ಆದಾ ಶರ್ಮಾ ಸೌಂಡ್‌ ಜೋರು!

Team Udayavani, May 12, 2023, 12:07 PM IST

ಸದ್ಯ ಸಖತ್‌ ಸೌಂಡ್‌ ಮಾಡುತ್ತಿರುವ “ದಿ ಕೇರಳ ಸ್ಟೋರಿ’ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿರುವ ಆದಾ ಶರ್ಮಾ ಸುತ್ತ ಎಲ್ಲರ ದೃಷ್ಟಿ ನೆಟ್ಟಿದೆ. ಬಹುಭಾಷಾ ನಟಿಯಾಗಿ ಗುರುತಿಸಿಕೊಂಡಿರುವ ಆದಾ ಶರ್ಮಾ ಕನ್ನಡದಲ್ಲೂ ನಟಿಸಿದ್ದಾರೆ. ಅದು “ರಣವಿಕ್ರಮ’ ಸಿನಿಮಾದಲ್ಲಿ.

ಹೌದು, ಪುನೀತ್‌ ರಾಜ್‌ಕುಮಾರ್‌ ನಾಯಕರಾಗಿರುವ “ರಣವಿಕ್ರಮ’ ಸಿನಿಮಾದಲ್ಲಿ ಆದಾ ಶರ್ಮಾ ನಾಯಕಿ. ಸಿನಿಮಾದ ಜೊತೆ ಜೊತೆಗೆ ಸೋಶಿಯಲ್‌ ಮೀಡಿಯಾದಲ್ಲೂ ಆ್ಯಕ್ಟಿವ್‌ ಆಗಿರುವ ಆದಾ ಈಗ “ದಿ ಕೇರಳ ಸ್ಟೋರಿ’ ಮೂಲಕ ಈಗ ಹೆಚ್ಚು ಸುದ್ದಿಯಲ್ಲಿದ್ದಾರೆ. ಪ್ರಾಣಿಗಳ ರಕ್ಷಣೆಗಾಗಿ ಶ್ರಮಿಸುತ್ತಿರುವ ಹಲವು ಸಂಘಟನೆಗಳ ಜೊತೆ ಆದಾ ಕೈ ಜೋಡಿಸಿದ್ದಾರೆ.

ಇನ್ನು, ಆದಾ ಶರ್ಮಾಗೆ ಈಗ ಹಲವು ಭಾಷೆಗಳಿಂದ ಭರ್ಜರಿ ಆಫ‌ರ್‌ಗಳು ಬರುತ್ತಿದ್ದು, ಕನ್ನಡ ಚಿತ್ರರಂಗದ ಕೆಲವು ಬಿಗ್‌ ಬಜೆಟ್‌ ಸಿನಿಮಾಗಳಿಂದಲೂ ಆಫ‌ರ್‌ ಬಂದಿದೆ ಎನ್ನಲಾಗಿದೆ.