Teachers’ Day: ಹಣ ನೋಡಿ ಹೆದರಿದೆ…
Team Udayavani, Sep 5, 2023, 10:30 AM IST
ಸಾಂದರ್ಭಿಕ ಚಿತ್ರ
ಎನ್ಎಸ್ಎಸ್ ವಾರ್ಷಿಕ ಶಿಬಿರ ಅದೇ ತಾನೇ ಮುಗಿದಿತ್ತು. ನಡುವೆ ಗಾಂಧಿ ಜಯಂತಿಯೂ ಬಂದು, ಗಾಂಧೀಜಿಯವರ ಬಗ್ಗೆ ಉಪನ್ಯಾಸ, ನಾಟಕ ಪ್ರದರ್ಶನ ದಿನಪೂರ್ತಿ ನಡೆದಿದ್ದವು. ಶಿಬಿರಕ್ಕಾಗಿ ಮಾಡಿದ ಖರ್ಚು ವೆಚ್ಚದ ವಿವರಗಳನ್ನು ಪ್ರಾಂಶುಪಾಲರಿಗೆ ಸಲ್ಲಿಸಿದ್ದರಿಂದ ಅರ್ಧ ಲಕ್ಷದಷ್ಟು ಹಣವೂ ಕೈಗೆ ಬಂದಿತ್ತು. ಅದನ್ನು ಪುಟ್ಟ ಪರ್ಸಿನಲ್ಲಿ ತುರುಕಿ ಅವಸರದಲ್ಲಿಯೇ ಮಕ್ಕಳ ಸಭೆಗೆ ಹೋಗಿದ್ದೆ. ಮರುದಿನದಿಂದ ದಸರಾ ರಜೆ ಪ್ರಾರಂಭವಾಗಿತ್ತು.
ಬಂಧುವೊಬ್ಬರು ಚಿನ್ನ ಖರೀದಿಗೆಂದು ಬಂದಿದ್ದರಿಂದ ಅವರೊಂದಿಗೆ ಅಂಗಡಿಗೆ ಹೋಗಿ ಹಣ ಕಡಿಮೆಯಾಯಿತೆಂದು ಪುಟ್ಟ ಪರ್ಸಿಗೆ ಕೈಹಾಕಿದರೆ ಚೀಲದಲ್ಲಿ ಪರ್ಸಿಲ್ಲ! ಅರೆರೆ, ದೊಡ್ಡ ಮೊತ್ತದ ಹಣ ಮಂಗಮಾಯವಾಗಿದೆ ಎಂದು ಮನೆಯಿಡೀ ಹುಡುಕದ ಜಾಗವಿಲ್ಲ. ಮರುದಿನವೇ ಕಾಲೇಜಿಗೂ ತೆರಳಿ ಸಿ.ಸಿ. ಕ್ಯಾಮೆರಾದಲ್ಲಿ ಸುಳಿವಿಗಾಗಿ ತಡಕಾಡಿದರೂ ಪರ್ಸ್ ಸಿಗಲಿಲ್ಲ.
ರಜೆ ಮುಗಿದು ನಾಳೆ ಕಾಲೇಜು ಪ್ರಾರಂಭವೆನ್ನುವ ಹೊತ್ತಿನಲ್ಲಿ ವಿದ್ಯಾರ್ಥಿನಿಯೊಬ್ಬಳಿಂದ ಫೋನ್. “ಮೇಡಂ, ಆ ದಿನ ಶಿಬಿರದಲ್ಲಿ ವಿದ್ಯಾರ್ಥಿಗಳು ಬಿಟ್ಟು ಹೋಗಿದ್ದ ವಸ್ತುಗಳನ್ನೆಲ್ಲ ಅವರವರಿಗೆ ಮುಟ್ಟಿಸುವ ಜವಾಬ್ದಾರಿ ವಹಿಸಿದ್ರಿ. ಹಣಿಗೆ, ಕನ್ನಡಿ, ಕ್ಲಿಪ್… ಹೀಗೆ ಎಲ್ಲವನ್ನೂ ಯಾರದ್ದೆಂದು ಪತ್ತೆ ಹಚ್ಚಿ ಅವರವರಿಗೆ ಕೊಟ್ಟಿದ್ದೆ. ಅಲ್ಲಿಯೇ ಬಿದ್ದಿದ್ದ ಪರ್ಸ್ ಮಾತ್ರ ಯಾರದ್ದೂ ಅಲ್ಲವೆಂದು ಹೇಳಿದ್ದರಿಂದ ನನ್ನ ಬ್ಯಾಗಿನಲ್ಲಿಯೇ ಉಳಿದಿತ್ತು. ನಾಳೆಯ ಪುಸ್ತಕಗಳನ್ನು ತುಂಬಿಸಲೆಂದು ಇಂದು ಬ್ಯಾಗಿಗೆ ಕೈಹಾಕಿದರೆ ಆ ಪರ್ಸ್ ಸಿಕ್ಕಿತು. ತೆರೆದು ನೋಡಿದರೆ ತುಂಬಾ ಹಣವಿದೆ ಮೇಡಂ. ನಂಗೆ ಭಯವಾಗ್ತಿದೆ! ಏನು ಮಾಡೋದು ಮೇಡಂ?’ ಎಂದು ಆತಂಕದಿಂದ ಕೇಳಿದಳು. “ಅದು ನನ್ನ ಪರ್ಸ್, ನಾಳೆ ಕಾಲೇಜಿಗೆ ತಗೊಂಡು ಬಾ’ ಅಂದೆ.
