ಅಯೋಧ್ಯೆಯಲ್ಲಿನ ಶ್ರೀರಾಮ ಜನ್ಮಭೂಮಿ ಮಂದಿರದ ವಿನ್ಯಾಸ ಹೇಗಿದೆ…ಹಲವು ಚಿತ್ರ ಬಿಡುಗಡೆ

Team Udayavani, Aug 4, 2020, 6:06 PM IST

ಲಕ್ನೋ: ಉತ್ತರಪ್ರದೇಶ ಅಯೋಧ್ಯೆಯಲ್ಲಿ ತಲೆ ಎತ್ತಲಿರುವ ಪ್ರಸ್ತಾವಿತ ಬೃಹತ್ ರಾಮಮಂದಿರದ ಹಲವಾರು ಚಿತ್ರಗಳನ್ನು ಶ್ರೀರಾಮ್ ಜನ್ಮಭೂಮಿ ತೀರ್ಥ ಕ್ಷೇತ್ರ ಮಂಗಳವಾರ ಬಿಡುಗಡೆ ಮಾಡಿದೆ. ಮತ್ತೊಂದೆಡೆ ಅಯೋಧ್ಯೆಯಲ್ಲಿ ಆಗಸ್ಟ್ 5(2020) ನಡೆಯುವ ಭೂಮಿ ಪೂಜೆಗೆ ಕ್ಷಣಗಣನೆ ಆರಂಭವಾಗಿದೆ.

ಸಾಮಾಜಿಕ ಜಾಲತಾಣ ಟ್ವೀಟರ್ ನಲ್ಲಿ ಘೋಷಿಸಿರುವಂತೆ, ಶ್ರೀರಾಮ್ ಜನ್ಮಭೂಮಿ ಮಂದಿರ ಭಾರತೀಯ ಶಿಲ್ಪಕಲೆಗೊಂದು ಅದ್ವಿತೀಯ ಉದಾಹರಣೆಯಾಗಲಿದೆ ಎಂದು ಉಲ್ಲೇಖಿಸಿ, ಪ್ರಸ್ತಾವಿತ ವಿನ್ಯಾಸದ ಹಲವಾರು ಚಿತ್ರಗಳನ್ನು ಹಂಚಿಕೊಂಡಿದೆ.

ಆಗಸ್ಟ್ 5ರಂದು ನಡೆಯಲಿರುವ ಭೂಮಿ ಪೂಜೆಗಾಗಿ ಆಯ್ದ ಗಣ್ಯ ವ್ಯಕ್ತಿಗಳನ್ನು ಮಾತ್ರ ಶ್ರೀ ರಾಮ್ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ ಅಧಿಕಾರಿಗಳು ಆಹ್ವಾನ ನೀಡಿದ್ದಾರೆ. 135 ಸಂತರು, 35 ಧಾರ್ಮಿಕ ಸಂಘಟನೆಗಳ ಮುಖಂಡರು ಸೇರಿ 175 ಗಣ್ಯರನ್ನು ಮಾತ್ರ ಆಹ್ವಾನಿಸಿದೆ.

ದೇಶಾದ್ಯಂತ ಕೋವಿಡ್ 19 ಸೋಂಕು ಕ್ಷಿಪ್ರವಾಗಿ ಹರಡುತ್ತಿರುವ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಉತ್ತರಪ್ರದೇಶ ಸರ್ಕಾರ ತಿಳಿಸಿದೆ.

श्री राम जन्मभूमि मन्दिर विश्व में भारतीय स्थापत्य कला का अनुपम उदाहरण होगा।

जन्मभूमि मन्दिर के प्रस्तावित मॉडल के कुछ चित्र।

Shri Ram Janmbhoomi Mandir will be a unique example of Indian architecture.

Here are some photos of the proposed model.

जय श्री राम! Jai Shri Ram! pic.twitter.com/8kJ4qEYah2

— Shri Ram Janmbhoomi Teerth Kshetra (@ShriRamTeerth) August 4, 2020