ಇಂದಿನ ಗ್ರಹಬಲ: ಈ ರಾಶಿಯವರಿಗಿಂದು ಆತುರತೆಯಿಂದ ಕೆಲಸಕಾರ್ಯಗಳಲ್ಲಿ ಆತಂಕ ತಂದೀತು!

Team Udayavani, Jan 28, 2021, 8:05 AM IST

25-01-2021

ಮೇಷ: ಮಾತು ಮಾತಿಗೆ ಸಿಡುಕುವ ನಿಮ್ಮ ಪತ್ನಿಯ ಬಗೆಗೆ ಹೆಚ್ಚು ಚಿಂತಿಸದೆ ಸಮಾಧಾನದಿಂದಿರಿ. ಹುಟ್ಟುಗುಣ. ಹತ್ತು ಹಲವು ಚಿಂತೆಗಳು ಮನಸ್ಸನ್ನು ಕಾಡಿಯಾವು. ಶುಭಮಂಗಲ ಕಾರ್ಯದ ಬಗ್ಗೆ ಯೋಚಿಸಿರಿ.

ವೃಷಭ: ಆತುರತೆಯಿಂದ ಕೆಲಸಕಾರ್ಯಗಳಲ್ಲಿ ಆತಂಕ ತಂದೀತು. ವಿದ್ಯಾರ್ಥಿಗಳಿಗೆ ಯಶಸ್ಸಿನ ಹಾದಿ ಗೋಚರಿಸೀತು. ಕಠಿಣ ಪರಿಶ್ರಮದ ಅಗತ್ಯವಿದೆ. ನಯವಂಚಕರಿಂದ ದೂರವಿರಿ. ಗೃಹಸುಖ ಸಮಾಧಾನಕರವಿದೆ.

ಮಿಥುನ: ಕೌಟುಂಬಿಕವಾಗಿ ನಿಮ್ಮೆಣಿಕೆಯಂತೆ ಕೆಲಸಗಳು ಸುಗಮವಾಗಿ ನಡೆಯಲಿದೆ. ವಿಶೇಷವಾಗಿ ಧನಾಗಮನವಿದ್ದು ಕಾರ್ಯಾನುಕೂಲಕ್ಕೆ ಪೂರಕವಾಗಲಿದೆ. ಆರೋಗ್ಯದಲ್ಲಿ ಮಾತ್ರ ಕೊಂಚ ಏರುಪೇರು ಕಂಡುಬರುವುದು.

ಕರ್ಕ: ಗೃಹಿಣಿಗೆ ಸುಪ್ರಸನ್ನತೆ ಹಾಗೂ ಸಂತಸದ ಕಾಲವಿದು. ಕಾರ್ಯರಂಗದಲ್ಲಿ ಪ್ರತಿಷ್ಠಿತರೊಂದಿಗೆ ಬೆರೆಯುವ ಸುಸಂದರ್ಭ ಒದಗಿಬರಲಿದೆ. ಹಣದ ಅಡಚಣೆ ಕಂಡುಬಂದರೂ ಆಕಸ್ಮಿಕ ಧನಪ್ರಾಪ್ತಿ ಇರುತ್ತದೆ.

ಸಿಂಹ: ಮಂಗಲ ಕಾರ್ಯಗಳಿಗೆ ವಿಳಂಬ ಆರ್ಥಿಕವಾಗಿ ನಾನಾ ರೀತಿಯಲ್ಲಿ ಖರ್ಚುವೆಚ್ಚಗಳು ಕಂಡುಬರುವುದು. ಸ್ವಜನ ಪಕ್ಷಪಾತದಿಂದ ಮಾನಸಿಕ ಕಿರಿಕಿರಿಯು ತೋರಿಬಂದೀತು. ವಿದ್ಯಾರ್ಥಿಗಳಿಗೆ ಅಭಿವೃದ್ಧಿ ಕಂಡುಬರುವುದು.

ಕನ್ಯಾ: ಕ್ಲೇಶಾಯಾಸ ಆಗಾಗ ತೋರಿಬಂದರೂ ಅಧಿಕ ಖರ್ಚುವೆಚ್ಚಗಳು ಕಾಣಿಸಿಕೊಂಡರೂ ಉತ್ತಮ ಧನಾಗಮನದಿಂದ ಕಾರ್ಯಸಿದ್ಧಿ ಇರುತ್ತದೆ. ಜವಾಬ್ದಾರಿಯುತ ಕಾರ್ಯಾಭಾರದಿಂದ ಶ್ರಮ ಹೆಚ್ಚಾಗಲಿದೆ. ಖರ್ಚು ಕಡಿಮೆ ಮಾಡಿರಿ.

