ಪುರ್‌ಸೊತ್ತೆ ಇಲ್ಲದ ಪುಕ್ಸಟ್ಟೆ ಲೈಫ್

Team Udayavani, Jan 17, 2019, 10:33 AM IST

ನಟ ಸಂಚಾರಿ ವಿಜಯ್‌ ನಾಯಕರಾಗಿರುವ ‘ಪುಕ್ಸಟ್ಟೆ ಲೈಫ‌ು’ ಚಿತ್ರ ಸಂಕ್ರಾಂತಿ ಹಬ್ಬದಂದು ಸೆಟ್ಟೇರಿದೆ. ಚಿತ್ರದ ಸ್ಕ್ರಿಪ್ಟ್ಗೆ ಪೂಜೆ ಸಲ್ಲಿಸುವ ಮೂಲಕ ಚಿತ್ರದ ಕೆಲಸಗಳಿಗೆ ಚಾಲನೆ ನೀಡಿರುವ ಚಿತ್ರತಂಡ, ಇದೇ ವೇಳೆ ಚಿತ್ರದ ಫ‌ಸ್ಟ್‌ಲುಕ್‌ ಪೋಸ್ಟರ್‌ ಅನ್ನು ಬಿಡುಗಡೆ ಮಾಡಿದೆ. ‘ಪುಕ್ಸಟ್ಟೆ ಲೈಫ‌ು..!’ ಚಿತ್ರಕ್ಕೆ ‘ಪುರ್‌ಸೊತ್ತೆ ಇಲ್ಲಾ…’ ಎಂಬ ಅಡಿಬರಹವಿದ್ದು, ಫೆಬ್ರವರಿ ಮೊದಲ ವಾರದಿಂದ ಚಿತ್ರದ ಚಿತ್ರೀಕರಣ ಆರಂಭವಾಗಲಿದೆ.

ಇನ್ನು ಚಿತ್ರದ ಬಗ್ಗೆ ಮಾತನಾಡುವ ನಟ ಸಂಚಾರಿ ವಿಜಯ್‌, ‘ಇದು ನಮ್ಮ ನಡುವೆಯೇ ಇರುವ ಜನಗಳ ಕಥೆ. ಕೆಲವರು ಯಾವಾಗಲೂ ತುಂಬ ಬ್ಯುಸಿ ಇದ್ದೀನಿ ಅಂತ ಓಡಾಡಿಕೊಂಡಿರುತ್ತಾರೆ. ಆದ್ರೆ ಏನು ಮಾಡುತ್ತಾರೆ, ಅದ್ರಿಂದ ಯಾರಿಗೆ ಪ್ರಯೋಜನ? ಏನೂ ಗೊತ್ತಿರುವುದಿಲ್ಲ. ಅಂತಹ ಜನಕ್ಕೆ ಅನ್ವಯಿಸುವ ಸಬ್ಜೆಕ್ಟ್ ಈ ಚಿತ್ರದಲ್ಲಿದೆ. ಅಂಥ ವ್ಯಕ್ತಿಯೊಬ್ಬನಿಗೆ ದುಡ್ಡಿನ ಆಸೆ ಬಂದ್ರೆ ಜೀವನದಲ್ಲಿ ಏನೆಲ್ಲಾ ಆಗುತ್ತೆ ಅವನು ಯಾವ ಪರಿಸ್ಥಿತಿಗೆ ಹೋಗುತ್ತಾನೆ ಅನ್ನೋದು ಚಿತ್ರ. ಇಡೀ ಚಿತ್ರವನ್ನು ನವಿರಾದ ಹಾಸ್ಯದ ಮೂಲಕ ಹೇಳಲಾಗುತ್ತಿದೆ. ಚಿತ್ರದಲ್ಲಿ ನಾನೊಬ್ಬ ಬಡ ಮಧ್ಯಮ ವರ್ಗದ ಕುಟುಂಬದ ವ್ಯಕ್ತಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದೇನೆ’ ಎನ್ನುತ್ತಾರೆ.

‘ಸರ್ವಸ್ವ ಪ್ರೊಡಕ್ಷನ್ಸ್‌’ ಬ್ಯಾನರ್‌ನಲ್ಲಿ ನಾಗರಾಜ ಸೋಮಯಾಜಿ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಅರವಿಂದ್‌ ಕುಪ್ಲಿಕರ್‌ ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿದ್ದಾರೆ. ಅದ್ವೆ„ತ ಗುರುಮೂರ್ತಿ ಚಿತ್ರದ ಛಾಯಾಗ್ರಹಣ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಚಿತ್ರದುರ್ಗ, ಬೆಂಗಳೂರು, ಮೈಸೂರು, ದಾವಣಗೆರೆ, ಚನ್ನಪಟ್ಟಣ, ಕೋಲಾರ ಸುತ್ತಮುತ್ತ ಸುಮಾರು ನಲವತ್ತು ದಿನಗಳ ಕಾಲ ಚಿತ್ರದ ಚಿತ್ರೀಕರಣ ನಡೆಯಲಿದ್ದು, ಇದೇ ವರ್ಷದ ಕೊನೆಗೆ ‘ಪುಕ್ಸಟ್ಟೆ ಲೈಫ‌ು..!’ ಚಿತ್ರ ತೆರೆಗೆ ಬರುವ ಸಾಧ್ಯತೆ ಇದೆ. ಚಿತ್ರದಲ್ಲಿ ಅಚ್ಯುತ ಕುಮಾರ್‌, ರಂಗಾಯಣ ರಘು, ಮಾತಂಗಿ ಪ್ರಸನ್ನ ಮೊದಲಾದ ಕಲಾವಿದರ ತಾರಾಗಣವಿದೆ.