ಕಾಶ್ಮೀರದ ಆಯೆಷಾ ಅಜೀಜ್‌ ದೇಶದ ಕಿರಿಯ ಪೈಲಟ್‌

Team Udayavani, Feb 4, 2021, 7:55 AM IST

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಆಯೆಷಾ ಅಜೀಜ್‌ (25) ದೇಶದ ಕಿರಿಯ ಪೈಲಟ್‌ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

2011ರಲ್ಲಿ ಅವರು ವಿದ್ಯಾರ್ಥಿ ಪೈಲಟ್‌ ಆಗಿದ್ದದ್ದು ಮಾತ್ರವಲ್ಲ ರಷ್ಯಾದ ಸೊಕೊಲ್‌ ವಾಯುನೆಲೆಯಲ್ಲಿ ಮಿಗ್‌29 ಯುದ್ಧ ವಿಮಾನವನ್ನು ಹಾರಿಸುವ ಪರವಾನಿಗೆ ಪಡೆದುಕೊಂಡಿದ್ದರು. ಈ ಬೆಳವಣಿಗೆ ಕೇಂದ್ರಾಡಳಿತ ಪ್ರದೇಶದಲ್ಲಿ ಮಹಿಳೆಯರಿಗೆ ಸ್ಫೂರ್ತಿ ನೀಡುವ ವಿಚಾರವಾಗಿದೆ. 2017ರಲ್ಲಿ ಆಯೆಷಾ ಅವರು, ಬಾಂಬೆ ಫ್ಲಯಿಂಗ್‌ ಕ್ಲಬ್‌ (ಬಿಎಫ್ಸಿ)ನಲ್ಲಿ ವಾಯು ಯಾನ ಕ್ಷೇತ್ರದಲ್ಲಿ ಪದವಿ ಪಡೆದುಕೊಂಡಿದ್ದರು ಮತ್ತು ವಾಣಿಜ್ಯಿಕ ವಿಮಾನಗಳನ್ನು ಹಾರಿಸುವ ಬಗ್ಗೆ ಪರವಾನಿಗೆಯನ್ನೂ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ:ಕರ ವಸೂಲಿಗಾರ ಹಾಗೂ ಗುಮಾಸ್ತರಿಗೆ ಭಡ್ತಿ ನೀಡಲು ಕ್ರಮ: ಕೆ.ಎಸ್‌. ಈಶ್ವರಪ್ಪ

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಆಯೆಷಾ “ಕಾಶ್ಮೀರದಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಶಿಕ್ಷಣ ಪಡೆಯುತ್ತಿದ್ದಾರೆ. ಹೆಚ್ಚಿನವರು ಸ್ನಾತಕೋತ್ತರ ಪದವಿ, ವಿವಿಧ ಕ್ಷೇತ್ರಗಳಲ್ಲಿ ಪಿಎಚ್‌.ಡಿ ನಡೆಸುತ್ತಿದ್ದಾರೆ. ನನಗೆ ಪ್ರಯಾಣ ಮಾಡುವುದು ಇಷ್ಟವಾಗಿದ್ದರಿಂದ ಈ ಕ್ಷೇತ್ರ ಆರಿಸಿಕೊಂಡೆ’ ಎಂದು ಹೇಳಿದ್ದಾರೆ. ಹೆತ್ತವರು ಮತ್ತು ಕುಟುಂಬ ಸದಸ್ಯರು ತಮಗೆ ಪ್ರೋತ್ಸಾಹ ನೀಡಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.