ದೂರ ಪ್ರಯಾಣದಿಂದ ಲಾಭ, ನಿರೀಕ್ಷಿತ ಆರ್ಥಿಕ ಪ್ರಗತಿ: ಹೇಗಿದೆ ಇಂದಿನ ದಿನಭವಿಷ್ಯ ?

Team Udayavani, Feb 21, 2021, 7:33 AM IST

ಮೇಷ: ಕಾರ್ಯರಂಗದಲ್ಲಿ ಯಶಸ್ಸಿನ ಮಾರ್ಗ ಗಳು ಗೋಚರಕ್ಕೆ ಬರಲಿವೆ. ವೃತ್ತಿರಂಗದಲ್ಲಿ ಸಹೋದ್ಯೋಗಿಗಳೊಂದಿಗೆ ಒಳ್ಳೆಯ ಬಾಂಧವ್ಯ ಮೂಡಲಿದೆ. ಹಿರಿಯರ ತೀರ್ಥಯಾತ್ರೆಯ ಕನಸು ನನಸಾಗಲಿದೆ. ಸಮಸ್ಯೆಗಳಿಗೆ ಬರವಿಲ್ಲ.

ವೃಷಭ: ಸಾಂಸಾರಿಕವಾಗಿ ಎಷ್ಟೇ ಸಮಸ್ಯೆಗಳಿದ್ದರೂ ಸುಧಾರಿಸಿಕೊಂಡು ಹೋಗುವಿರಿ. ಆದರೆ ಆರೋಗ್ಯದ ಬಗ್ಗೆ ಮಾತ್ರ ಧನಾತ್ಮಕ ಚಿಂತನೆ ಕೈಗೊಂಡರೆ ಉತ್ತಮ. ವಿದ್ಯಾರ್ಥಿಗಳಿಗೆ ಪರೀಕ್ಷೆಗಳಲ್ಲಿ ಉತ್ತಮ ಅಂಕ ದೊರೆಯಲಿದೆ.

ಮಿಥುನ: ಆರ್ಥಿಕವಾಗಿ, ಪರಿಸ್ಥಿತಿಯು ಆಗಾಗ ಹದಗೆಡಲಿದೆ. ಸಾಂಸಾರಿಕವಾಗಿ ಸಮಾಧಾನಗಳಿದ್ದರೂ ಮನಸ್ಸು ಕೊರಗಲಿದೆ. ವೃತ್ತಿರಂಗದಲ್ಲಿ ಸಹೋದ್ಯೋಗಿಗಳಿಂದ ಆಗಾಗ ಕಿರಿಕಿರಿ ಅನುಭವಿಸುವಿರಿ. ಮನಸ್ಸು ಶಾಂತವಾಗಿಡಿ.

ಕರ್ಕ: ಸಾಂಸಾರಿಕವಾಗಿ ಮನಕ್ಲೇಶಗಳು ಹೆಚ್ಚಾದೀತು. ನಿರುದ್ಯೋಗಿಗಳಿಗೆ ಆಕಸ್ಮಿಕ ರೀತಿಯಲ್ಲಿ ಉದ್ಯೋಗವು ದೊರೆತು ಸಮಾಧಾನ ತರಲಿದೆ. ಸಿಕ್ಕಿದ ಅವಕಾಶವನ್ನು ಬಳಸಿಕೊಳ್ಳಿರಿ. ಆಶಾವಾದಿಗಳಾದ ನಿಮಗೆ ಉತ್ತಮ ಭವಿಷ್ಯವಿದೆ.

ಸಿಂಹ: ವ್ಯಾಪಾರ, ವ್ಯವಹಾರದಿಂದ ದೂರ ಪ್ರಯಾಣ ಕೈಗೊಂಡರೂ ಅದಕ್ಕಾಗಿ ಉತ್ತಮ ಲಾಭ ಪಡೆಯುವಿರಿ. ಕೃಷಿಯಲ್ಲಿ ಕಂಡುಬರುವ ಲಾಭದಿಂದ ರೈತರಿಗೆ ಅಸಮಾಧಾನವಿರುವುದು. ಕಚೇರಿ ಕೆಲಸದಲ್ಲಿ ಹಿನ್ನಡೆ.

