ಅಶಿಸ್ತಿನ ಆಟಕ್ಕೆ ತಕ್ಕ ಶಾಸ್ತಿ!

Team Udayavani, Jan 12, 2021, 6:55 AM IST

ಬಹುಶಃ ಶಿಸ್ತಿನಿಂದ ಆಡಿದ್ದರೆ ಆಸ್ಟ್ರೇಲಿಯ ತಂಡ ಸಿಡ್ನಿಯಲ್ಲಿ ಇಂಥ ಫ‌ಲಿತಾಂಶ ಕಾಣುತ್ತಿರಲಿಲ್ಲವೇನೋ. ಪ್ರೇಕ್ಷಕರು ಜನಾಂಗೀಯ ನಿಂದನೆಯಲ್ಲಿ ತೊಡಗಿದರೆ, ಆಟಗಾರರು ಪ್ರವಾಸಿಗರನ್ನು ಹೀಯಾಳಿಸುವುದನ್ನೇ ಕಾಯಕವಾಗಿಸಿಕೊಂಡರು. ಲೈನ್‌-ಲೆಂತ್‌ನತ್ತ ಗಮನ ನೀಡದ ಬೌಲರ್‌ಗಳಿಗೆ ಭಾರತದ ಬ್ಯಾಟ್ಸ್‌ಮನ್‌ಗಳ ದೇಹವೇ ಗುರಿಯಾಯಿತು. ಇವರಿಗೆ ಗಾಯ ಮಾಡಿ ಆಡಲಾಗದಂತೆ ಮಾಡುವುದು ಆತಿಥೇಯರ ಗೇಮ್‌ಪ್ಲ್ರಾನ್‌ ಆಗಿತ್ತೆಂಬುದು ಸ್ಪಷ್ಟ.

ಅಂತಿಮ ದಿನವೂ ಆಸೀಸ್‌ ಆಟಗಾರರ ಅಶಿಸ್ತಿನ ವರ್ತನೆ ನಿಂತಿರಲಿಲ್ಲ. ಕೇಪ್‌ಟೌನ್‌ಪ್ರಕರಣದಲ್ಲಿ ಸಿಕ್ಕಿಬಿದ್ದು ನಿಷೇಧಕ್ಕೊಳಗಾದ ಸ್ಮಿತ್‌, ಡ್ರಿಂಕ್ಸ್‌ ಬ್ರೇಕ್‌ ವೇಳೆ ಪಂತ್‌ ಅವರ “ಗಾರ್ಡ್‌ ಮಾರ್ಕ್‌’ನ್ನು ಕಾಲಿನಿಂದ ಅಳಿಸುವ ಕೆಲಸಕ್ಕೆ ಇಳಿದಿದ್ದರು. “ಸ್ಮಿತ್‌ ಹುಟ್ಟು ಮೋಸಗಾರ’ ಎಂದು ಜಾಲತಾಣಿಗರು ಹರಿಹಾಯ್ದಿದ್ದಾರೆ.

ಹಾಗೆಯೇ ಟಿಮ್‌ ಪೇನ್‌, ಅಶ್ವಿ‌ನ್‌ ಅವರನ್ನು ಕೆಣಕಿ ಶಾಸ್ತಿ ಮಾಡಿಸಿಕೊಂಡಿದ್ದಾರೆ. “ಬ್ರಿಸ್ಬೇನ್‌ನಲ್ಲಿ ನಿನ್ನನ್ನು ನೋಡಿಕೊಳ್ಳುತ್ತೇನೆ’ ಎಂದು ಪೇನ್‌ ಹೇಳಿದರೆ, “ಭಾರತಕ್ಕೆ ಬಾ, ಅದು ನಿನ್ನ ಪಾಲಿನ ಅಂತಿಮ ಸರಣಿಯನ್ನಾಗುವುದನ್ನು ನೋಡುವಿಯಂತೆ’ ಎಂದು ಅಶ್ವಿ‌ನ್‌ ಪ್ರತ್ಯುತ್ತರ ನೀಡಿದ್ದು ದಾಖಲಾಗಿದೆ!