‘ವಾರ್’ ಮುಗಿಸಿದ ಬಳಿಕ ‘ಫೈಟರ್’ ಆಗಲು ಮುಂದಾದ ಹೃತಿಕ್

Team Udayavani, Dec 4, 2020, 6:49 PM IST

2019 ರಲ್ಲಿ ತೆರೆ ಕಂಡ ‘ವಾರ್’ ಚಿತ್ರ ಬಾಲಿವುಡ್ ನಲ್ಲಿ ಅತಿ ಹೆಚ್ಚು ಗಳಿಕೆಯ ಚಿತ್ರವಾಗಿ ಗುರುತಿಸಿಕೊಂಡಿತ್ತು

ಮುಂಬೈ: ಬಾಲಿವುಡ್ ನ  ವಾರ್ ಸಿನಿಮಾದ ನಂತರ ನಟ ಹೃತಿಕ್ ರೋಷನ್ ಅವರು ನಿರ್ದೇಶಕ ಸಿದ್ದಾರ್ಥ್ ಆನಂದ್ ಜೊತೆ ಫೈಟ್ ಮಾಡಲು ಮುಂದಾಗಿದ್ದಾರೆ. ಅಂದರೆ ನಟ -ನಿರ್ದೇಶಕರ ಜೊತೆ  ಜಗಳವಾಡುತ್ತಿಲ್ಲ. ಬದಲಾಗಿ ಇವರಿಬ್ಬರೂ ಸೇರಿಕೊಂಡು  ಫೈಟರ್ ಎಂಬ ಹೊಸ ಸಿನೆಮಾ ಮಾಡಲು ಮುಂದಾಗಿದ್ದಾರೆ.

ಈ ಹಿಂದೆ ಹೃತಿಕ್ ರೋಷನ್, ನಿರ್ದೇಶಕ ಸಿದ್ದಾರ್ಥ್ ಆನಂದ್ 2014 ರಲ್ಲಿ ಬ್ಯಾಂಗ್ ಬ್ಯಾಂಗ್ ಸಿನಿಮಾ ಮಾಡಿದ್ದರು. ನಂತರ   2019 ರಲ್ಲಿ ತೆರೆ ಕಂಡ ‘ವಾರ್’ ಚಿತ್ರ ಬಾಲಿವುಡ್ ನಲ್ಲಿ ಅತಿ ಹೆಚ್ಚು ಗಳಿಕೆಯ ಚಿತ್ರವಾಗಿ ಗುರುತಿಸಿಕೊಳ್ಳುವ ಮೂಲಕ ಸೂಪರ್ ಹಿಟ್  ಆಗಿತ್ತು. ಇದೀಗ ಅದೇ ಜೋಡಿ ಮತ್ತೆ ಒಂದಾಗುತ್ತಿದ್ದಾರೆ.

ಇದನ್ನೂ ಓದಿ:ಹುಲಿ ಯೋಜನೆಗೆ ವಿರೋಧ

ಕಳೆದ ಲಾಕ್ ಡೌನ್ ವೇಳೆಯಲ್ಲಿ  ಫೈಟರ್ ಚಿತ್ರಕ್ಕೆ ಸಂಬಂಧಿಸಿದಂತೆ ಸ್ಕ್ರಿಪ್ಟ್ ಕೆಲಸ ಮುಗಿದಿದ್ದು, ಕಥೆಯನ್ನು ಕೇಳಿದ ಹೃತಿಕ್ ಕೂಡಾ  ಈ ಚಿತ್ರದಲ್ಲಿ ನಟಿಸಲು ತುಂಬಾ  ಉತ್ಸುಕರಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಸದ್ಯ ನಿರ್ದೇಶಕ ಸಿದ್ದಾರ್ಥ್ ಆನಂದ್, ಶಾರುಖ್ ಖಾನ್ ಅಭಿನಯಿಸುತ್ತಿರುವ ಪಠಾಣ್ ಚಿತ್ರದ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಮುಗಿದ ನಂತರ ಫೈಟರ್ ಸಿನಿಮಾದ ಶೂಟಿಂಗ್   ಆರಂಭಗೊಳ್ಳಲಿದೆ. ಫೈಟರ್  ಚಿತ್ರದ ಚಿತ್ರೀಕರಣದ ಬಳಿಕ ಹೃತಿಕ್ ಕ್ರಿಶ್ -4 ಚಿತ್ರದಲ್ಲಿ ನಟಿಸಲಿದ್ದಾರೆ ಎಂದು ವರದಿಯಾಗಿದೆ.