ಮಣಿಪುರ ಗ್ರಾ.ಪಂ.: ಬಿಜೆಪಿಯಿಂದ ಮತ್ತೆ  ಕಾಂಗ್ರೆಸ್ ತೆಕ್ಕೆಗೆ

Team Udayavani, Feb 15, 2021, 7:20 PM IST

ಕಟಪಾಡಿ: ಮಣಿಪುರ ಗ್ರಾಮ ಪಂಚಾಯತ್ ಅಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತರಾದ ಹಸನ್ ಶೇಖ್ ಅಹ್ಮದ್, ಉಪಾಧ್ಯಕ್ಷೆಯಾಗಿ ವಿನ್ನೀ ಡಿಸೋಜ ಗೆದ್ದಿರುತ್ತಾರೆ

ಒಟ್ಟು 16 ಸದಸ್ಯ ಬಲದ ಮಣಿಪುರ ಗ್ರಾ.ಪಂ.ನಲ್ಲಿ  ಬಿಜೆಪಿ.ಬೆಂಬಲಿತ ಪ್ರಜ್ವಲ್ ಹೆಗ್ಡೆ ನಡುವೆ ನೇರ ಚುನಾವಣೆ ನಡೆದಿದ್ದು, 10:6 ಮತಗಳ ಅಂತರದಲ್ಲಿ ಹಸನ್ ಶೇಖ್ ಅಹ್ಮದ್ ಗೆದ್ದು ಮಣಿಪುರ ಗ್ರಾ.ಪಂ. ಅಧ್ಯಕ್ಷರಾಗಿದ್ದಾರೆ. ನಾಲ್ಕು ಬಾರಿ ಗ್ರಾ.ಪಂ. ಸದಸ್ಯರಾಗಿ ಗೆದ್ದಿರುವ ಹಸನ್ ಶೇಖ್ ಅಹ್ಮದ್ ಅವರು ಈ ಮೊದಲು ಒಂದು ಬಾರಿ ಅಧ್ಯಕ್ಷರಾಗಿ ಮತ್ತು ಉಪಾಧ್ಯಕ್ಷರಾಗಿದ್ದರು.

ಕುರ್ಕಾಲು : ಗೆದ್ದ ಪ್ರಥಮದಲ್ಲಿಯೇ ಅಧ್ಯಕ್ಷ, ಉಪಾಧ್ಯಕ್ಷ ಗಾದಿಗೇರಿದ ಮಹೇಶ್ ಶೆಟ್ಟಿ ಬಿಳಿಯಾರು, ಸೀಮಾ ಡಿಸೋಜ :

ಕಟಪಾಡಿ : ಕುರ್ಕಾಲು ಗ್ರಾಮ ಪಂಚಾಯತ್ ಅಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತರಾದ ಮಹೇಶ್ ಶೆಟ್ಟಿ ಬಿಳಿಯಾರು, ಉಪಾಧ್ಯಕ್ಷರಾಗಿ ಮಾರ್ಗರೇಟ್ ಸೀಮಾ ಡಿಸೋಜ ಅವಿರೋಧವಾಗಿ ಆಯ್ಕೆಗೊಂಡಿರುತ್ತಾರೆ.

ಒಟ್ಟು 16 ಸದಸ್ಯ ಬಲದ ಕುರ್ಕಾಲು ಗ್ರಾ.ಪಂ.ನಲ್ಲಿ ಇವರಿಬ್ಬರೂ ಪ್ರಥಮವಾಗಿ ಗೆದ್ದು ಬಂದಿದ್ದರು.

ಕೋಟೆ : ಕಾಂಗ್ರೆಸ್ ತೆಕ್ಕೆಗೆ : 

ಕಟಪಾಡಿ: ಒಟ್ಟು 15 ಸದಸ್ಯ ಬಲದ ಕೋಟೆ ಗ್ರಾಮ ಪಂಚಾಯತ್ ಅಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತರಾದ ಕಿಶೋರ್ ಕುಮಾರ್ ಅಂಬಾಡಿ ಅವರು ಪ್ರತಿಸ್ಪರ್„ ಬಿ.ಬೆಂ. ಯೋಗೀಶ್ ವಿರುದ್ಧ 8:7 ಮತಗಳ ಅಂತರದಲ್ಲಿ ಗೆಲುವನ್ನು ಸಾ„ಸಿರುತ್ತಾರೆ. ಉಪಾಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತ ಪ್ರಮೀಳಾ ಪಿ. ಜತ್ತನ್ನ ನಾಮಪತ್ರ ಸಲ್ಲಿಸಿದ ಏಕೈಕ ಅಭ್ಯರ್ಥಿಯಾಗಿದ್ದು ಅವಿರೋಧವಾಗಿ ಆಯ್ಕೆಗೊಂಡಿರುತ್ತಾರೆ