ನಿಮ್ಮ ಗ್ರಹಬಲ: ಈ ರಾಶಿಯವರಿಗಿಂದು ಆತ್ಮೀಯ ಮಿತ್ರರ ಭೇಟಿಯಿಂದ ತುಂಬಾ ಸಂತಸವಾಗಲಿದೆ

Team Udayavani, Jan 13, 2021, 7:31 AM IST

13-01-2021

ಮೇಷ: ವೃತ್ತಿರಂಗದಲ್ಲಿ ಸ್ಥಾನಮಾನ, ಪ್ರೀತಿ ಪ್ರಾಪ್ತಿಯಾದೀತು. ಕಾರ್ಯರಂಗದಲ್ಲಿ ಪ್ರಶಂಸೆ ಕೇಳಿ ಬರಲಿದೆ. ಅತೀ ವಿಶ್ವಾಸ, ಪ್ರೀತಿ, ಸ್ನೇಹ ಯಾರಲ್ಲೂ ಬೇಡ. ನ್ಯಾಯಾಲಯದ ಕಾರ್ಯದಲ್ಲಿ ನಿಮ್ಮ ವಿರುದ್ಧ ತೀರ್ಪು ಬರಲಿದೆ.

ವೃಷಭ: ಅನೇಕ ಬಾರಿ ನಿಮ್ಮ ಎಣಿಕೆಯಂತೆ ದೈವಬಲವು ಒದಗಿ ಬಂದು ನೀವೆಣಿಸಿದ ಕಾರ್ಯವು ಸುಗಮವಾಗಿ ಸಾಗಲಿದೆ. ಗೃಹ ನಿರ್ಮಾಣ ಯಾ ಕಟ್ಟಡ ಸಾಮಗ್ರಿಗಳ ಖರೀದಿಯು ಕಂಡುಬರಲಿದೆ. ಅತೀ ಚಿಂತೆ ಬೇಡ.

ಮಿಥುನ: ಗೃಹ ಬಳಕೆಯ ಸಾಮಾಗ್ರಿಗಳ ಖರೀದಿ ಕಂಡುಬರುವುದು. ಆತ್ಮೀಯ ಮಿತ್ರರ ಭೇಟಿಯಿಂದ ತುಂಬಾ ಸಂತಸವಾಗಲಿದೆ. ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಸಹಕಾರವು ಕಂಡುಬರುವುದು.

ಕರ್ಕ: ಗೃಹದಲ್ಲಿ ಮಾತಿಮಾತಿಗೆ ಗೃಹಿಣಿಯೊಂದಿಗೆ ಕಲಹವು ಏರ್ಪಟ್ಟೀತು. ಆದುದರಿಂದ ಮಾತು ಕಡಿಮೆ ಮಾಡಿದರೆ ಉತ್ತಮವಾದೀತು. ದಾಯಾದಿಗಳಿಂದ ಕಿರಿಕಿರಿಯು ಕಂಡು ಮನ ಕಲುಷಿತಗೊಂಡೀತು.

ಸಿಂಹ: ವ್ಯಾಪಾರ, ವ್ಯವಹಾರದಲ್ಲಿ ಮೂಲಧನಕ್ಕೆ ಹಾನಿಯಾಗದಂತೆ ಜಾಗ್ರತೆ ವಹಿಸುವುದು ಉತ್ತಮ. ನಿಮ್ಮ ವಿಶಾಲ ಮನಸ್ಸಿನ ದುರುಪಯೋಗವಾದೀತು. ಅಧಿಕಾರಿ ವರ್ಗದವರೊಂದಿಗೆ ಕಲಹ, ಮನಃಸ್ತಾಪವು ಬೇಡ.

ಕನ್ಯಾ: ಆರೋಗ್ಯದಲ್ಲಿ ಪಿತ್ತ, ಉಷ್ಣವಾಯು ಪ್ರಕೋಪ ತೋರಿಬರಲಿದೆ. ಮಕ್ಕಳೊಂದಿಗೆ ವಿರಸ ಕಂಡುಬಂದೀತು. ಕಾರ್ಯಕ್ಷೇತ್ರದಲ್ಲಿ ನಿಮ್ಮ ಕಾರ್ಯವೈಖರಿಗೆ ಶ್ಲಾಘನೆ ಸಲ್ಲಲಿದೆ. ವಿದ್ಯಾರ್ಥಿಗಳಿಗೆ ಹಿನ್ನಡೆಯಾದೀತು.

