ಮೈಸೂರಿನ ಶಕ್ತಿಧಾಮದ ಮಕ್ಕಳೊಂದಿಗೆ ಶಿವಣ್ಣ ಖೊ-ಖೋ ಆಟ!

Team Udayavani, Dec 29, 2021, 2:42 PM IST

ಪವರ್‌ಸ್ಟಾರ್‌ ಪುನೀತ್‌ ರಾಜಕುಮಾರ್‌ ಆಶ್ರಯವಾಗಿ ನಿಂತಿದ್ದ ಮೈಸೂರಿನ “ಶಕ್ತಿಧಾಮ’ ಮಕ್ಕಳ ಕೇಂದ್ರಕ್ಕೆ ಇತ್ತೀಚೆಗೆ ನಟ ಶಿವರಾಜಕುಮಾರ್‌ ಭೇಟಿ ನೀಡಿದರು. ಈ ವೇಳೆ “ಶಕ್ತಿಧಾಮ’ದ ಮಕ್ಕಳೊಂದಿಗೆ ಕೆಲ ಸಮಯ ಕಳೆದ ಶಿವರಾಜಕುಮಾರ್‌ ಅಲ್ಲಿನ ಮಕ್ಕಳೊಂದಿಗೆ, ತಾನು ಮಕ್ಕಳಂತೆ ಬೆರೆತು ಖೋ- ಖೋ ಆಟ ಆಡಿದ್ದಾರೆ.

ಅಲ್ಲದೆ ಪುನೀತ್‌ ನಿಧನದ ನಂತರ ಮೊದಲ ಬಾರಿಗೆ “ಶಕ್ತಿಧಾಮ’ಕ್ಕೆ ಭೇಟಿ ನೀಡಿದ ಶಿವರಾಜಕುಮಾರ್‌ ಮಕ್ಕಳಿಗೂ ಧೈರ್ಯ ತುಂಬುವ ಕೆಲಸ ಮಾಡಿದ್ದಾರೆ. ಸದ್ಯ ಶಿವಣ್ಣ ಮಕ್ಕಳ ಜೊತೆ ಖೋ-ಖೋ ಆಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಹೊಸ ಪೋಟೋಶೂಟ್‌ನಲಿ ರಶ್ಮಿಕಾ ಮಿಂಚು!
ಇತ್ತೀಚೆಗಷ್ಟೇ ನಟಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ಅಭಿನಯಿಸಿರುವ “ಪುಷ್ಪ’ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಭರ್ಜರಿಯಾಗಿ ಸೌಂಡ್‌ ಮಾಡುತ್ತಿದೆ. “ಪುಷ್ಪ’ದಲ್ಲಿ ರಶ್ಮಿಕಾ ಅಭಿನಯದ ಬಗ್ಗೆಯೂ ಸೋಶಿಯಲ್‌ ಮೀಡಿಯಾದಲ್ಲಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಇದರ ನಡುವೆಯೇ ಹೊಸದಾಗಿ ಪೋಟೋಶೂಟ್‌ ಮಾಡಿಸಿಕೊಂಡಿರುವ ರಶ್ಮಿಕಾ ಮಂದಣ್ಣ, ತಮ್ಮ ಹೊಸ ಅವತಾರದ ಪೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಈ ಪೋಟೋಶೂಟ್‌ ಪೋಟೋಗಳಲ್ಲಿ ಕಪ್ಪುಬಣ್ಣದ ಸೀರೆಯುಟ್ಟು ಗ್ಲಾಮರಸ್‌ ಆಗಿ ಮಿಂಚಿರುವ ರಶ್ಮಿಕಾ ಮಂದಣ್ಣ, ಸೋಶಿಯಲ್‌ ಮೀಡಿಯಾದಲ್ಲಿ ಮತ್ತೂಮ್ಮೆ ಪಡ್ಡೆಗಳ ನಿದ್ದೆ ಗೆಡಿಸುವ ಪ್ರಯತ್ನ ಮಾಡಿದ್ದಾರೆ. ರಶ್ಮಿಕಾ ಅವರ ಈ ಪೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದ್ದು, ರಶ್ಮಿಕಾ ಫ್ಯಾನ್ಸ್‌ ಅಂತೂ ಈ ಪೋಟೋಗಳಿಗೆ ಫಿದಾ ಆಗಿರುವುದಂತೂ ಸುಳ್ಳಲ್ಲ.