ತುಲಾ: ಆಪ್ತರ ಕಾಲೋಚಿತ ಸಲಹೆಯಿಂದ ವಿಪತ್ತು ದೂರವಾದೀತು. ನ್ಯಾಯಾಲಯದಲ್ಲಿ ನಿಮ್ಮ ವಾದಕ್ಕೆ ಹಿನ್ನಡೆ ತಂದೀತು. ವಿದ್ಯಾರ್ಥಿಗಳಿಗೆ ಯಶೋ ಅಭಿವೃದ್ಧಿ ಇರುತ್ತದೆ. ಹಿರಿಯರ ಆರೋಗ್ಯದ ಬಗ್ಗೆ ಜಾಗ್ರತೆ ಮಾಡಿರಿ.

ವೃಶ್ಚಿಕ: ಶುಭಾಶುಭ ಫ‌ಲಗಳು ಅಷ್ಟಕಷ್ಟೇ. ಗೃಹದಲ್ಲೂ ಕಾರ್ಯಕ್ಷೇತ್ರದಲ್ಲೂ ನಿಮ್ಮ ಪ್ರಾಮಾಣಿಕತೆಯಿಂದಾಗಿ ಕೊಂಚ ಯಶಸ್ಸು ಕಾಣಿಸೀತು. ಆಪ್ತರ ಕಾಲೋಚಿತ ಸಹಕಾರದಿಂದ ಎಣಿಕೆಯಂತೆ ಕಾರ್ಯಸಾಧನೆಯಾದೀತು.

ಧನು: ದಾಯಾದಿಗಳ ಕಲಹಕ್ಕೆ ಕಾರಣರಾಗದಂತೆ ಜಾಗ್ರತೆ ವಹಿಸಿರಿ. ಮಂಗಲಕಾರ್ಯಗಳ ಮಾತುಕತೆಗಳು ಫ‌ಲಪ್ರಾಪ್ತಿಯಾದೀತು. ಶ್ರಮಕ್ಕೆ ತಕ್ಕಂತೆ ಪ್ರತಿಫ‌ಲ ದೊರಕಿ ಸಂಸತವಿದೆ. ಲಾಭಾಂಶ ಹೆಚ್ಚಾಗಿ ಕಂಡುಬರಲಿದೆ.

ಮಕರ: ಖರ್ಚುವೆಚ್ಚಗಳಲ್ಲಿ ಆದಷ್ಟು ಹಿಡಿತ ತೋರಿರಿ. ಋಣಬಾಧೆ ಹಂತಹಂತವಾಗಿ ನಿವಾರಣೆಯಾದೀತು. ಉದ್ಯೋಗಿಗಳಿಗೆ ನಿರೀಕ್ಷಿತ ಮುಂಭಡ್ತಿ ಸಂತಸ ತಂದರೂ ಕಿರಿಕಿರಿ ತಪ್ಪಲಾರದು. ತಾಳ್ಮೆ, ಸಹನೆ ಅಗತ್ಯವಿದೆ.

ಕುಂಭ: ವೃತ್ತಿರಂಗದಲ್ಲಿ ಆಗಾಗ ಏರುಪೇರುಗಳು ತೋರಿಬಂದರೂ ಅದನ್ನು ಸಹಿಸಿ ಮುನ್ನಡೆದರೆ ಉತ್ತಮ. ಯಾವುದೇ ವಾದ ವಿವಾದಗಳಿಗೆ ಸಿಲುಕದಿರಿ. ಹಿರಿಯರ ಆರೋಗ್ಯಕ್ಕಾಗಿ ಅಲೆದಾಟವು ತೋರಿಬರುವುದು.

ಮೀನ: ಪರರಿಗೆ ಉಪಕಾರ ಮಾಡಲು ಹೋಗಿ ಅಪಾಯಕ್ಕೆ ಸಿಲುಕುವಿರಿ. ಜಾಗ್ರತೆ ಇರಲಿ. ನೂತನ ಧನಾಗಮನ ಅವಕಾಶಗಳು ವಿಪುಲವಾಗಿದೆ. ಸರಕಾರಿ ಇಲಾಖೆಗಳಲ್ಲಿ ಕಾರ್ಯ ಪ್ರವೃತ್ತಿ ವಿಸ್ತಾರಗೊಳ್ಳಲಿದೆ. ಸಹನೆ ಅಗತ್ಯ.

ಎನ್.ಎಸ್.ಭಟ್