಿದೆ ಎಂದು ವಿಕಾಸ್‌ಗೌರ್‌ ಮಾಹಿತಿ ನೀಡಿದರು. ಮಾರ್ಕೆಟಿಂಗ್‌ ಫೆಡರೇಷನ್‌ ಕಾರ್ಯಪಾಲಕಅಭಿಯಂತರ ಮಂಜುನಾಥ್‌, ಮಾರ್ಕೆಟಿಂಗ್‌ ಫೆಡರೇಷನ್‌ ನಿರ್ದೇಶಕ ಮಾಧುರಿ ಗಿರೀಶ್‌ಇತರರು ಸಭೆಯಲ್ಲಿ ಹಾಜರಿದ್ದರು.

ಮಾಜಿ ಸಚಿವ ದಿ| ಅನಂತಕುಮಾರ್‌ ಅವರು ಅತ್ಯಂತ ಕಾಳಜಿ ವಹಿಸಿ ದಾವಣಗೆರೆ ಜಿಲ್ಲೆಗೆ ರಾಸಾಯನಿಕ ಗೊಬ್ಬರ ಕಾರ್ಖಾನೆಗೆ ತಾತ್ವಿಕ ಅನುಮೋದನೆ ನೀಡಿದ್ದರು. ಈಗಿನ ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವರಾದ ಸದಾನಂದ ಗೌಡರು ಕೆಲಸಕ್ಕೆ ವೇಗನೀಡಿದ್ದಾರೆ. ರಾಸಾಯನಿಕ ಗೊಬ್ಬರ ಕಾರ್ಖಾನೆ ಸ್ಥಾಪನೆಯೊಂದಿಗೆ ದಾವಣಗೆರೆ ಜಿಲ್ಲೆಯ ಹರಿಹರದ ಗತವೈಭವ ಮರುಕಳಿಸಲಿದೆ. –ಜಿ.ಎಂ. ಸಿದ್ದೇಶ್ವರ, ಸಂಸದರು