ಸೋತಿರುವ ಆಸೀಸ್ ಗೆ ಮತ್ತೊಂದು ಆಘಾತ: ಮೂರನೇ ಪಂದ್ಯದಲ್ಲಿ ಪ್ರಮುಖ ಆಟಗಾರ ಆಡುವುದು ಡೌಟ್!

Team Udayavani, Jan 2, 2021, 11:27 AM IST

ಸಿಡ್ನಿ: ಭಾರತದ ವಿರುದ್ಧ ಮೆಲ್ಬರ್ನ್ ಪಂದ್ಯ ಸೋತ ಆಸ್ಟ್ರೇಲಿಯಾ ಮುಂದಿನ ಪಂದ್ಯದಲ್ಲಿ ತಿರುಗೇಟು ನೀಡಲು ಸಜ್ಜಾಗಿದೆ. ಇದಕ್ಕಾಗಿ ಬಲಿಷ್ಠ ತಂಡವನ್ನೂ ರಚಿಸಿದೆ. ಆದರೆ ಪಂದ್ಯಾರಂಭಕ್ಕೆ ಮುನ್ನವೇ ಪೇನ್ ಪಡೆಗೆ ಆಘಾತ ಎದುರಾಗಿದ್ದು, ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ಮೂರನೇ ಪಂದ್ಯದಿಂದಲೂ ಹೊರಗುಳಿಯುವ ಸಾಧ್ಯತೆ ಹೆಚ್ಚಿದೆ.

ಗಾಯದ ಸಮಸ್ಯೆಯಿಂದ ಮೊದಲೆರಡು ಟೆಸ್ಟ್ ಪಂದ್ಯಗಳಿಂದ ಹೊರಗುಳಿದಿದ್ದ ವಾರ್ನರ್ ರನ್ನು ಮುಂದಿನೆರಡು ಪಂದ್ಯಗಳಿಗೆ ಆಸೀಸ್ ಮ್ಯಾನೇಜ್ ಮೆಂಟ್ ಸೇರಿಸಿಕೊಂಡಿತ್ತು. ಆದರೆ ತಾನು ಇನ್ನೂ ಸಂಪೂರ್ಣ ಫಿಟ್ ಆಗಿಲ್ಲ ಎಂದು ವಾರ್ನರ್ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:ಭಾರತೀಯ ಕ್ರಿಕೆಟಿಗರ ಹೊಟೇಲ್‌ ಬಿಲ್‌ ನೀಡುವ ಮೂಲಕ ಸುದ್ದಿಯಾದ ನವಲ್‌ದೀಪ್‌ ಸಿಂಗ್‌

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನಾನು ಕೆಲವು ದಿನಗಳಿಂದ ಓಡಿಲ್ಲ. ನಾನು ಶೇ. 100 ರಷ್ಟು ಫಿಟ್ ಆಗಿಲ್ಲ. ಇನ್ನೆರಡು ದಿನಗಳಲ್ಲಿ ಈ ಬಗ್ಗೆ ಖಚಿತವಾಗಲಿದೆ ಎಂದು ವಾರ್ನರ್ ಹೇಳಿಕೊಂಡಿದ್ದಾರೆ.

ಕಳೆದ ತಿಂಗಳು ಭಾರತ ವಿರುದ್ಧದ ಎರಡನೇ ಏಕದಿನ ಪಂದ್ಯದ ವೇಳೆ ವಾರ್ನರ್ ಗಾಯಗೊಂಡಿದ್ದರು.