New York Time ಟ್ರಾವೆಲ್ 2025 ಲಿಸ್ಟ್; 52 ಸ್ಥಳಗಳ ಪಟ್ಟಿಯಲ್ಲಿ ಅಸ್ಸಾಂಗೆ ನಾಲ್ಕನೇ ಸ್ಥಾನ

Team Udayavani, Jan 11, 2025, 5:56 PM IST

ನವದೆಹಲಿ: ನ್ಯೂಯಾರ್ಕ್ ಟೈಮ್ ಟ್ರಾವೆಲ್ 2025 ರಲ್ಲಿ ಭೇಟಿ ನೀಡಲು 52 ಸ್ಥಳಗಳನ್ನು ಪಟ್ಟಿ ಮಾಡಿದೆ. ಪಟ್ಟಿಯು ವೈವಿಧ್ಯಮಯವಾಗಿದ್ದು, ಥೈಲ್ಯಾಂಡ್‌ ನಿಂದ ಹಿಡಿದು ಗ್ರೀನ್‌ಲ್ಯಾಂಡ್‌ನ ಆರ್ಕ್ಟಿಕ್ ಸಾಹಸಗಳವರೆಗಿನ ಸ್ಥಳಗಳನ್ನು ಒಳಗೊಂಡಿದೆ. ಗಮನಾರ್ಹವಾಗಿ, 52 ತಾಣಗಳ ಪಟ್ಟಿಯಲ್ಲಿ ಅಸ್ಸಾಂ ನಾಲ್ಕನೇ ಸ್ಥಾನವನ್ನು ಪಡೆದುಕೊಂಡಿದೆ.

ಅಸ್ಸಾಂಗೆ ಭೇಟಿ ನೀಡಲು ಕೆಲವು ಕಾರಣಗಳು

ಅಸ್ಸಾಂನ ಅಹೋಮ್ ರಾಜವಂಶದ 700-ವರ್ಷ-ಹಳೆಯ ಸಮಾಧಿ ದಿಬ್ಬದ ವ್ಯವಸ್ಥೆಯಾದ ಚರೈಡಿಯೊ ಮೊಯಿಡಮ್ಸ್ ಯುನೆಸ್ಕೋದ ವಿಶ್ವ ಪರಂಪರೆಯ ಪಟ್ಟಿಯಲ್ಲಿದೆ. ಅವುಗಳನ್ನು ‘ಅಸ್ಸಾಂನ ಪಿರಮಿಡ್‌ಗಳು’ ಎಂದೂ ಕರೆಯಲಾಗುತ್ತದೆ.

ಕಾಮಾಖ್ಯ ದೇವಸ್ಥಾನ
51 ಶಕ್ತಿ ಪೀಠಗಳಲ್ಲಿ ಅತ್ಯಂತ ಹಳೆಯದಾದ ಗುವಾಹಟಿಯಲ್ಲಿನ ಕಾಮಾಖ್ಯ ದೇವಸ್ಥಾನ. ಸಾಮಾನ್ಯವಾಗಿ ಹೆಚ್ಚಿನ ಹಿಂದೂ ದೇವಾಲಯಗಳಲ್ಲಿ ಕಂಡುಬರುವ ದೇವಿಯ ವಿಗ್ರಹವಿಲ್ಲದ ಕಾರಣ ಈ ದೇವಾಲಯವು ವಿಶಿಷ್ಟವಾಗಿದ್ದು, ಸ್ತ್ರೀ ಜನನಾಂಗದ ಆಕಾರದಲ್ಲಿ ನೈಸರ್ಗಿಕ ಕಲ್ಲು ಪೂಜಿಸಲಾಗುತ್ತದೆ. ದೇವಸ್ಥಾನದಲ್ಲಿ ದೇವಿಯ ಋತುಚಕ್ರವನ್ನು ಸಹ ಆಚರಿಸುತ್ತದೆ.

ಒಂದು ಕೊಂಬಿನ ಘೇಂಡಾಮೃಗಗಳನ್ನು ನೋಡಲು ಪ್ರವಾಸಿಗರು ಕಾಜಿರಂಗ ರಾಷ್ಟ್ರೀಯ ಉದ್ಯಾನವನಕ್ಕೆ ಭೇಟಿ ನೀಡಬಹುದು

ಅಸ್ಸಾಂನ ವಿಶ್ವಪ್ರಸಿದ್ಧ ಚಹಾ ತೋಟಗಳಿಗೆ ಭೇಟಿ ನೀಡಿ ಘಮ ಆಸ್ವಾದಿಸುವಂತೆ ಶಿಫಾರಸು ಮಾಡಲಾಗಿದೆ.

ಅಸ್ಸಾಂ ಆರ್ಥಿಕ ಉತ್ಕರ್ಷವನ್ನು ಕೂಡ ಕಾಣುತ್ತಿದೆ ಮತ್ತು ಅದರ ಸುಂದರ ಪಟ್ಟಣಗಳಿಗೆ ಭೇಟಿ ನೀಡುವುದು ಸಹ ಅತ್ಯಗತ್ಯ ಎನ್ನಲಾಗಿದೆ.