Actress Tara: ನಟಿ ತಾರಾ ಫೇಸ್‌ಬುಕ್‌ ಖಾತೆ ಹ್ಯಾಕ್‌!

Team Udayavani, Dec 21, 2023, 11:10 AM IST

ಬೆಂಗಳೂರು: ಸೈಬರ್‌ ವಂಚಕರು ನಟಿ ಹಾಗೂ ರಾಜಕಾರಣಿ ತಾರಾ ಅನುರಾಧ ಅವರ ಫೇಸ್‌ಬುಕ್‌ ಖಾತೆ ಹ್ಯಾಕ್‌ ಮಾಡಿರುವುದು ಬೆಳಕಿಗೆ ಬಂದಿದೆ. ಈ ಸಂಬಂಧ ನಟಿ ತಾರಾ ದಕ್ಷಿಣ ವಿಭಾಗದ ಸೆನ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ತಮ್ಮ ಫೇಸ್‌ಬುಕ್‌ ಖಾತೆಯಾದ ತಾರಾ ಅನುರಾಧ ಮತ್ತು ತಾರಾ ಅನುರಾಧವೇಣು ಈ ಎರಡು ಖಾತೆಗಳು ಬಳಕೆಯಲ್ಲಿವೆ. ಈ ಪೈಕಿ ತಾರಾ ಅನುರಾಧವೇಣು ಎಂಬ ಖಾತೆಯನ್ನು ಹೆಚ್ಚು ಬಳಸುತ್ತಿದ್ದೇನೆ. ಈ ಮಧ್ಯೆ ಕೆಲ ದಿನಗಳ ಹಿಂದೆ ಪರಿಚಯಸ್ಥರೊಬ್ಬರು ಕರೆ ಮಾಡಿ, ತಮ್ಮ ಹಳೇ ಖಾತೆಯಲ್ಲಿ ಪೋಸ್ಟ್‌ವೊಂದು ಬಂದಿದ್ದು, ನೋಡುವಂತೆ ಹೇಳಿದರು. ಆ ಪೋಸ್ಟ್‌ ನೋಡಿದಾಗ ಅಚ್ಚರಿಗೊಂಡಿದ್ದೇನೆ. ಈ ಪೋಸ್ಟ್‌ಗೂ ನನಗೂ ಸಂಬಂಧ ಇಲ್ಲ. ಹೀಗಾಗಿ ನನ್ನ ಅಕೌಂಟನ್ನು ಬಳಸಿ ನಕಲಿ ಪೋಸ್ಟ್‌ ಹಾಕಿರಬಹುದು. ಕೂಡಲೇ ಅದನ್ನು ಡಿಲೀಟ್‌ ಮಾಡಿಸಿಕೊಡಬೇಕು ಹಾಗೂ ತಪ್ಪಿತಸ್ಥರ ವಿರುದ್ಧ ಕಾನೂನು ಕ್ರಮಕೈಗೊಳ್ಳುವಂತೆ ತಾರಾ ದೂರಿನಲ್ಲಿ ಕೋರಿದ್ದಾರೆ.

ಈ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಸೆನ್‌ ಠಾಣೆ ಪೊಲೀಸರು ಹೇಳಿದರು.