ಕನ್ಯಾ: ಅಪ್ರತ್ಯಕ್ಷವಾದ ಲಾಭವೊಂದು ನಿಮ್ಮನ್ನು ಹುಡುಕಿಕೊಂಡು ಬರಲಿದೆ. ದೂರ ಸಂಚಾರದಿಂದ ಕಾರ್ಯಾನುಕೂಲವಾಗಿ ಧನಾಗಮನವು ಇರುವುದು. ಜೀವನ ರಥದಲ್ಲಿ ಯಶಸ್ವಿಯಾಗಿ ಕುಳಿತಿರುವ ನೀವು ಅದೃಷ್ಟಶಾಲಿಗಳು.

ತುಲಾ: ವಿದ್ಯಾರ್ಥಿಗಳಿಗೆ ಮಿತ್ರವರ್ಗದವರ ಸಹಾಯ, ಸಹವಾಸ ಸದ್ಯ ಅನುಕೂಲ ಪರಿಣಾಮ ನೀಡಲಿದೆ. ಕುಟುಂಬ ವರ್ಗದವರ ಸಹಕಾರ ನೆಮ್ಮದಿ ನೀಡಲಿದೆ. ನಿಮ್ಮ ಬುದ್ಧಿಮತ್ತೆಯ ಸದುಪಯೋಗ ಮಾಡಿಕೊಳ್ಳಿರಿ.

ವೃಶ್ಚಿಕ: ವೃತ್ತಿರಂಗದಲ್ಲಿ ಉತ್ತಮ ಪರಿಣಾಮ ಕಂಡುಬರುವುದು. ಗೃಹ ಬದಲಾವಣೆಯ ಸಾಧ್ಯತೆ ಕಂಡುಬರುವುದು. ನಿಮ್ಮ ಪ್ರಯತ್ನಬಲವು ನಿಶ್ಚಿತ ರೂಪ ಪಡೆಯಲಿದೆ. ಗೃಹದಲ್ಲಿ ಪತ್ನಿಯ ಆರೋಗ್ಯದ ಜಾಗ್ರತೆ ಮಾಡಿರಿ.

ಧನು: ವ್ಯವಹಾರಿಕವಾಗಿ ತಲೆದೋರುವ ಕಿರುಕುಳ, ಅವಮಾನಗಳೇನಿದ್ದರೂ ನಿಮ್ಮ ತಾಳ್ಮೆ ಸಹನೆಯನ್ನು ಜಾಗೃತಗೊಳಿಸಲಿದೆ. ನಿರೀಕ್ಷಿತ ಆರ್ಥಿಕ ಪ್ರಗತಿ ಇರುವುದರಿಂದ ಖರ್ಚುವೆಚ್ಚಗಳನ್ನು ಸರಿದೂಗಿಸುವುದು.

ಮಕರ: ನಿಮ್ಮ ಕಾರ್ಯಕಲಾಪಗಳೆಲ್ಲವೂ ವ್ಯವಸ್ಥಿತ ರೂಪದಲ್ಲಿ ನಡೆಯುವುದು. ದೇವತಾ ಕಾರ್ಯಗಳಲ್ಲಿ ಭಾಗಿಯಾಗುವುದರಿಂದ ಮನಸ್ಸಿಗೆ ಸಂತಸ ಸಿಗಲಿದೆ. ಬಂಧು ಹಾಗೂ ಗೆಳೆಯರ ಭೇಟಿಯಿಂದ ಸಂತಸವಾಗುವಿರಿ.

ಕುಂಭ:ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ನಿರಾಸಕ್ತಿಯು ಕಂಡುಬಂದು ಹಿಂಜರಿತವಿರುವುದು.

ಕೆಲಸದ ಮಹಿಳೆಯರಿಗೆ ಉದ್ಯೋಗದಲ್ಲಿ ಅವಮಾನವಾಗಲಿದೆ. ಕಣ್ಣಲ್ಲಿ ಕಂಡ ಕೆಟ್ಟ ವಿಚಾರವನ್ನು ಯಾರೊಂದಿಗೂ ಹೇಳದಿರಿ.

ಮೀನ: ಆರೋಗ್ಯವು ಸುಧಾರಣೆ ಕಂಡು ಸಮಾಧಾನವಾಗಲಿದೆ. ಪಾಲುಗಾರಿಕೆಯ ವ್ಯಾಪಾರ, ವ್ಯವಹಾರದಲ್ಲಿ ತುಂಬಾ ಜಾಗೃತರಾಗಿರಿ. ಏಕೆಂದರೆ ಏಟು ಬಿದ್ದೀತು. ಆರ್ಥಿಕವಾಗಿ ಹಣಕಾಸಿನ ಬಗ್ಗೆ ಬಿಗಿ ಹಿಡಿತವಿರಲಿ.