‘ಡ್ರೈವರ್‌ ಜಮುನಾ’ ಟ್ರೇಲರ್‌ ರಿಲೀಸ್‌

Team Udayavani, Jul 10, 2022, 3:40 PM IST

ಬಹುಭಾಷೆಗಳಲ್ಲಿ ತೆರೆಗೆ ಬರುತ್ತಿರುವ “ಡ್ರೈವರ್‌ ಜಮುನಾ’ ಸಿನಿಮಾದ ಮೊದಲ ಟ್ರೇಲರ್‌ ಇತ್ತೀಚೆಗೆ ಹೊರಬಂದಿದೆ. ಬಹುಭಾಷಾ ನಟ ಕಿಶೋರ್‌ ಕನ್ನಡದಲ್ಲಿ “ಡ್ರೈವರ್‌ ಜಮುನಾ’ ಟ್ರೇಲರ್‌ ಬಿಡುಗಡೆಗೊಳಿಸಿದ್ದಾರೆ.

ನಾಯಕಿ ಪ್ರಧಾನ ಕಥಾಹಂದರ ಹೊಂದಿರುವ “ಡ್ರೈವರ್‌ ಜಮುನಾ’ ಸಿನಿಮಾದಲ್ಲಿ ಐಶ್ವರ್ಯಾ ರಾಜೇಶ್‌ ಮುಖ್ಯಭೂಮಿಕೆಯಲ್ಲಿ ಕ್ಯಾಬ್‌ ಡ್ರೈವರ್‌ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಹೆಣ್ಣು ಡ್ರೈವರ್‌ ವೃತ್ತಿಗೆ ಇಳಿದಾಗ ಆಕೆ ಎದುರಿಸುವ ಸವಾಲುಗಳನ್ನು ಇಡೀ ಟ್ರೇಲರ್‌ನಲ್ಲಿ ಕಟ್ಟಿಕೊಡಲಾಗಿದೆ.

ತಮಿಳಿನ “ವತ್ತಿಕುಚ್ಚಿ’ ಸಿನಿಮಾದ ಖ್ಯಾತಿಯ ಪಾ. ಕನ್ಸ್‌ಲಿನ್‌ ನಿರ್ದೇಶನಲ್ಲಿ ಮೂಡಿಬಂದಿರುವ “ಡ್ರೈವರ್‌ ಜಮುನಾ’ ಸಿನಿಮಾದಲ್ಲಿ ಐಶ್ವರ್ಯಾ ರಾಜೇಶ್‌ ಅವರೊಂದಿಗೆ ಆಡುಕಳಂ ನರೇನ್‌, ಶ್ರೀರಂಜನಿ, ಸ್ಟಾಂಡ್‌ ಅಪ್‌ ಕಾಮಿಡಿಯನ್‌ ಅಭಿಷೇಕ್‌, ಪಾಂಡಿಯನ್‌, ಕವಿತಾ ಭಾರತಿ, ಮಣಿಕಂಠನ್‌, ರಾಜೇಶ್‌ ಮೊದಲಾದವರು ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

“ಡ್ರೈವರ್‌ ಜಮುನಾ’ ಸಿನಿಮಾಕ್ಕೆ ಗೋಕುಲ್‌ ಬೆನೊಯ್‌ ಛಾಯಾಗ್ರಹಣ, ಗಿಬ್ರಾನ್‌ ಸಂಗೀತ ಸಂಜೋಜನೆಯಿದ್ದು, ಎಸ್‌. ಪಿ. ಚೌಧರಿ ಈ ಸಿನಿಮಾಕ್ಕೆ ಬಂಡವಾಳ ಹೂಡಿ ನಿರ್ಮಿಸಿದ್ದಾರೆ.