ಸಿರಾಜ್ ಶಿಸ್ತುಬದ್ಧ ದಾಳಿ: ಮೊದಲ ಸೆಶನ್ ನಲ್ಲಿ ನಾಲ್ಕು ವಿಕೆಟ್ ಕಳೆದುಕೊಂಡ ಆಸೀಸ್

Team Udayavani, Jan 18, 2021, 7:58 AM IST

ಬ್ರಿಸ್ಬೇನ್: ಸರಣಿಯ ಅಂತಿಮ ಪಂದ್ಯದ ನಾಲ್ಕನೇ ದಿನದಾಟದಲ್ಲಿ ಮೊದಲ ಸೆಶನ್ ನಲ್ಲಿ ಆಸೀಸ್ ನಾಲ್ಕು ವಿಕೆಟ್ ಕಳೆದುಕೊಂಡಿದೆ. ಆದರೆ 182 ರನ್ ಗಳ ಉತ್ತಮ ಮುನ್ನಡೆ ಹೊಂದಿದ್ದು, ಭಾರತದ ಮೇಲೆ ಒತ್ತಡ ಹೇರಲು ಮುಂದಾಗಿದೆ.

ಆಸೀಸ್ ತಂಡ ನಾಲ್ಕು ವಿಕೆಟ್ ನಷ್ಟಕ್ಕೆ 149 ರನ್ ಗಳಿಸಿದೆ. ಟೆಸ್ಟ್ ಸ್ಪೆಷಲಿಸ್ಟ್ ಸ್ಟೀವ್ ಸ್ಮಿತ್ 28 ರನ್ ಗಳಿಸಿದ್ದು, ನಾಲ್ಕು ರನ್ ಗಳಿಸಿರುವ ಕ್ಯಾಮರೂನ್ ಗ್ರೀನ್ ಜೊತೆ ಬ್ಯಾಟಿಂಗ್ ನಡೆಸುತ್ತಿದ್ದಾರೆ.

ವಿಕೆಟ್ ನಷ್ಟವಿಲ್ಲದೆ 21 ರನ್ ಗಳಿಸಿದ್ದಲ್ಲಿಂದ ಬ್ಯಾಟಿಂಗ್ ಮುಂದುವರಿಸಿದ ಆಸೀಸ್ 89 ರನ್ ಗೆ ಮೊದಲ ವಿಕೆಟ್ ಕಳೆದುಕೊಂಡಿತು. ಮಾರ್ನಸ್ ಹ್ಯಾರಿಸ್ 38 ರನ್ ಗಳಿಸಿದರೆ, ವಾರ್ನರ್ 48 ರನ್ ಗಳಿಸಿ ಔಟಾದರು. ಲಬುಶೇನ್ 25 ರನ್ ಗಳಿಸಿದರು. ಸಿರಾಜ್ ಎರಡು ವಿಕೆಟ್ ಕಿತ್ತರೆ, ಸುಂದರ್ ಮತ್ತು ಶಾರ್ದೂಲ್ ತಲಾ ಒಂದು ವಿಕೆಟ್ ಪಡೆದರು.

ಆಸೀಸ್ ಮೊದಲ ಇನ್ನಿಂಗ್ಸ್ ನಲ್ಲಿ 369 ರನ್ ಗಳಿಸಿದರೆ, ಭಾರತ 336 ರನ್ ಗಳಿಸಿತ್ತು.