‘ಯುದ್ಧಕಾಂಡ’ದಲ್ಲಿ ಅರ್ಚನಾ ಜೋಯಿಸ್‌

Team Udayavani, May 15, 2023, 2:34 PM IST

ಅಜೇಯ್‌ ರಾವ್‌ ನಾಯಕರಾಗಿರುವ “ಯುದ್ಧಕಾಂಡ’ ಚಿತ್ರ ಆರಂಭವಾಗಿರೋದು ನಿಮಗೆ ಗೊತ್ತಿರಬಹುದು. ಈಗ ತಂಡಕ್ಕೆ ಅರ್ಚನಾ ಜೋಯಿಸ್‌ ಸೇರಿಕೊಂಡಿದ್ದಾರೆ. “ಕೆಜಿಎಫ್’ ಸಿನಿಮಾದ ತಾಯಿ ಪಾತ್ರದ ಮೂಲಕ ಬೆಳಕಿಗೆ ಬಂದ ಅರ್ಚನಾಗೆ “ಯುದ್ಧಕಾಂಡ’ದಲ್ಲಿ ಪ್ರಮುಖ ಪಾತ್ರವಿದೆಯಂತೆ. ಈ ಹಿಂದೆ “ಕಟಿಂಗ್‌ ಶಾಪ್‌’ ಸಿನಿಮಾವನ್ನು ನಿರ್ದೇಶಿಸಿದ್ದ ಪವನ್‌ ಭಟ್‌ “ಯುದ್ಧಕಾಂಡ’ ಸಿನಿಮಾಕ್ಕೆ ಆ್ಯಕ್ಷನ್‌-ಕಟ್‌ ಹೇಳುತ್ತಿದ್ದಾರೆ. “ಶ್ರೀಕೃಷ್ಣ ಆರ್ಟ್ಸ್ ಅಂಡ್‌ ಕ್ರಿಯೇಷನ್ಸ್‌’ ಮತ್ತು “ಅಜಯ್‌ ರಾವ್‌ ಪ್ರೊಡಕ್ಷನ್ಸ್‌’ ನಡಿ ನಿರ್ಮಾಣವಾಗುತ್ತಿರುವ “ಯುದ್ಧಕಾಂಡ’ ಸಿನಿಮಾಕ್ಕೆ ಕಾರ್ತಿಕ್‌ ಶರ್ಮಾ ಛಾಯಾಗ್ರಹಣ, ಕೆ. ಬಿ. ಪ್ರವೀಣ್‌ ಸಂಗೀತ ನಿರ್ದೇಶನವಿದೆ.

“ಯುದ್ಧಕಾಂಡ’ ಎಂದಾಗ ಎಲ್ಲರಿಗೂ ರವಿಚಂದ್ರನ್‌ ಅವರ ಸಿನಿಮಾ ನೆನಪಾಗುತ್ತದೆ. ಆ ಸಿನಿಮಾದ ನಿರ್ದೇಶಕರಾದ ಕೆ. ವಿ ರಾಜು ಅವರ ಜೊತೆ ನಾನು ಅಸಿಸ್ಟೆಂಟ್‌ ಡೈರೆಕ್ಟರ್‌ ಆಗಿ ಕೆಲಸ ಮಾಡಿದ್ದೇನೆ. ಈ ಸಿನಿಮಾ ಲಾಂಚ್‌ ಮಾಡೋವಾಗ ಮೊದಲು ರವಿಚಂದ್ರನ್‌ ಅವರನ್ನು ಭೇಟಿ ಮಾಡಿ ಆಶೀರ್ವಾದ ತೆಗೆದುಕೊಂಡು ಬಂದೆ. ಹಾಗಂತ, ಆಗ ಬಂದ “ಯುದ್ಧಕಾಂಡ’ಕ್ಕೂ ಈಗ ಬರುತ್ತಿರುವ “ಯುದ್ಧಕಾಂಡ’ ಸಿನಿಮಾಕ್ಕೂ ಯಾವುದೇ ಸಂಬಂಧ ಇಲ್ಲ. ಇದು ಯಾವುದೇ ಸಿನಿಮಾದ ರಿಮೇಕ್‌ ಕೂಡ ಅಲ್ಲ’ ಎಂದು ಈ ಹಿಂದೆಯೇ ಅಜೇಯ್‌ ರಾವ್‌ ಹೇಳಿಕೊಂಡಿದ್ದಾರೆ.

ಈ ಹಿಂದೆ “ಕಟಿಂಗ್‌ ಶಾಪ್‌’ ಸಿನಿಮಾವನ್ನು ನಿರ್ದೇಶಿಸಿದ್ದ ಪವನ್‌ ಭಟ್‌ “ಯುದ್ಧಕಾಂಡ’ ಸಿನಿಮಾಕ್ಕೆ ಆ್ಯಕ್ಷನ್‌-ಕಟ್‌ ಹೇಳುತ್ತಿದ್ದಾರೆ. “ಶ್ರೀಕೃಷ್ಣ ಆರ್ಟ್ಸ್ ಅಂಡ್‌ ಕ್ರಿಯೇಷನ್ಸ್‌’ ಮತ್ತು “ಅಜಯ್‌ ರಾವ್‌ ಪ್ರೊಡಕ್ಷನ್ಸ್‌’ ನಡಿ ನಿರ್ಮಾಣವಾಗುತ್ತಿರುವ “ಯುದ್ಧಕಾಂಡ’ ಸಿನಿಮಾಕ್ಕೆ ಕಾರ್ತಿಕ್‌ ಶರ್ಮಾ ಛಾಯಾಗ್ರಹಣ, ಕೆ. ಬಿ. ಪ್ರವೀಣ್‌ ಸಂಗೀತ ನಿರ್ದೇಶನವಿದೆ.