BBK11: ನಾಮಿನೇಟ್ ವಿಚಾರದಲ್ಲಿ ಅಸಲಿ ಆಟ ಆಡಿದ ಬಿಗ್ ಬಾಸ್: ಇಕ್ಕಟ್ಟಿನಲ್ಲಿ ಸ್ಪರ್ಧಿಗಳು

Team Udayavani, Nov 11, 2024, 11:05 PM IST

ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ  ಜೋಡಿಗಳಾಗಿ ಸ್ಪರ್ಧಿಗಳು ವಿಂಗಡಣೆ ಆಗಿದ್ದಾರೆ. ಜತೆಯಾಗಿ ಟಾಸ್ಕ್ ಆಡಿದ್ದಾರೆ.

ತನಗೆ ನಾಲಾಯಕ್ ಪಟ್ಟ ಕೊಟ್ಟದ್ದಕ್ಕಾಗಿ ಧರ್ಮ ಅವರು ನನಗೆ ಇದೆಲ್ಲ ತುಂಬಾ ಬೇಜಾರ್ ಆಗುತ್ತದೆ ಎಂದಿದ್ದಾರೆ. ಇದಕ್ಕೆ ಅನುಷಾ ನೀವು ಹೀರೋ ಅಗಿ ಮನೆಗೆ ಬಂದಿದ್ದೀರಿ ಹೀರೋ ಆಗಿರಿ ಎಂದು ಧೈರ್ಯ ತುಂಬಿದ್ದಾರೆ.

ಅನ್ಮ ಹಾಕಿಕೊಳ್ಳುವ ವಿಚಾರದಲ್ಲಿ ಐಶ್ವರ್ಯಾ ಸುರೇಶ್ ನಡುವೆ ಮಾತಿನ ಚಕಮಕಿ ನಡೆದಿದೆ. ನಾನು ಹಾಕಿಕೊಂಡಿದ್ದೆ ಸ್ವಲ್ಪ. ನಾನು ಯಾವತ್ತೂ ಅನ್ನದ ವಿಚಾರದಲ್ಲಿ ಈ ರೀತಿ ‌ನಡೆಸಿಕೊಂಡಿಲ್ಲ ಎಂದು ಐಶ್ವರ್ಯಾ ಹೇಳಿದ್ದಾರೆ.

ಇದಕ್ಕೆ ‌ಮಂಜು ಅವರು ಅನ್ನದ ವಿಚಾರದಲ್ಲಿ ಈ ರೀತಿ ಮಾಡ್ಬೇಡಿ. ಏನೋ ಹಾಕಿಸಿಕೊಳ್ಳುವಾಗ ಸ್ವಲ್ಪ ಜಾಸ್ತಿ ಹಾಕಿಸಿಕೊಂಡರೆ ಏನಾಯಿತು. ಇದು ನೀನ್ ಮನೆಯಲ್ಲಿ ಬೇಯಿಸಿದ ಅನ್ಮ ಅಲ್ಲ ಎಂದು ಮಂಜು ಹೇಳಿದ್ದಾರೆ.

ಕೆಂಪು-ಕಪ್ಪು ಗುಲಾಬಿ ನೀಡುವ ವ್ಯಕ್ತಿತ್ವದ ಆಟ:
ನಂಬಿಕೆಗೆ ಯೋಗ್ಯರಲ್ಲದ ಸದಸ್ಯರಿಗೆ ಕಪ್ಪು ಗುಲಾಬಿ, ನಂಬಿಕೆ ಇರುವವರಿಗೆ ಕೆಂಪು ಗುಲಾಬಿಯನ್ನು ಮನೆಯ ಸದಸ್ಯರು ನೀಡಿದ್ದಾರೆ.

ಚೈತ್ರಾ ಅವರು ಅನುಷಾ ಅವರಿಗೆ ಕೆಂಪು ಗುಲಾಬಿ ನೀಡಿದ್ದಾರೆ. ಕಪಯ ಗುಲಾಬಿಯನ್ನು ಚೈತ್ರಾ ಅವರು ಸುರೇಶ್ ಅವರಿಗೆ ನೀಡಿದ್ದಾರೆ.

ತ್ರಿವಿಕ್ರಮ್ ಅವರಿಗೆ ಸುರೇಶ್ ಕೆಂಪು ಗುಲಾಬಿ ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಚೈತ್ರಾ ಅವರಿಗೆ ನೀಡಿದ್ದಾರೆ.

