ರೈಲ್ವೆಯ “ಐಆರ್‌ಸಿಟಿಸಿ’ ಮೂಲಕ ಇನ್ನು ಬಸ್‌ ಬುಕಿಂಗ್‌ಗೂ ಅವಕಾಶ

Team Udayavani, Feb 6, 2021, 9:39 PM IST

ನವದೆಹಲಿ: ಕೇವಲ ರೈಲ್ವೆ, ವಿಮಾನ ಟಿಕೆಟ್‌ ಬುಕ್ಕಿಂಗ್‌ಗೆ ಸೀಮಿತವಾಗಿದ್ದ ಭಾರತೀಯ ರೈಲ್ವೆಯ “ಐಆರ್‌ಸಿಟಿಸಿ’ ವೆಬ್ಸೈಟ್‌ನಲ್ಲಿ ಇನ್ನು ಮುಂದೆ ಬಸ್ಸುಗಳನ್ನೂ ಕಾಯ್ದಿರಿಸಬಹುದು!

ಈ ನೂತನ ಸೌಲಭ್ಯ ವೆಬ್‌ಸೈಟ್‌ನಲ್ಲಿ ಜನವರಿ 29ರಿಂದಲೇ ಜಾರಿಗೊಂಡಿದೆ. ಮಾರ್ಚ್‌ ವೇಳೆಗೆ ಐಆರ್ಸಿಟಿಸಿ ಆ್ಯಪ್‌ನಲ್ಲೂ ಬಸ್‌ ಬುಕಿಂಗ್‌ ಸೌಲಭ್ಯಕ್ಕೆ ಅವಕಾಶವಿರಲಿದೆ.

ಐಆರ್‌ಸಿಟಿಸಿ ಇದಕ್ಕಾಗಿ 22 ರಾಜ್ಯ ಮತ್ತು 3 ಕೇಂದ್ರಾಡಳಿತ ಪ್ರದೇಶಗಳ 50 ಸಾವಿರಕ್ಕೂ ಅಧಿಕ ರಾಜ್ಯ ರಸ್ತೆ ಸಾರಿಗೆ ಸೇವೆಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಪ್ರಯಾಣಕ್ಕೆ ಸೂಕ್ತ ಬಸ್‌, ಮಾರ್ಗಗಳು, ಸೌಲಭ್ಯಗಳು, ಬಸ್‌ ವಿಮರ್ಶೆ, ರೇಟಿಂಗ್‌ ಮತ್ತು ಬಸ್ಸುಗಳ ಚಿತ್ರಗಳನ್ನು ಪರಿಶೀಲಿಸಿಯೇ ಬುಕಿಂಗ್‌ ಮಾಡಿಕೊಳ್ಳಲು ವೆಬ್‌ಸೈಟ್ನಲ್ಲಿ ಅವಕಾಶ ಕಲ್ಪಿಸಲಾಗಿದೆ.

ಇದನ್ನೂ ಓದಿ:‘ಆ ದೇವರಿಂದಲೂ ನನ್ನನ್ನು ಹಿಡಿಯಲಾಗುವುದಿಲ್ಲ’ ಎಂದ ಆರೋಪಿಯನ್ನು ಜೈಲಿಗಟ್ಟಿದ ಪೊಲೀಸರು