ಹುತಾತ್ಮರ ದಿನಾಚರಣೆ ಅಂಗವಾಗಿ ರಕ್ತದಾನ ಶಿಬಿರ

Team Udayavani, Jan 31, 2021, 3:47 PM IST

ಕೂಡ್ಲಿಗಿ: ಹುತಾತ್ಮರ ದಿನಾಚರಣೆ ಅಂಗವಾಗಿ ಪಟ್ಟಣದ ಗಾಂಧೀಜಿ ಚಿತಾಭಸ್ಮವಿರುವ ಹುತಾತ್ಮರ ಸ್ಮಾರಕದಲ್ಲಿ ಶನಿವಾರ ಜಿಸಿಐ ಗೊಲ್ಡನ್‌ ಹಾಗೂ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಹಾಗೂ ಸಾರ್ವಜನಿಕ ಆಸ್ಪತ್ರೆ ವತಿಯಿಂದ ರಕ್ತದಾನ ಶಿಬಿರ ಏರ್ಪಡಿಸಲಾಗಿತ್ತು.
ಶಿಬಿರಕ್ಕೆ ಚಾಲನೆ ನೀಡಿದ ಹೊಸಪೇಟೆ ಸಹಾಯಕ ಆಯುಕ್ತ ಸಿದ್ರಾಮೇಶ್ವರ ಮಾತನಾಡಿ, ರಕ್ತದ ದಾನ ಮಾಡಿದರೆ ಇನ್ನೊಬ್ಬರ ಜೀವ ಉಳಿಸಲು ಸಹಾಯ ಮಾಡಿದಂತಾಗುತ್ತದೆ. ಆದ್ದರಿಂದ ಯುವಜನ ಸೇರಿದಂತೆ ಎಲ್ಲ ನಾಗರಿಕರು ರಕ್ತದಾನ ಮಾಡಲು ಮುಂದೆ ಬರಬೇಕು ಎಂದು ಹೇಳಿದರು.

ತಹಶೀಲ್ದಾರ್‌ ಎಸ್‌. ಮಹಾಬಲೇಶ್ವರ, ತಾಲ್ಲೂಕು ಪಂಚಾಯ್ತಿ ಕಾರ್ಯನಿರ್ವಹಣಾಧಿಕಾರಿ ಜಿ.ಎಂ. ಬಸಣ್ಣ, ಸಿಪಿಐ ವಸಂತ ವಿ ಆಸೋದೆ, ರಾಜ್ಯ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಪಿ. ಶಿವರಾಜ, ಜಿಸಿಐನ ಕಾರ್ಯಕ್ರಮ ನಿರ್ದೇಶಕ ಸಂದೀಪ್‌ ರಾಯಸಂ, ಕಾರ್ಯದರ್ಶಿ ರಜತ್‌, ಪ್ರಮುಖರಾದ ಕೆ. ನಾಗರಾಜ, ರಾಮಣ್ಣ, ಮಹಮದ್‌ ಜಿಲಾನ್‌. ಕೊಟ್ರೇಶ್‌, ಎಸ್‌.ಎಂ.ಡಿ. ಜಿಲಾನ್‌, ಅಕ್ಕಿ ಕೊಟ್ರೇಶ್‌, ಟಿ. ಕೊಟ್ರೇಶ್‌, ಕುಶಾಲ್‌, ಐಲಿ ರವಿ, ಚನ್ನಶೇಖರ್‌, ಡಿ. ಪ್ರಕಾಶ ಇದ್ದರು. 50ಕ್ಕೂ ಹೆಚ್ಚು ಜನರು ರಕ್ತದಾನ ಮಾಡಿದರು.