ತುಲಾ: ರಾಜಕೀಯ ವರ್ಗದಲ್ಲಿ ಸ್ಥಾನಮಾನ, ಗೌರವ ಬೆಳೆಯಲಿದೆ. ಅಧಿಕಾರಿ ವರ್ಗದವರೊಂದಿಗೆ ರಾಜೀ ಮನೋಭಾವ ಬೆಳೆಸಿಕೊಳ್ಳಿರಿ. ಸರಕಾರೀ ಯಾ ನ್ಯಾಯಾಲಯ ವಿಭಾಗದಿಂದ ನಿಮಗೆ ಅವಮಾನ ಪ್ರಸಂಗ ಇರುತ್ತದೆ.

ವೃಶ್ಚಿಕ: ಕಾರ್ಯಕ್ಷೇತ್ರದಲ್ಲಿ ಹಲವು ವಿರುದ್ಧಗಳು ನಿಮಗೆ ಕಂಡುಬಂದು ನಿಮಗೇ ಅಚ್ಚರಿಯಾದೀತು. ಅನಾವಶ್ಯಕ ಖರ್ಚುವೆಚ್ಚಗಳು ಕಂಡುಬಂದಾವು. ದೂರ ಪ್ರಯಾಣವು ಕಂಡು ಬರಲಿದೆ. ಸದ್ಯದಲ್ಲೇ ಶುಭವಿದೆ.

ಧನು: ಸಂಗೀತ, ಚಿತ್ರೋದ್ಯಮಿ ಯಾ ಕಲಾವಿದರಿಗೆ ಪ್ರಗತಿಯು ಕಂಡುಬರುವುದು. ಗೃಹದಲ್ಲಿ ಅಂತಃ ಕಲಹಕ್ಕೆ ಕಾರಣರಾಗದಿರಿ. ಚರ್ಚೆ, ವಿಚಾರ ವಿನಿಮಯದಿಂದ ಕಾರ್ಯಸಿದ್ಧಿಯಾಗಲಿದೆ. ಸಹನೆ ಇರಲಿ.

ಮಕರ: ವೃತ್ತಿರಂಗದಲ್ಲಿ ಅಧಿಕಾರಿ ವರ್ಗದವರ ಉಪದ್ರವದಿಂದ ಸಮಸ್ಯೆಗಳು ತೋರಿಬರಲಿದೆ. ತಂದೆಮಕ್ಕಳೊಳಗೆ ಮನಸ್ತಾಪ ಸಂಭವ. ವಿದ್ಯಾರ್ಥಿಗಳಿಗೆ ವಿದ್ಯಾರ್ಜನೆ ಯಲ್ಲಿ ಪ್ರಗತಿ ತೋರಿಬರುವುದು. ಶುಭವಿದೆ.

ಕುಂಭ: ದೀರ್ಘ‌ಕಾಲೀನ ಕಾರ್ಯಗಳಲ್ಲಿ ಅತೀ ಲಾಭವು ದೊರಕಲಿದೆ. ಧನಾಗಮನದಲ್ಲಿ ತೊಂದರೆ ಇಲ್ಲ. ಆದರೂ ಖರ್ಚುವೆಚ್ಚ ಅಧಿಕವಾಗಿರುತ್ತದೆ. ವಿದ್ಯಾಭ್ಯಾಸದಲ್ಲಿ ಕೊರತೆ ಕಂಡುಬಂದು ಹಿನ್ನಡೆಯಾದೀತು.

ಮೀನ: ನಿಮ್ಮಿಚ್ಛೆಯಂತೆ ಎಲ್ಲಾ ಕೆಲಸ ಕಾರ್ಯಗಳು ನಡೆದು ಸಂತಸವಾದೀತು. ಆದರೂ ಅತೀ ವಿಶ್ವಾಸವು ಉತ್ತಮವಲ್ಲ. ಉಳಿತಾಯ ಮಾಡಿದ ಹಣವೆಲ್ಲ ಖರ್ಚಾಗಿ ಹೋಗಲಿದೆ. ಅತೀ ಸಲುಗೆ ಎಂದಿಗೂ ಬೇಡ.

ಎನ್.ಎಸ್.ಭಟ್