Actress Rachika Suresh:ನಟಿ ರಚಿಕಾ ಈಗ ಮಿಸ್‌ ಇಂಡಿಯಾ ಟೀನ್‌

Team Udayavani, Oct 18, 2023, 5:19 PM IST

ಚಲನಚಿತ್ರ ನಟಿ ರಚಿಕಾ ಸುರೇಶ್‌ ಈಗ ಮಿಸ್‌ ಇಂಡಿಯಾ ಟೀನ್‌-2023 ಕಿರೀಟವನ್ನು ತನ್ನ ಮುಡಿಗೇರಿಸಿಕೊಂಡಿದ್ದಾಳೆ. ಸಿನಿಮಾ ಹಾಗೂ ಮಾಡೆಲಿಂಗ್‌ ಎರಡೂ ಕ್ಷೇತ್ರಗಳಲ್ಲಿ ಗುರುತಿಸಿಕೊಂಡಿರುವ ರಚಿಕಾ ಮೂಲತಃ ಶ್ರವಣಬೆಳಗೊಳದ ರೈತನ ಪುತ್ರಿ.

ಸಿನಿಮಾದ ಜೊತೆ ಮಾಡೆಲಿಂಗ್‌ ನಲ್ಲೂ ಗುರುತಿಸಿಕೊಂಡಿರುವ ನಟಿ ರಚಿಕಾ ಇತ್ತೀಚೆಗೆ ದಿಲ್ಲಿಯ ನೋಯ್ಡಾ ಫಿಲಂಸಿಟಿಯಲ್ಲಿ ನಡೆದ ಈ ಮಿಸ್‌ ಇಂಡಿಯಾ ಟೀನ್‌ ಸೌಂದರ್ಯ ಸ್ಪರ್ಧೆಯ ಕಿರೀಟ ಗೆದ್ದುಬಂದಿದ್ದಾರೆ. ಈ ಮಿಸ್‌ ಇಂಡಿಯಾ ಟೀನ್‌ ಸೌಂದರ್ಯ ಸ್ಪರ್ಧೆಯಲ್ಲಿ ಎಲ್ಲಾ ರಾಜ್ಯಗಳಿಂದ ಸುಮಾರು 18-20 ಜನ ಸ್ಪರ್ಧಾಳುಗಳು ಭಾಗವಹಿಸಿದ್ದರು. ‌

ಇದರಲ್ಲಿ ವೆಸ್ಟರ್ನ್ ಹಾಗೂ ಟ್ರೆಡಿಷನಲ್‌ ವೇರ್‌ ಹೀಗೆ ಮೂರ್ನಾಲ್ಕು ರೌಂಡ್ಸ್ ಗಳಿರುತ್ತವೆ. ಅಲ್ಲದೆ ಪ್ರಶ್ನೋತ್ತರದ ರೌಂಡ್‌ ಕೂಡ ಇರುತ್ತದೆ. ಮಾಡೆಲಿಂಗ್‌ ಜೊತೆಗೆ ಅಭಿನಯವನ್ನೂ ಮುಂದುವರೆಸಿದ್ದಾರೆ.