ಇಂದಿನ ಗ್ರಹಬಲ: ಈ ರಾಶಿಯವರಿಗೆ ಹಿತಶತ್ರುಗಳ ಕಾಟದಿಂದ ವಿದೇಶ ಪ್ರಯಾಣವು ತಪ್ಪಿಹೋದೀತು!

Team Udayavani, Jan 30, 2021, 7:47 AM IST

30-01-2021

ಮೇಷ: ಪ್ರಾತಃಕಾಲದಿಂದ ರಾತ್ರಿಯವರೆಗೆ ಒದ್ದಾಟ ಮಾಡಿದರೂ ನಿಮ್ಮ ಕಷ್ಟ ಮುಗಿಯದು. ಅರ್ಥ ಮಾಡಿಕೊಳ್ಳುವವರೇ ಇಲ್ಲವಾದಾರು. ನಿಮ್ಮ ಭಾವನೆಗಳಿಗೆ ಪೆಟ್ಟು ಬೀಳುವುದು. ಮನಸ್ಸಿಗೆ ಬೇಸರ.

ವೃಷಭ: ಮನಸ್ಸು ಡೋಲಾಯಮಾನವಾಗಲಿದೆ. ಆರೋಗ್ಯವು ಸುಧಾರಿಸಿದರೂ ಭಯ ನಿಮ್ಮನ್ನು ಕಾಡಬಹುದು. ಆದರೂ ನಿಶ್ಚಿಂತೆಯಿಂದಿರಿ. ಗುರುವಿನ ಅನುಗ್ರಹಕ್ಕಾಗಿ ಪ್ರಾರ್ಥನೆ ಮಾಡಿದರೆ ಉತ್ತಮ.

ಮಿಥುನ: ದೂರ ಸಂಚಾರದಿಂದ ಸಂತೋಷ ಸಿಗಲಿದೆ. ನಿರಂತರ ಕಾರ್ಯಭಾರದಿಂದ ಬಿಡುವೇ ಸಿಗಲಾರದು. ಸಾಂಸಾರಿಕವಾಗಿ ಗೃಹಿಣಿಗೆ ಕೋಪ ಹೆಚ್ಚಲಿದೆ. ಅಧಿಕ ಖರ್ಚು ಕಂಡುಬರಲಿದೆ. ಅವಿವಾಹಿತರಿಗೆ ಸಮಾಧಾನವಿಲ್ಲ.

ಕರ್ಕ: ಕಾರ್ಮಿಕರ ಸಹಕಾರದಿಂದ ಕಾರ್ಯಸಿದ್ಧಿಯಾಗಲಿದೆ. ಶತ್ರುಪೀಡೆಯಿಂದ ಜಲವೃತ್ತಿಗೆ ಭಾದೆಯಾದೀತು. ಸೋದರರ ಪಾಲುದಾರಿಕೆಯಿಂದ ಅಡಚಣೆಗಳು ಕಂಡುಬಂದು ನಿಷ್ಟೂರಕ್ಕೆ ಕಾರಣವಾದೀತು. ಜಾಗ್ರತೆ ಮಾಡಿರಿ.

ಸಿಂಹ: ಬೇಸಾಯಗಾರರಿಗೆ ಕೃಷಿ ಆದಾಯ ಕಂಡು ಸ್ವಲ್ಪ ನೆಮ್ಮದಿ ತಂದೀತು. ತಾಂತ್ರಿಕ ವಿದ್ಯಾರ್ಥಿಗಳಿಗೆ ಉತ್ತಮ ಯಶಸ್ಸಿದೆ. ಮಂಗಲಕಾರ್ಯಕ್ಕೆ ನಾಂದಿ ಹಾಡಲಿದ್ದೀರಿ. ರಾಜಕೀಯ ವ್ಯಕ್ತಿಗಳಿಗೆ ಮಾನ ಸಮ್ಮಾನ ದೊರಕಲಿದೆ.

ಕನ್ಯಾ: ಎಣಿಸಿದ ಕಾರ್ಯವೊಂದು ಪೂರ್ಣವಾಗದೆ ಹಣ ನೀರಿನಂತೆ ಖರ್ಚಾಗಲಿದೆ. ಸಾಲುಸಾಲಾಗಿ ತಲೆ ತಿನ್ನುವ ಕೆಲಸಗಳಿಂದ ಮನಸ್ಸು ಉಗ್ರವಾದೀತು. ಯೋಗ್ಯ ವಯಸ್ಕರಿಗೆ ವಿವಾಹ ಯೋಗವು ಕಂಡುಬರುವುದು.