ಮರುದಿನ ಪರ್ಸ್ ತಂದುಕೊಟ್ಟವಳಿಗೆ-“ಹಣ ಸಿಕ್ಕಿದರೆ ಖುಷಿಯಾಗಬೇಕು, ಭಯವಾದದ್ದು ಯಾಕೆ?’ ಎಂದು ಪ್ರಶ್ನಿಸಿದರೆ, “ಅದು ನನ್ನ ಹಣವಲ್ಲವಲ್ಲ ಮೇಡಂ, ಶಿಬಿರದಲ್ಲಿ ಪ್ರಾಮಾಣಿಕತೆಯ ಪಾಠ ಹೇಳಿದ್ದಿರಿ. ಆ ಪಾಠವನ್ನು ನಾವೇ ಪಾಲಿಸದಿದ್ದರೆ ಹೇಗೆ ಮೇಡಂ?’ ಎಂದಳು. ವರ್ಷದ ಕೊನೆಗೆ ನಡೆದ ಸಮಾರೋಪದಲ್ಲಿ ಈ ಘಟನೆಯನ್ನು ಹೇಳಿ ಅವಳನ್ನು ಸನ್ಮಾನಿಸುವಾಗ ಎಲ್ಲರ ಕಣ್ಣಂಚುಗಳೂ ಒದ್ದೆಯಾಗಿದ್ದವು.
-ಸುಧಾ ಹೆಗಡೆ, ಸರ್ಕಾರಿ ಕಾಲೇಜು, ಉಡುಪಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ದೈವ ನರ್ತಕರಂತೆ ಗುಳಿಗ ದೈವದ ವೇಷ ಭೂಷಣ ಧರಿಸಿ ಕೋಲ ಕಟ್ಟಿದ್ದ ಅನ್ಯ ಸಮಾಜದ ಯುವಕ
ಹಕ್ಕಿಗಳಿಗಾಗಿ ಕಲಾತ್ಮಕ ವಸ್ತುಗಳನ್ನು ತಯಾರಿಸುತ್ತಿರುವ ಪಕ್ಷಿ ಪ್ರೇಮಿ
ಮಂಗಳೂರಿನ ನಿಟ್ಟೆ ವಿಶ್ವವಿದ್ಯಾನಿಲಯದ ತಜ್ಞರ ಅಧ್ಯಯನದಿಂದ ಬಹಿರಂಗ
ಈ ಹೋಟೆಲ್ ಗೆ ಪೂರಿ, ಬನ್ಸ್, ಕಡುಬು ತಿನ್ನಲು ದೂರದೂರುಗಳಿಂದಲೂ ಜನ ಬರುತ್ತಾರೆ
ಹರೀಶ್ ಪೂಂಜ ಪ್ರಚೋದನಾಕಾರಿ ಹೇಳಿಕೆ ವಿರುದ್ಧ ಪ್ರಾಣಿ ಪ್ರಿಯರ ಆಕ್ರೋಶ
ಹೊಸ ಸೇರ್ಪಡೆ
ಗದಗ: ಮಾವು ಬಂಪರ್ ಬೆಳೆ ನಿರೀಕ್ಷೆ- ಬೆಳೆಗಾರರಿಗೆ ಸಂತಸ
Congress; ಡಿನ್ನರ್ ಮೀಟಿಂಗ್ ನಲ್ಲಿ ವಿಶೇಷ ಇಲ್ಲ: ಸಚಿವ ಭೈರತಿ ಸುರೇಶ್
Test Cricket; ರೋಹಿತ್ ಆಯ್ತು, ಈಗ ವಿರಾಟ್..: ಬಿಸಿಸಿಐ ಕಳಿಸಿದ ʼಆʼ ಸಂದೇಶದಲ್ಲಿ ಏನಿದೆ?
Gangolli: ಪಂಚಾಯತ್ನೊಳಗೆ ನಮಾಜ್; ಹಿಂದೂ ಹಿತರಕ್ಷಣಾ ಸಮಿತಿ ಪ್ರತಿಭಟನೆ
Anandpur: ಮುಂದುವರೆದ ಕಾಡಾನೆಗಳ ದಾಳಿ… ಇಲಾಖೆ ವಿರುದ್ಧ ರೈತರ ಆಕ್ರೋಶ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.