ಮಿತ್ರ ಮಂಡಳಿ ಹೊಸ ಕನಸು

Team Udayavani, Sep 27, 2022, 4:25 PM IST

ಕನ್ನಡದ ಸದಭಿರುಚಿಯ ಸಿನಿಮಾಗಳನ್ನು ಖರೀದಿಸಿ, ಅವುಗಳಿಗೆ ಪ್ರಚಾರವನ್ನೂ ಮಾಡಿ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡುವ ಮೂಲಕ ಆ ನಿರ್ಮಾಪಕರಿಗೆ ಸಾಥ್‌ ನೀಡುವ ಸಂಸ್ಥೆ ಯೊಂದು ಹುಟ್ಟು ಕೊಂಡಿದೆ.  ಅಂದಹಾಗೆ, ಅದು “ಮನೀಶ್‌ ಅಂಡ್‌ ಮಿತ್ರ ಎಂಟರ್‌ಟೈನ್‌’ ಸಂಸ್ಥೆ.

ಇದು ಕನ್ನಡ ಸಿನಿ ಜಗತ್ತಿನಲ್ಲಿ ಆರಂಭಗೊಂಡ ಹೊಸ ಸಂಸ್ಥೆ. ಇದು ಕನ್ನಡದ ಹಾಸ್ಯ ನಟ ಮಿತ್ರ ಅವರ ಸಾರಥ್ಯದಲ್ಲಿ ಉದ್ಯಮಿ ಮನೀಶ್‌ ಮೆಹ್ತಾ ಮತ್ತು ಗೆಳೆಯರು ಸೇರಿ ಮಾಡಿರುವ ಸಂಸ್ಥೆ.

“ಮನೀಶ್‌ ಅಂಡ್‌ ಮಿತ್ರ ಎಂಟರ್‌ಟೈನ್‌ ‘ ಎಂಬ ಬ್ಯಾನರ್‌ ಮೂಲಕ ಸದಭಿರುಚಿಯ ಸಿನಿಮಾಗಳ ರೈಟ್ಸ್‌, ಅವುಗಳ ವಿತರಣೆ, ರಿಲೀಸ್‌ ಹೊಣೆ ಹಾಗು ಸಿನಿಮಾ ನಿರ್ಮಾಣ ಆಗಲಿದೆ. ಪ್ರಮುಖವಾಗಿ ಈ ಸಂಸ್ಥೆಯ ಉದ್ದೇಶ, ಕಂಟೆಂಟ್‌ ಮತ್ತು ಗುಣಮಟ್ಟದ ಸಿನಿಮಾಗಳ ರೈಟ್ಸ್‌ ಪಡೆದು ರಿಲೀಸ್‌ ಮಾಡುವ ಕೆಲಸಕ್ಕೆ ಕೈ ಹಾಕಿದೆ. ತಯಾರಾದ ಚಿತ್ರಗಳು, ತಯಾರಾಗದೆ ಸಮಸ್ಯೆಯಲ್ಲಿರುವ ಸಿನಿಮಾಗಳಿಗೂ ಸಾಥ್‌ ನೀಡುವ ಕೆಲಸ ಈ ಸಂಸ್ಥೆ ಮಾಡಲು ಮುಂದಾಗಿದೆ.

ಈಗಾಗಲೇ ನಾಗತಿಹಳ್ಳಿ ಸಿನಿ ಕ್ರಿಯೇಷನ್ಸ್‌ನಡಿ ತಯಾರಾಗಿರುವ “ಡೈಮಂಡ್‌ ಕ್ರಾಸ್‌’ ಎಂಬ ಆ್ಯಕ್ಷನ್‌ ಸಿನಿಮಾವೊಂದರ ರೈಟ್ಸ್‌ ಪಡೆದು ರಿಲೀಸ್‌ ಮಾಡಲು ಮುಂದಾಗಿದೆ.