ತುಲಾ: ಹಿತಶತ್ರುಗಳ ಕಾಟದಿಂದ ವಿದೇಶ ಪ್ರಯಾಣವು ತಪ್ಪಿಹೋದೀತು. ಪಾಲು ಬಂಡವಾಳದಲ್ಲಿ ಹೆಚ್ಚಿನ ಧನ ವಿನಿಯೋಗವಾಗಲಿದೆ. ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಅಡೆತಡೆಗಳು ಕಂಡುಬಂದಾವು. ಸಹನೆ ಕಳಕೊಳ್ಳದಿರಿ.

ವೃಶ್ಚಿಕ: ಆದಾಯಕ್ಕಿಂತ ವ್ಯಯವೇ ಹೆಚ್ಚಾದೀತು. ಸಹೋದ್ಯೋಗಿಗಳಿಗೆ ಧನಲಾಭವಿದೆ. ವೃತ್ತಿರಂಗದಲ್ಲಿ ಪ್ರಾಮಾಣಿಕತೆಗೆ ಬೆಲೆ ತಪ್ಪಿ ವಂಚನೆಗೆ ಮಾನ್ಯತೆ ದೊರಕಲಿದೆ. ಮಕ್ಕಳು ವಿದ್ಯಾಭ್ಯಾಸದಲ್ಲಿ ಮೆಚ್ಚುಗೆ ಗಳಿಸಿಯಾರು.

ಧನು: ನಿರಂತರ ಕಾರ್ಯಭಾರದಿಂದ ಬಿಡುವೇ ಸಿಗಲಾರದು. ಹಣದ ಮುಗ್ಗಟ್ಟು ಆಗಾಗ ತೋರಿಬಾರದಂತೆ ಜಾಗ್ರತೆ ವಹಿಸಿರಿ. ಕೊಟ್ಟ ಸಾಲ ಮರಳಿ ಬಾರದು. ದುಡುಕು ವರ್ತನೆಯಿಂದ ಕಾರ್ಯಭಂಗವಾಗಲಿದೆ.

ಮಕರ: ಹೊಸ ಗೆಳೆತನ ಯಾ ಬಂಧು ಸಮಾಗಮವು ಸಂತಸ ತರಲಿದೆ. ವ್ಯವಹಾರಿಕವಾಗಿ ವಿದೇಶ ಪ್ರಯಾಣದ ಅನುಕೂಲ ಒದಗಲಿದೆ. ಮಕ್ಕಳ ವ್ಯಾಸಂಗಕ್ಕಾಗಿ ಧನವು ಕರಗಲಿದೆ. ವೃಥಾ ನಿಷೂuರ ಪ್ರಸಂಗವಾದೀತು.

ಕುಂಭ: ಸ್ವ ಪರಿಶ್ರಮ ಸಾರ್ಥಕವೆನಿಸಲಿದೆ. ಮಾನಸಿಕ ಧೈರ್ಯದಿಂದ ಪ್ರಯತ್ನ ಬಲದಿಂದ ನಿರೀಕ್ಷಿತ ಕಾರ್ಯಸಾಧನೆಯಾಗಲಿದೆ. ಅನಿರೀಕ್ಷಿತ ದೇವತಾದರ್ಶನ ಭಾಗ್ಯವಿರು ತ್ತದೆ. ದುಡುಕು ವರ್ತನೆ ಒಳ್ಳೆಯದಲ್ಲ.

ಮೀನ: ನೆರೆಹೊರೆಯವರ ನಿಷೂuರವನ್ನು ಕಟ್ಟಿಕೊಳ್ಳ ಬೇಕಾದೀತು. ಎಣಿಕೆಯಂತೆ ಕೆಲಸ ಸಾಧನೆಯಾಗದೆ ಹಪಹಪಿಸುವಿರಿ. ಹಣದ ಅಪವ್ಯಯ ಕಣ್ಣಿಗೆ ಕಾಣದು. ವೃತ್ತಿರಂಗದಲ್ಲಿ ಸಮಾಧಾನವು ಸಿಗಲಿದೆ.

ಎನ್‌.ಎಸ್‌. ಭಟ್‌