ಬರಲಿದೆ ಕಸ್ತೂರಿ ಮಹಲ್‌-2

Team Udayavani, Dec 28, 2020, 1:32 PM IST

ಸಾಮಾನ್ಯವಾಗಿ ಯಾವುದೇ ಚಿತ್ರಗಳು ಬಿಡುಗಡೆಯಾಗಿ ಸಕ್ಸಸ್‌ ಕಂಡ ಬಳಿಕ ಅದರ ನಿರ್ಮಾಪಕರು, ನಿರ್ದೇಶಕರು ಅದರ ಎರಡನೇ ಭಾಗದ ನಿರ್ಮಾಣದ ಬಗ್ಗೆ ಯೋಚಿಸುವುದು ಸಹಜ. ಆದರೆ ಚಿತ್ರ ಬಿಡುಗಡೆಗೂ ಮುನ್ನವೇ ಅದರ ಎರಡನೇ ಭಾಗದ ಬಗ್ಗೆ ಯೋಚಿಸುವುದು ತುಂಬ ಅಪರೂಪ.

ಈಗ ಇಲ್ಲೊಂದು ಚಿತ್ರದ ನಿರ್ಮಾಪಕ, ನಿರ್ದೇಶಕರು ತಮ್ಮ ಮೊದಲ ಚಿತ್ರ ಬಿಡುಗಡೆಗೂ ಮೊದಲೇ ಅದರ ಎರಡನೇ ಭಾಗವನ್ನು ಚಿತ್ರ ಮಾಡುವುದರ ಬಗ್ಗೆಗಂಭೀರವಾಗಿಯೋಚಿಸುತ್ತಿದ್ದಾರೆ. ಅಂದಹಾಗೆ, ಆ ಚಿತ್ರದ ಹೆಸರು “ಕಸ್ತೂರಿ ಮಹಲ್‌’.

ಹೌದು, ಬಹುತೇಕರಿಗೆ ಗೊತ್ತಿರುವಂತೆ, “ಕಸ್ತೂರಿ ಮಹಲ್‌’ ಚಿತ್ರದ ಚಿತ್ರೀಕರಣಇತ್ತೀಚೆಗೆಪೂರ್ಣಗೊಂಡಿದ್ದು, ಚಿತ್ರತಂಡಸದ್ಯ “ಕಸ್ತೂರಿ ಮಹಲ್‌’ನ ಪೋಸ್ಟ್‌ಪ್ರೊಡಕ್ಷನ್‌ ಕೆಲಸಗಳಲ್ಲಿ ನಿರತವಾಗಿದೆ. ಹೊಸವರ್ಷದ ಮೊದಲ ದಿನ (ಜ. 1 ರಂದು) “ಕಸ್ತೂರಿ ಮಹಲ್‌’ ಚಿತ್ರದ ಟೀಸರ್‌ ಬಿಡುಗಡೆಗೂ ಚಿತ್ರತಂಡ ಪ್ಲಾನ್‌ ಮಾಡಿಕೊಂಡಿದೆ.ಇದರ ನಡುವೆಯೇ, “ಕಸ್ತೂರಿ ಮಹಲ್‌’ ಚಿತ್ರದ ಎರಡನೇ ಭಾಗ “ಕಸ್ತೂರಿ ಮಹಲ್‌-2′ ಅನ್ನು ತೆರೆಗೆ ತರಲು ಚಿತ್ರತಂಡ ಗಂಭೀರ ಚಿಂತನೆಯಲ್ಲಿದೆ.

ಈ ಬಗ್ಗೆ ಮಾತನಾಡುವ “ಕಸ್ತೂರಿ ಮಹಲ್‌’ ಚಿತ್ರದ ನಿರ್ಮಾಪಕ ರವೀಶ್‌ ಆರ್‌.ಸಿ, “ಸದ್ಯ “ಕಸ್ತೂರಿ ಮಹಲ್‌’ ಸಿನಿಮಾದ ಫೈನಲ್‌ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳು ನಡೆಯುತ್ತಿದೆ. ಜನವರಿಯಿಂದ “ಕಸ್ತೂರಿ ಮಹಲ್‌’ ಪ್ರಮೋಶನ್‌ ಕೆಲಸಗಳು ಶುರುವಾಗಲಿದ್ದು, ಮಾರ್ಚ್‌ ವೇಳೆಗೆ ಈ ಸಿನಿಮಾವನ್ನು ಆಡಿಯನ್ಸ್‌ ಮುಂದೆ ತರುವ ಯೋಚನೆಯಿದೆ. ನಮ್ಮ ನಿರೀಕ್ಷೆಗೂ ಸಿನಿಮಾ ತುಂಬ ಚೆನ್ನಾಗಿ ಬರುತ್ತಿದೆ. ಕನ್ನಡ ಆಡಿಯನ್ಸ್‌ಗೆ ಈ ಸಿನಿಮಾ ಹೊಸ ಥರದ ಅನುಭವ ಕೊಡುವುದೆಂಬ ವಿಶ್ವಾಸವಿದೆ. ಜೊತೆಗೆ ಈ ಸಿನಿಮಾವನ್ನು ಮತ್ತೂಂದು ಭಾಗದಲ್ಲಿ ಮುಂದುವರೆಸಲು ಕೂಡ ಸಾಕಷ್ಟು ಸಾಧ್ಯತೆಗಳಿರುವುದರಿಂದ, “ಕಸ್ತೂರಿ ಮಹಲ್‌-2′ ಸಿನಿಮಾವನ್ನು ಮಾಡುವ ಬಗ್ಗೆ ಯೋಜಿಸಿದ್ದೇವೆ’ ಎನ್ನುತ್ತಾರೆ.

