ಮುಕ್ತ ವಿವಿಯಲ್ಲಿ ಎಂಎಸ್‌ಡಬ್ಲ್ಯೂ ಕೋರ್ಸ್‌ಗೆ ಮಾನ್ಯತೆ ಸಿಕ್ಕಿಲ್ಲ : ಸುರೇಶ್‌ ಕುಮಾರ್

Team Udayavani, Feb 5, 2021, 6:00 AM IST

ಬೆಂಗಳೂರು: ಎಂಎಸ್ಡಬ್ಲ್ಯೂ ಕೋರ್ಸ್‌ ಸಹಿತ ಯುಜಿಸಿ ಮಾನ್ಯತೆ ನೀಡದ ಯಾವುದೇ ಕೋರ್ಸ್‌ಗೆ ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯ ಪರೀಕ್ಷೆ ನಡೆಸಲು ಸಾಧ್ಯವಿಲ್ಲ ಎಂದು ಉನ್ನತ ಶಿಕ್ಷಣ ಸಚಿವರ ಪರವಾಗಿ ಸಚಿವ ಎಸ್‌.ಸುರೇಶ್‌ ಕುಮಾರ್‌ ಸದನಕ್ಕೆ ತಿಳಿಸಿದರು.

ಗುರುವಾರ ಪ್ರಶ್ನೋತ್ತರದಲ್ಲಿ ಬಿಜೆಪಿಯ ಸುಭಾಷ್‌ ಗುತ್ತೇದಾರ್‌ ಪ್ರಶ್ನೆಗೆ ಉತ್ತರಿಸಿದ ಅವರು, ರಾಜ್ಯ ಮುಕ್ತ ವಿವಿಯು ಯುಜಿಸಿಯ ನಿಯಮಗಳನ್ನು ಉಲ್ಲಂ ಸಿ ಶೈಕ್ಷಣಿಕ ಚಟುವಟಿಕೆ ನಡೆಸುತ್ತಿದ್ದ ಕಾರಣ ಶೈಕ್ಷಣಿಕ ಚಟುವಟಿಕೆ ನಡೆಸಲು ನೀಡಿದ್ದ 2013-14 ಹಾಗೂ 2014-15ನೇ ಸಾಲಿನ ವರ್ಷ ಒಳಗೊಂಡಂತೆ ಮಾನ್ಯತೆ ರದ್ದುಪಡಿಸಿತ್ತು. 2018ರಲ್ಲಿ ಯುಜಿಸಿಯು ವಿವಿಯ ಕೆಲ ಕೋರ್ಸ್‌ಗಳಿಗಷ್ಟೇ ಮಾನ್ಯತೆ ನೀಡಿದ್ದು, ಎಂಎಸ್‌ಡಬ್ಲ್ಯೂ ಕೋರ್ಸ್‌ ನಡೆಸಲು ಮಾನ್ಯತೆ ನೀಡಿಲ್ಲ ಎಂದು ಮಾಹಿತಿ ನೀಡಿದರು.