ಇಂದು ಶಶಿಕಲಾ ನಟರಾಜನ್‌ ಬಿಡುಗಡೆ?

Team Udayavani, Jan 27, 2021, 7:15 AM IST

ಬೆಂಗಳೂರು: ತಮಿಳುನಾಡಿನ ರಾಜಕಾರಣಿ ಶಶಿಕಲಾ ನಟರಾಜನ್‌ ಅವರು ಬುಧವಾರ ಪರಪ್ಪನ ಅಗ್ರಹಾರ ಜೈಲಿನಿಂದ ಬಿಡುಗಡೆ ಆಗಲಿದ್ದಾರೆ ಎಂದು ತಿಳಿದು ಬಂದಿದೆ.

ಆದಾಯ ಮೀರಿ ಆಸ್ತಿ ಗಳಿಕೆ ಕೇಸ್‌ನಲ್ಲಿ ಜೈಲು ಶಿಕ್ಷೆಯ ಅವಧಿ ಪೂರ್ಣಗೊಂಡಿದ್ದು, ಬಿಡುಗಡೆಗೆ ಸಂಬಂಧಿಸಿದ ಪ್ರಕ್ರಿಯೆಗಳು ಪೂರ್ಣಗೊಂಡಿವೆ ಎಂದು ಜೈಲಿನ ವಿಶ್ವಸನೀಯ ಮೂಲಗಳು ತಿಳಿಸಿವೆ.

ನ್ಯಾಯಾಲಯ ವಿಧಿಸಿದ್ದ 10 ಕೋ.ರೂ. ದಂಡವನ್ನು  ಸಂಬಂಧಿಕರು ಪಾವತಿಸಿದ್ದಾರೆ.  ಪ್ರಕರಣದಲ್ಲಿ ವಿಚಾರಣ ನ್ಯಾಯಾಲಯ ವಿಧಿಸಿದ್ದ ಆದೇಶವನ್ನು ಎತ್ತಿಹಿಡಿದಿದ್ದ ಸುಪ್ರಿಂಕೋರ್ಟ್‌, ತಪ್ಪಿತಸ್ಥರಿಗೆ  ನಾಲ್ಕು ವರ್ಷಗಳ ಜೈಲು ಹಾಗೂ 10 ಕೋಟಿ ರೂ. ದಂಡ ವಿಧಿಸಿ 2017ರಲ್ಲಿ  ತೀರ್ಪು ನೀಡಿತ್ತು. ಹೀಗಾಗಿ 2017ರ ಫೆ.  15ರಿಂದ ಶಶಿಕಲಾ ನಟರಾಜನ್‌, ಸಂಬಂಧಿಕರಾದ ಇಳವರಸಿ, ವಿ.ಎನ್‌. ಸುಧಾಕರ್‌ ಅವರು ಪರಪ್ಪನ ಅಗ್ರಹಾರ ಜೈಲು ಸೇರಿದ್ದರು.