ಜುಲೈ 2ರಿಂದ ತೆರೆಮೇಲೆ ರಾರಾಜಿಸಲಿದ್ದಾನೆ “ಶೇರ್ ಶಾ”

Team Udayavani, Feb 20, 2021, 8:00 PM IST

ಮುಂಬೈ: ಬಾಲಿವುಡ್ ನಟ ಸಿದ್ದಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಅಡ್ವಾಣಿ ಕಾಂಬಿನೇಷನ್ ನಲ್ಲಿ ಮೂಡಿಬರುತ್ತಿರುವ ಕಾರ್ಗಿಲ್  ಹೀರೋ ವಿಕ್ರಂ ಬಾತ್ರಾ ಅವರ ಜೀವಾನಾಧಾರಿತ  ಸಿನಿಮಾ “ಶೇರ್ ಶಾ” ಚಿತ್ರದ ಬಿಡುಗಡೆ ದಿನಾಂಕ ಫಿಕ್ಸ್ ಆಗಿದೆ.

ಮುಂಬರುವ ಜುಲೈ 2 ರಂದು ದೇಶಾದ್ಯಂತ ಸಿನಿಮಾವನ್ನು ಚಿತ್ರಮಂದಿರದಲ್ಲಿ ಬಿಡುಗಡೆಗೊಳಿಸುವುದಾಗಿ ಚಿತ್ರತಂಡ ತಿಳಿಸಿದೆ. ಈ ಕುರಿತಾಗಿ ಟ್ವೀಟ್ ಮಾಡಿರುವ ಸಿದ್ದಾರ್ಥ್ ಮಲ್ಹೋತ್ರಾ, ಕ್ಯಾಪ್ಟನ್ ವಿಕ್ರಮ್ ಬಾತ್ರಾ ಅವರ ಜೀವನಾಧಾರಿತ ನೈಜ ಕತೆಯನ್ನು ತೆರೆಮೇಲೆ ತರಲು ಸಿದ್ಧವಾಗಿದ್ದು, ಜುಲೈ 2 ಸಿನಿಮಾ ಬಿಡುಗಡೆಗೊಳ್ಳಲಿದೆ, ಚಿತ್ರವನ್ನು ವೀಕ್ಷಿಸಿ ಎಂದಿದ್ದಾರೆ.

ಈ ಚಿತ್ರವನ್ನು  ಕಳೆದ ವರ್ಷದ ಜುಲೈ ನಲ್ಲಿಯೇ ಬಿಡುಗಡೆಗೊಳಿಸಲು ಚಿತ್ರತಂಡ ತಯಾರಿ ನಡೆಸಿದ್ದು, ಈ ನಡುವೆ ಕೋವಿಡ್ ಹಿನ್ನೆಲೆಯಲ್ಲಿ ಸಿನಿಮಾ ಬಿಡುಗಡೆ ದಿನಾಂಕ  ಮುಂದೂಡಲಾಯಿತು ಎಂದು ಚಿತ್ರ ತಂಡ ತಿಳಿಸಿದೆ.

ಇದನ್ನೂ ಓದಿ:ಝೂಮ್ ಮೀಟಿಂಗ್ ನಲ್ಲಿದ್ದ ಪತಿಗೆ ಕಿಸ್…ವಿಡಿಯೋ ವೈರಲ್  

ಖ್ಯಾತ ನಿರ್ದೇಶಕ ವಿಷ್ಣುವರ್ಧನ್ ನಿರ್ದೇಶನದಲ್ಲಿ ತೆರೆಮೇಲೆ ಬರಲು ತಯಾರಾಗಿರುವ ಈ ನಿನಿಮಾದಲ್ಲಿ ಅಂಕಿತಾ ಗೋರಯ್ಯ, ಶಿವ ಪಂಡಿತ್ ಮುಂತಾದ ತಾರಾಬಳಗವಿರಲಿದ್ದು, ಯುವನ್ ಶಂಕರ್  ರಾಜ್ ಅವರ ಸಂಗೀತ ನಿರ್ದೇಶನವಿರಲಿದೆ.