ಐಶ್ವರ್ಯಾ ಅವರು ಶಿಶಿರ್ ಅವರಿಗೆ ಕೆಂಪು ಗುಲಾಬಿ‌ ನೀಡಿದ್ದು, ಕಪ್ಪು ಗುಲಾಬಿಯನ್ನು ತ್ರಿವಿಕ್ರಮ್ ಅವರಿಗೆ ನೀಡಿದ್ದಾರೆ.

ಗೌತಮಿ ಅವರು ಮಂಜು ಅವರಿಗೆ ಕೆಂಪು ಗುಲಾಬಿ ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಸುರೇಶ್ ಅವರಿಗೆ ನೀಡಿದ್ದಾರೆ.

ಹನುಮಂತು ಅವರು ಧನರಾಜ್ ಅವರಿಗೆ ಕೆಂಪು ಗುಲಾಬಿಯನ್ನು ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಸುರೇಶ್ ಅವರಿಗೆ ‌ನೀಡಿದ್ದಾರೆ.

ಶಿಶಿರ್ ಅವರು ಕೆಂಪು ಗುಲಾಬಿಯನ್ನು  ಐಶ್ವರ್ಯಾ ಅವರಿಗೆ ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು  ಚೈತ್ರಾ ಅವರಿಗೆ ನೀಡಿದ್ದಾರೆ.

ಧನರಾಜ್ ಅವರು ಹನುಮಂತು ಅವರಿಗೆ ಕೆಂಪು ಗುಲಾಬಿಯನ್ನು ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಚೈತ್ರಾ ಅವರಿಗೆ ನೀಡಿದ್ದಾರೆ.

ಧರ್ಮ ಅವರು ಅನುಷಾ ಅವರಿಗೆ ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಸುರೇಶ್ ಅವರಿಗೆ ನೀಡಿದ್ದಾರೆ.

ಮೋಕ್ಷಿತಾ ಅವರು ಗೌತಮಿ ಅವರಿಗೆ ಕೆಂಪು ಗುಲಾಬಿಯನ್ನು ನೀಡಿದ್ದು, ಕಪ್ಪು ಗುಲಾಬಿಯನ್ನು ನೀಡಿದ್ದಾರೆ.

ಅನುಷಾ ಅವರು ಚೈತ್ರಾ ಅವರಿಗೆ ಕೆಂಪು ಗುಲಾಬಿಯನ್ನು ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಸುರೇಶ್ ಅವರಿಗೆ ನೀಡಿದ್ದಾರೆ.

ಭವ್ಯ ಅವರು ಕೆಂಪು ಗುಲಾಬಿಯನ್ನು  ತ್ರಿವಿಕ್ರಮ್ ಅವರಿಗೆ ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಮಂಜು ಅವರಿಗೆ ನೀಡಿದ್ದಾರೆ.

ಮಂಜು ಅವರು ಕೆಂಪು ಗುಲಾಬಿಯನ್ನು  ಗೌತಮಿ ಅವರಿಗೆ ನೀಡಿದ್ದಾರೆ. ಕಪ್ಪು ಗುಲಾಬಿಯನ್ನು ಸುರೇಶ್ ಅವರಿಗೆ ನೀಡಿದ್ದಾರೆ

ತ್ರಿವಿಕ್ರಮ್ ಅವರು ಕೆಂಪು ಗುಲಾಬಿಯನ್ನು ಭವ್ಯ ಅವರಿಗೆ ನೀಡಿದ್ದಾರೆ . ಕಪ್ಪು ಗುಲಾಬಿಯನ್ನು ಸುರೇಶ್ ಅವರಿಗೆ ನೀಡಿದ್ದಾರೆ.

ಅತೀ ಹೆಚ್ಚು ಕಪ್ಪು ಗುಲಾಬಿ ಸುರೇಶ್ ಅವರಿಗೆ ಸಿಕ್ಕಿದೆ. ಅವರಿಗೆ 8 ಕಪ್ಪು ಗುಲಾಬಿ ಸಿಕ್ಕಿದೆ.

ಕಣ್ಣೀರಿಟ್ಟ ಚೈತ್ರಾ:
ಶಿಶಿರ್ ಅಣ್ಣ ನನಗೆ ತುಂಬಾ ಇಷ್ಟ. ನನಗೆ ಯಾರು ತುಂಬಾ ಇಷ್ಟ ಆಗುತ್ತಾರೋ ಅವರೊಂದಿಗೆ ಜಗಳ ಮಾಡುತ್ತೇನೆ ಎಂದು ಚೈತ್ರಾ ಕಣ್ಣೀರು ಇಟ್ಟಿದ್ದಾರೆ.

