ಇಂಗ್ಲೆಂಡ್ ದೇಶದ ಈ ಮಗು, ಅತಿ ಹೆಚ್ಚು ತೂಕ ಹೊಂದಿರುವ 2 ನೇ ಶಿಶು! : ತೂಕ ಎಷ್ಟು ಗೊತ್ತಾ!

Team Udayavani, May 1, 2021, 9:36 AM IST

ಯುಕೆ : ಸಾಮಾನ್ಯವಾಗಿ ಮಕ್ಕಳು ಹುಟ್ಟುದಾಗ 3.5 ಕೆ.ಜಿ ಇರುತ್ತಾರೆ. ವೈದ್ಯಕೀಯ ವರದಿಗಳ ಪರಕಾರ ಎಲ್ಲಾ ಮಕ್ಕಳು ಇಷ್ಟೇ ತೂಕವನ್ನು ಹೊಂದಿರುತ್ತಾರೆ. ಆದ್ರೆ ಕೆಲವೊಂದು ಬಾರಿ ವೈದ್ಯರು ಊಹೆ ಮಾಡಲಾರಷ್ಟು ಹೆಚ್ಚು ತೂಕವನ್ನು ನವ ಜಾತ ಶಿಶುಗಳು ಹೊಂದಿರುತ್ತಾರೆ. ಇದೀಗ ಅಂತಹದ್ದೇ ಒಂದು ಪ್ರಕರಣ ಯುಕೆ ದೇಶದಲ್ಲಿ ಪತ್ತೆಯಾಗಿದೆ. ಆಗತಾನೇ ಹುಟ್ಟಿದ ಮಗು ಬರೋಬ್ಬರಿ 5.8 ಕೆಜಿ ತೂಕವನ್ನು ಹೊಂದಿದ್ದು, ವೈದ್ಯರನ್ನು ನಿಬ್ಬೆರಗಾಗಿಸಿದೆ.

21 ವರ್ಷದ ಅಂಬರ್ ಕಂಬರ್ಲ್ಯಾಂಡ್ ಎಂಬ ಮಹಿಳೆಗೆ ಇದೀಗ ಹೆಣ್ಣು ಮಗು ಜನನವಾಗಿದೆ. ಈ ಮಹಿಳೆ ಗರ್ಭಿಣಿಯಾಗಿದ್ದ ವೇಳೆ ತುಂಬಾ ದೊಡ್ಡದಾಗಿ ಹೊಟ್ಟೆಯನ್ನು ಹೊಂದಿದ್ದ ಕಾರಣ ನಿನಗೆ ಅವಳಿ ಮಕ್ಕಳು ಹುಟ್ಟುತ್ತಾರೆ ಎಂದು ವೈದ್ಯರು ಮತ್ತು ನೆರೆಹೊರೆಯವರು ಹೇಳಿದ್ದರಂತೆ.

ಕಳೆದ ಏಪ್ರಿಲ್ 16 ರಂದು ಅಂಬರ್ ತನ್ನ ಮಗುವಿಗೆ ಜನ್ಮ ನೀಡಿದ್ದಾರೆ. ಈಗ ಜನಿಸಿರುವ ಮಗು ಯುಕೆ ದೇಶದಲ್ಲಿಯೇ ಅತಿ ಹೆಚ್ಚು ತೂಕ ಹೊಂದಿರುವ ಎರಡನೇ ನವಜತ ಶಿಶು ಎಂದು ಹೆಸರು ಗಳಿಸಿದೆ. 2012ರಲ್ಲಿ ಜನಿಸಿದ ಒಂದು ಮಗು ಕೂಡ ಇಷ್ಟೇ ತೂಕ ಇದ್ದು, ಈ ಮಗುವಿಗಿಂತ 900 ಗ್ರಾ ಹೆಚ್ಚು ತೂಕವನ್ನು ಹೊಂದಿದೆ.

ಮಗುವಿಗೆ ಜನ್ಮ ನೀಡಿರುವ ಆ ತಾಯಿಯು ಪ್ರತಿಕ್ರಿಯೆ ನೀಡಿದ್ದು, ನಾನು ಗರ್ಭಿಣಿಯಾಗಿದ್ದ ವೇಳೆ ನನ್ನ ಹೊಟ್ಟೆಯು ತುಂಬಾ ದಪ್ಪ ಕಾಣುತ್ತಿತ್ತು. ಇದನ್ನು ಕಂಡ ವೈದ್ಯರು ನೀವು ಅವಳಿ ಮಕ್ಕಳಿಗೆ ಜನ್ಮ ನೀಡುವೆ ಎಂದು ಹೇಳಿದ್ದರು.

ನನ್ನ ಮಗು ಜನಿಸಿದ ತಕ್ಷಣ ಮಗುವು ಮುಖವು ತುಂಬಾ ಬಿಳಿ ಬಣ್ಣದಿಂದ ಕೂಡಿದ್ದು, ಇದನ್ನು ನೋಡಿದ ವೈದ್ಯರು ತುಂಬಾ ಖುಷಿಯಿಂದ, ಆಶ್ಚರ್ಯದಿಂದ ಮಗುವನ್ನು ನೋಡಿದರು. ಇದಾದ ಮೇಲೆ ಅಭಿನಂದನೆಗಳನ್ನು ತಿಳಿಸಿದರು ಎಂದು ಮಹಿಳೆ ತಿಳಿಸಿದ್ದಾರೆ. ಸದ್ಯ ಹುಟ್ಟಿರುವ ಮಗು ತನ್ನ 32 ನೇ ವಾರದಲ್ಲಿ 36 ವಾರಗಳ ಮಗುವಿನ ಗಾತ್ರವನ್ನು ತಲುಪಿದೆ ಎಂದು ವೈದ್ಯರು ಅಂದಾಜಿಸಿದ್ದಾರೆ.