‘ನಿನ್ನ ನೋಡಿ ಸುಮ್ನೆಂಗ್ ಇರ್ಲಿ’ ? ರಾಬರ್ಟ್ ಚಿತ್ರದ ಜವಾರಿ ಸಾಂಗ್ ಬಿಡುಗಡೆ

Team Udayavani, Feb 20, 2021, 5:15 PM IST

ಬೆಂಗಳೂರು : ಚಿತ್ರಮಂದಿರದಲ್ಲಿ ರಾಬರ್ಟ್ ಕಣ್ತುಂಬಿಕೊಳ್ಳಲು ಜಾತಕ ಪಕ್ಷಿಗಳಂತೆ ಕಾಯುತ್ತಿರುವ ಡಿ ಬಾಸ್ ಅಭಿಮಾನಿಗಳಿಗೆ ಇಂದು (ಫೆ.20) ಬೊಂಬಾಟ್ ಗಿಫ್ಟ್ ಸಿಕ್ಕಿದೆ. ರಾಬರ್ಟ್ ಚಿತ್ರದ ‘ಕಣ್ಣು  ಹೊಡಿಯ್ಯಾಕ್’ ಸಾಂಗ್ ಶನಿವಾರ ಸಂಜೆ ಬಿಡುಗಡೆಯಾಗಿದೆ.

ನಿರ್ದೇಶಕ, ಗೀತ ರಚನಕಾರ ಯೋಗರಾಜ್ ಭಟ್ ಅವರು ಪಕ್ಕಾ ಉತ್ತರ ಕರ್ನಾಟಕದ ಭಾಷೆಯಲ್ಲಿ ಬರೆದಿರುವ ಈ ಸಾಂಗ್ ಭರ್ಜರಿಯಾಗಿ ಮೂಡಿ ಬಂದಿದೆ. ಭಟ್ಟರ ಸಾಲುಗಳಿಗೆ ಶ್ರೇಯಾ ಘೋಷಾಲ್ ಧ್ವನಿಯಾಗಿದ್ದು, ಹಾಡಿನ ಘಮ್ಮತ್ತನ್ನು ದುಪ್ಪಟ್ಟುಗೊಳಿಸಿದೆ. ಅರ್ಜುನ್ ಜನ್ಯ ಅವರ ಸಂಗೀತ ಸಂಯೋಜನೆ ಸಖತ್ ಆಗಿದೆ.

ಇನ್ನು ತರುಣ್ ಕಿಶೋರ್ ಸುಧೀರ್ ನಿರ್ದೇಶನದ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟಿಸಿರುವ ರಾಬರ್ಟ್ ಚಿತ್ರ ಬರುವ ಮಾರ್ಚ್ 11 ರಂದು ಕನ್ನಡ ಹಾಗೂ ತೆಲುಗು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ದರ್ಶನ್ ಅವರಿಗೆ ಆಶಾ ಭಟ್ ನಾಯಕಿಯಾಗಿ ನಟಿಸಿದ್ದಾರೆ. ರಾಬರ್ಟ್ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಪೋಣಿಸಿದ್ದಾರೆ.