ಮುನಿಸು ಮರೆತು ಒಂದಾದ ಚೈತ್ರಾ -ಸುರೇಶ್:
ನೀನು ಇಲ್ಲಿಯವರೆಗೆ ಏನೆಲ್ಲ ರೀಸನ್ ಕೊಟ್ಟಿದ್ದೀರೀ ಅದನ್ನೆಲ್ಲ ನಾನು ಮರಿತೀನಿ ಎಂದು ಚೈತ್ರಾ ಹೇಳಿದ್ದು ಸುರೇಶ್ ಕೂಡ ಮರಿತೀನಿ ಎಂದು ಹೇಳಿ ಮುನಿಸು ಮರೆತು ಒಂದಾಗಿದ್ದಾರೆ. ಚೈತ್ರಾ ಅವರು ಸುರೇಶ್ ಅವರಿಗೆ ಕೈ ತುತ್ತು ತಿನ್ನಿಸಿದ್ದಾರೆ.

ಜೋಡಿ ಆಟ ಶುರು:
ಹನುಮಂತು – ಗೌತಮಿ, ಧರ್ಮ – ಐಶ್ವರ್ಯಾ, ಚೈತ್ರಾ – ಶಿಶಿರ್‌, ಮಂಜು – ಭವ್ಯ, ಅನುಷಾ – ಸುರೇಶ್‌, ಮೋಕ್ಷಿತ – ಧನರಾಜ್ ಅವರನ್ನು ಜೋಡಿಗಳಾಗಿ ವಿಂಗಡಿಸಲಾಗಿದೆ.

ಜೋಡಿಗಳಾಗಿ ವಿಂಗಡಣೆಯಾದ ಸ್ಪರ್ಧಿಗಳಿಗೆ ಸೊಂಟ ಪಟ್ಟಿಯನ್ನು ‌ಕಟ್ಟಲಾಗಿದೆ.

ಜೋಡಿಗಳಿಗೆ ಹಾಸ್ಯದ ಚಟುವಟಿಕೆಯೊಂದನ್ನು ನೀಡಲಾಗಿದೆ. ದಿನಸಿ ಸಾಮಗ್ರಿಗಾಗಿ ಜೋಡಿಗಳಿಗೆ‌ ನೀಡಲಾಗಿದೆ.

ಒಟ್ಟು 36 ಪ್ರಶ್ನೆಗಳಲ್ಲಿ ಸ್ಪರ್ಧಿಗಳು ಕೇವಲ 14 ಪ್ರಶ್ನೆಗಳಿಗೆ ಮಾತ್ರ ಉತ್ತರಿಸಿದೆ. ಹಾಗಾಗಿ ಅರ್ಧಕ್ಕಿಂತಲೂ ಕಡಿಮೆ ದಿನಸಿಯನ್ನು ಗಳಿಸಿದೆ.

ನಾಮಿನೇಟ್ ಆದವರು ಯಾರೆಲ್ಲ..
ನೇರವಾಗಿ ನಾಮಿನೇಟ್ ಮಾಡುವ ಕ್ಯಾಪ್ಟನ್ ಅವರ ಅಧಿಕಾರವನ್ನು ತ್ರಿವಿಕ್ರಮ್ ಅವರಿಂದ ಕಿತ್ತುಕೊಳ್ಳಲಾಗಿದೆ. ನಿಯಮದ ಉಲ್ಲಂಘನೆ ಮಾಡಿದ್ದಕ್ಕಾಗಿ ಈ ನಿರ್ಧಾರವನ್ನು ಮಾಡಲಾಗಿದೆ.

ಈ ನಿಟ್ಟಿನಲ್ಲಿ ಒಂದು ಜೋಡಿಯನ್ನು ಸ್ಪರ್ಧಿಗಳು ಬಹಿರಂಗವಾಗಿಯೇ ನಾಮಿನೇಟ್ ‌ಮಾಡುವ ಅಧಿಕಾರವನ್ನು ನೀಡಲಾಗಿದೆ. ಆ ಮೂಲಕ ಸ್ಪರ್ಧಿಗಳನ್ನು ಇಕ್ಕಟ್ಟಿಗೆ ಬಿಗ್ ಬಾಸ್ ಸಿಲುಕಿಸಿದ್ದಾರೆ