Actor Yash: ಮಗನ ಬರ್ತ್‌ ಡೇಗೆ ಯಶ್‌ ʼಟಗರುʼ ಡ್ಯಾನ್ಸ್..‌ ವಿಡಿಯೋ ಸಖತ್‌ ವೈರಲ್

Team Udayavani, Oct 31, 2024, 11:46 AM IST

ಬೆಂಗಳೂರು: ಚಂದನವನದ ಮುದ್ದಾದ ಜೋಡಿ ರಾಕಿಂಗ್ ಸ್ಟಾರ್ ಯಶ್ (Yash) ಹಾಗೂ ರಾಧಿಕಾ ಪಂಡಿತ್‌‌ (Radhika Pandit) ತಮ್ಮ ಮಗನ 5ನೇ ವರ್ಷದ ಹುಟ್ಟುಹಬ್ಬವನ್ನು ಜೋರಾಗಿಯೇ ಸಂಭ್ರಮಿಸಿದ್ದಾರೆ.

ಯಶ್‌ – ರಾಧಿಕಾ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಪ್ರತಿವರ್ಷ ತಮ್ಮ ಮಕ್ಕಳ ಹುಟ್ಟುಹಬ್ಬಕ್ಕೆ ಎಷ್ಟೇ ಬ್ಯುಸಿಯಿದ್ದರೂ ಬಿಡುವು ಮಾಡಿಕೊಂಡು ಯಶ್‌ – ರಾಧಿಕಾ ಕುಟುಂಬದ ಆತ್ಮೀಯರ ಜತೆ ಸಮಯ ಕಳೆಯುತ್ತಾರೆ.

ಬುಧವಾರ (ಅ.30ರಂದು) ಮಗ ಯಥರ್ವ್​ನ (Yatharva)​ ಹುಟ್ಟುಹಬ್ಬವನ್ನು ದಂಪತಿ ಅದ್ಧೂರಿಯಾಗಿಯೇ ಆಚರಿಸಿಕೊಂಡಿದ್ದಾರೆ. ಕುಟುಂಬದ ಆತ್ಮೀಯರು ಹಾಗೂ ಆಪ್ತ ಗೆಳೆಯರ ಸಮ್ಮುಖದಲ್ಲಿ ಮಗನ ಹುಟ್ಟುಹಬ್ಬಕ್ಕೆ ಕೇಕ್‌ ಕತ್ತರಿಸಿ ಸಂಭ್ರಮಿಸಿದ್ದಾರೆ.

ಈ ವೇಳೆ ಯಶ್‌ ಮಗನ ಬರ್ತ್‌ ಡೇಗೆ ಸಖತ್‌ ಆಗಿಯೇ ಸ್ಟೆಪ್‌ ಹಾಕಿರುವುದು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ʼಟಗರು ಬಂತು ಟಗರುʼ ಹಾಡಿಗೆ ರಾಕಿಂಗ್‌ ಸ್ಟಾರ್‌ ಯಶ್‌ ಸಖತ್‌ ಎನರ್ಜಿಯಿಂದ ಪಕ್ಕಾ ಡ್ಯಾನ್ಸರ್‌ ನಂತೆ ಸ್ಟೆಪ್‌ ಹಾಕಿದ್ದಾರೆ. ರಾಧಿಕಾ ಅವರು ಮಗನನ್ನು ಎತ್ತಿಕೊಂಡು ನಿಂತಲೇ ಡ್ಯಾನ್ಸ್‌ಗೆ ಹೆಜ್ಜೆ ಸೇರಿಸಿದ್ದಾರೆ.‌

Rocking Star @TheNameIsYash bringing all the energy, dancing to Century Star @NimmaShivanna ‘s hit “Tagaru Bantu Tagaru” at Yatharv’s birthday party.
ಅಲ್ಲಿ ನೋಡು ರಾಕಿಂಗ್ ಸ್ಟಾರ್ ಇಲ್ಲಿ ನೋಡು ರಾಕಿಂಗ್ ಸ್ಟಾರ್ 🎉💥😍#YashBoss #Shivanna pic.twitter.com/fyMlRIkvj1

— U (@UppuHuliKara_) October 31, 2024

ಯಶ್‌ ಡ್ಯಾನ್ಸ್‌ ವಿಡಿಯೋ ನೋಡಿ ಅವರ ಅಭಿಮಾನಿಗಳು ʼಸಿಂಪಲ್‌ ಮ್ಯಾನ್‌ʼ ಎಂದು ಕಮೆಂಟ್‌ ಮಾಡಿದ್ದಾರೆ. ಇನ್ನು ಕೆಲವರು ಥೇಟು ಅಪ್ಪು ಅವರ ಡ್ಯಾನ್ಸ್‌ ನೋಡಿದಾಗೆ ಆಯಿತು ಎಂದು ಕಮೆಂಟ್‌ ಮಾಡಿದ್ದಾರೆ.

ಸದ್ಯ ಯಶ್‌ ʼಟಾಕ್ಸಿಕ್‌ʼ ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಮುಂದಿನ ವರ್ಷ ಸಿನಿಮಾ ರಿಲೀಸ್‌ ಆಗುವ ಸಾಧ್ಯತೆಯಿದೆ.