Yash ಟಾಕ್ಸಿಕ್‌ ಸಿನಿಮಾ 200 ದಿನಗಳ ಶೂಟಿಂಗ್‌; ಬಹುತೇಕ ಲಂಡನ್ ನಲ್ಲಿ ಚಿತ್ರೀಕರಣ

Team Udayavani, Jun 16, 2024, 9:52 AM IST

200 days of shooting for yash toxic movie

ಯಶ್‌ ನಟನೆಯ ಟಾಕ್ಸಿಕ್‌ ಚಿತ್ರದ ಕುರಿತಾದ ಹೊಸ ಹೊಸ ಸುದ್ದಿಗಳು ಹರಿದಾಡುತ್ತಲೇ ಇರುತ್ತವೆ. ಅದು ಕಲಾವಿದರ ಆಯ್ಕೆಯಿಂದ ಹಿಡಿದು ಸಿನಿಮಾ ಶೂಟಿಂಗ್‌ ವರೆಗೆ… ಸದ್ಯ ಟಾಕ್ಸಿಕ್‌ ಚಿತ್ರದ ಮತ್ತೂಂದು ಅಪ್ಟೇಟ್‌ ಬಂದಿದೆ. ಅದು ಚಿತ್ರೀಕರಣ ಕುರಿತಾದ್ದು.

ಟಾಕ್ಸಿಕ್‌ ಸಿನಿಮಾದ ಶೂಟಿಂಗ್‌ ಬಹುತೇಕ ಶೂಟಿಂಗ್‌ ಲಂಡನ್‌ ನಲ್ಲಿ ನಡೆಯಲಿದ್ದು, ಒಟ್ಟು 200 ದಿನಗಳ ಚಿತ್ರೀಕರಣ ನಡೆಸಲು ತಂಡ ಯೋಜನೆ ಹಾಕಿಕೊಂಡಿದೆಯಂತೆ. ಸದ್ಯ ಬಂದಿರುವ ಅಪ್ಡೇಟ್‌ ಪ್ರಕಾರ, ಲೇಡಿ ಸೂಪರ್‌ ಸ್ಟಾರ್‌ ನಯನತಾರಾ ಯಶ್‌ ಸಹೋದರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಭಾರತ ಹಾಗೂ ಲಂಡನ್‌ ನಲ್ಲಿ ಒಟ್ಟು 200 ದಿನಗಳ ಕಾಲ “ಟಾಕ್ಸಿಕ್‌’ ಚಿತ್ರೀಕರಣ ನಡೆಯಲಿದೆ. ಇದರಲ್ಲಿ ಕನಿಷ್ಠ 150 ದಿನಗಳ ಚಿತ್ರೀಕರಣ ಲಂಡನ್‌ ಸುತ್ತಮುತ್ತ ನಡೆಯಲಿದೆ. ಇದಕ್ಕಾಗಿ ಚಿತ್ರತಂಡದ ಎಲ್ಲರೂ ಲಂಡನ್‌ ಪಯಣ ಬೆಳಸಲಿದೆಯಂತೆ

ಇನ್ನು ಚಿತ್ರದಲ್ಲಿ ಕರೀನಾ ಕಪೂರ್‌, ಶಾರುಖ್‌ ಖಾನ್‌,ಕಿಯಾರಾ ಅಡ್ವಾಣಿ ಮುಂತಾದ ಖ್ಯಾತ ಕಲಾವಿದರು ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬಂದಿದ್ದವು. ಈ ಚಿತ್ರವನ್ನು ಗೀತು ಮೋಹನದಾಸ್‌ ನಿರ್ದೇಶನ ಮಾಡುತ್ತಿದ್ದು, ಕೆವಿಎನ್‌ ಹಾಗೂ ಯಶ್‌ ಅವರ ಮಾನ್‌ಸ್ಟರ್‌ ಮೈಂಡ್‌ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ.

ಕೆಜಿಎಫ್‌ ಸಿನಿಮಾ ನಂತರ ಯಶ್‌ ನಾಯಕರಾಗಿ ನಟಿಸುತ್ತಿರುವ ಸಿನಿಮಾ ಇದಾಗಿದ್ದು, ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಾಗಿದೆ. ಚಿತ್ರದಲ್ಲಿ ಡ್ರಗ್‌ ಮಾಫಿಯಾ ಕಥೆಯ ಜೊತೆಗೆ ಹಲವು ಹೊಸ ಅಂಶಗಳು ಇವೆ ಎನ್ನಲಾಗಿದೆ. ಈ ಚಿತ್ರದಲ್ಲಿ ದೇಶ ವಿದೇಶಗಳ ಖ್ಯಾತ ತಾಂತ್ರಿಕ ವರ್ಗ ಕೆಲಸ ಮಾಡಲಿದೆ.

ಟಾಕ್ಸಿಕ್‌ ಸಿನಿಮಾ ಜತೆಗೆ ಯಶ್‌ ಹಿಂದಿಯ ರಾಮಾಯಣ ಸಿನಿಮಾದಲ್ಲೂ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಈ ಸಿನಿಮಾದ ನಿರ್ಮಾಣದ ಜತೆಗೆ ಚಿತ್ರದಲ್ಲಿ ರಾವಣನ ಪಾತ್ರವನ್ನೂ ಮಾಡುತ್ತಿದ್ದಾರೆ. ಹಾಗಾಗಿ ಬಿಗ್‌ ಬಜೆಟ್‌ನ ಎರಡು ಸಿನಿಮಾದಲ್ಲಿ ರಾಕಿಂಗ್‌ ಸ್ಟಾರ್‌ ಬ್ಯುಸಿಯಾಗಿರುವುದಂತೂ ಸತ್ಯ.