ಮುಂಬೈ : ಬಾಯ್‌ಫ್ರೆಂಡ್‌ ಜತೆ ಪತ್ನಿ ಪರಾರಿ: ಪತಿ ದೂರು

Team Udayavani, Jan 18, 2021, 11:53 PM IST

ಥಾಣೆ: 35 ವರ್ಷದ ವಿವಾಹಿತೆ ತನ್ನ ಬಾಯ್‌ಫ್ರೆಂಡ್‌ ಜೊತೆ ಓಡಿಹೋದ ಘಟನೆ ಜಿಲ್ಲೆಯಲ್ಲಿ ಸೋಮವಾರ ನಡೆದಿದೆ.

ಇಲ್ಲಿನ ಸಾಕಿ ನಾಕಾ ಪ್ರದೇಶದಲ್ಲಿ ನಾಲ್ವರು ಪುಟ್ಟ ಮಕ್ಕಳೊಂದಿಗೆ ವಾಸವಿದ್ದ ಮಹಿಳೆ, ತನ್ನ 5 ವರ್ಷದ ಮಗನೊಂದಿಗೆ ಓಡಿ ಹೋಗಿದ್ದಾಳೆ ಎಂದು ಕಲ್ಯಾಣ್‌ ಠಾಣಾ ಪೊಲೀಸರು ತಿಳಿಸಿದ್ದಾರೆ.

ಸೆಕ್ಯುರಿಟಿ ಸೂಪರ್‌ವೈಸರ್‌ ಆಗಿ ಕೆಲಸ ಮಾಡುತ್ತಿದ್ದ ಪತಿ, ಕೆಲವು ಸಂಬಂಧಿಕರ ಜತೆಗೆ ಶಿರಡಿಗೆ ತೆರಳಿದ್ದರು. ಮನೆಯಲ್ಲಿ ಪತ್ನಿ, ಮೂವರು ಹೆಣ್ಮಕ್ಕಳು ಮತ್ತು ಒಬ್ಬ ಮಗನ್ನು ಬಿಟ್ಟು ಹೋಗಿದ್ದರು.

ಮರುದಿನ ಪತಿ, ಮನೆಗೆ ಮರಳಿದಾಗ ಪತ್ನಿ ಮತ್ತು ಮಗ ನಾಪತ್ತೆಯಾದ ವಿಚಾರ ದೃಢಪಟ್ಟಿದೆ. ಮಗಳನ್ನು ಕೇಳಿದಾಗ ಆಕೆ, “ಅಮ್ಮ ಸಂಬಂಧಿಕರ ಮನೆಗೆ ಹೋಗಿದ್ದಾಳೆ’ ಎಂದು ಹೇಳಿದ್ದಾಳೆ. ಆದರೆ, ಸಂಬಂಧಿಕರನ್ನು ವಿಚಾರಿಸಿದಾಗ ಪತ್ನಿ ಅಲ್ಲೂ ಇರಲಿಲ್ಲ. ನಂತರ ಬಾಯ್‌ಫ್ರೆಂಡ್‌ ಜತೆ ಆಕೆ ಓಡಿಹೋಗಿರುವ ವಿಚಾರ ತಿಳಿದು ಆತಂಕಗೊಂಡ ಪತಿ, ಪೊಲೀಸರಿಗೆ ದೂರು ನೀಡಿದ್ದಾನೆ. ಪೊಲೀಸರು ಬಾಯ್‌ಫ್ರೆಂಡ್‌ ವಿರುದ್ಧ ಕಿಡ್ನ್ಯಾಪಿಂಗ್‌ ಕೇಸ್‌ ದಾಖಲಿಸಿದ್ದಾರೆ.