ಇನ್ನು “ಕಸ್ತೂರಿ ಮಹಲ್‌-2′ ಚಿತ್ರಕ್ಕೂ ನಿರ್ದೇಶಕ ದಿನೇಶ್‌ ಬಾಬು ಅವರೇ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಲಿದ್ದಾರಂತೆ. ಇಷ್ಟೇ ಅಲ್ಲದೆ ಈಗಾಗಲೇ “ಕಸ್ತೂರಿ ಮಹಲ್‌-2′ ಚಿತ್ರದ ಪ್ರೀ-ಪ್ರೊಡಕ್ಷನ್‌ಕೆಲಸಗಳಿಗೂ ಚಿತ್ರತಂಡ, ಚಾಲನೆ ನೀಡಿದೆಯಂತೆ. ಈ ಬಗ್ಗೆಮಾಹಿತಿ ನೀಡುವ ನಿರ್ಮಾಪಕ ರವೀಶ್‌ ಆರ್‌.ಸಿ, “ಈಗಾಗಲೇ “ಕಸ್ತೂರಿ ಮಹಲ್‌’ ಚಿತ್ರದ ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸಗಳ ಜೊತೆಯಲ್ಲೇ, “ಕಸ್ತೂರಿ ಮಹಲ್‌-2′ ಚಿತ್ರದ ಪ್ರೀ-ಪ್ರೊಡಕ್ಷನ್‌ ಕೆಲಸಗಳಿಗೂ ಚಾಲನೆ ನೀಡಲಾಗಿದೆ. ಈಗಾಗಲೇ “ಕಸ್ತೂರಿ ಮಹಲ್‌-2′ ಕಥೆ ಸಿದ್ದವಾಗಿದ್ದು, ಅದರ ಚಿತ್ರಕಥೆ ಮತ್ತು ಸ್ಕ್ರೀಪ್ಟ್ ಕೆಲಸಗಳು ಶುರುವಾಗಿದೆ’ ಎನ್ನುತ್ತಾರೆ.

“ಕಸ್ತೂರಿ ಮಹಲ್‌-2′ ಚಿತ್ರವನ್ನು ಕನ್ನಡ ಜೊತೆಗೆ ತೆಲುಗು, ತಮಿಳು ಭಾಷೆಯಲ್ಲೂ ತೆರೆಗೆ ತರುವ ಯೋಜನೆ ಯಲ್ಲಿದೆಯಂತೆ ಚಿತ್ರ ತಂಡ. ಅದಕ್ಕಾಗಿ ಕನ್ನಡದ ಜೊತೆಗೆ ಬೇರೆ ಭಾಷೆಯಲ್ಲೂ ಜನಪ್ರಿಯರಾಗಿರುವ ನಾಯಕ ನಟಿಯೊಬ್ಬ ರನ್ನು ಚಿತ್ರದ ಪ್ರಧಾನ ಪಾತ್ರಕ್ಕೆಕರೆತರುವ ಪ್ರಯತ್ನ ನಡೆಸಲಾಗುತ್ತಿದೆ ಎನ್ನುತ್ತಿವೆ ಚಿತ್ರತಂಡದ ಮೂಲಗಳು. ಸದ್ಯಕ್ಕೆ “ಕಸ್ತೂರಿ ಮಹಲ್‌-2′ ಚಿತ್ರಕ್ಕೆ ಬಹುಭಾಷಾ ನಟಿಯರಾದ ಅನುಷ್ಕಾ ಶೆಟ್ಟಿ ಅಥವಾ ನಯನಾ ತಾರಾ ಅವರನ್ನು ಕರೆತರುವ ಯೋಚನೆಯಲ್ಲಿದೆ ಚಿತ್ರತಂಡ. ಸದ್ಯದ ಮಾಹಿತಿ ಪ್ರಕಾರ, “ಕಸ್ತೂರಿ ಮಹಲ್‌’ಚಿತ್ರ ತೆರೆಕಾಣುತ್ತಿದ್ದಂತೆ, “ಕಸ್ತೂರಿ ಮಹಲ್‌-2′ ಚಿತ್ರದ ಬಗ್ಗೆ ಚಿತ್ರತಂಡ ಅಧಿಕೃತವಾಗಿ ಘೋಷಿಸುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಒಟ್ಟಾರೆ ಒಂದಷ್ಟು ಕುತೂಹಲಕ್ಕೆ ಕಾರಣವಾಗಿರುವ “ಕಸ್ತೂರಿ ಮಹಲ್‌-2′ ಚಿತ್ರದ ಬಗ್ಗೆ ಹೆಚ್ಚಿನ ಮಾಹಿತಿಗಳು ಇನ್ನಷ್ಟೇ ಹೊರಬರಬೇಕಿದೆ.