Kannada Cinema: ಗ್ರಾಮೀಣ ಸೊಗಡಿನ ‘ಆತ್ಮ ತಲ್ಲಣ’

Team Udayavani, Dec 26, 2023, 4:10 PM IST

ಹೊಸಬರ “ಆತ್ಮ ತಲ್ಲಣ’ ಎಂಬ ಚಿತ್ರವೊಂದು ತಯಾರಾಗಿದೆ. ಎಸ್‌.ಪಿ.ಕೃಷ್ಣ ನಿರ್ಮಾಣದ ಜೊತೆಗೆ ನಿರ್ದೇಶನ ಮಾಡುತ್ತಿದ್ದಾರೆ. ಪ್ರತಿ ಹೃದಯದಲ್ಲೂ ಭಯ ಸಂಚಲನ ಎಂದು ಅಡಿಬರಹದಲ್ಲಿ ಹೇಳಿಕೊಂಡಿದೆ ಚಿತ್ರತಂಡ.

ಹಳ್ಳಿ ಹಿನ್ನೆಲೆಯಲ್ಲಿ ಸಾಗುವ ಸಿನಿಮಾದಲ್ಲಿ ಜಾಗದಲ್ಲಿ ನಿಧಿ ಸಿಗುವ ಮೂಲಕ ಕಥೆ ಹೊಸ ತಿರುವು ಪಡೆದುಕೊಳ್ಳುತ್ತದೆ. ಈ ಹಂತದಲ್ಲಿ ಕೊಲೆಯೂ ನಡೆಯುತ್ತದೆ. ಹೀಗೆ ಸಾಗುವ ಕಥೆ ಪ್ರೇಕ್ಷಕರಿಗೆ ಇಷ್ಟವಾಗುತ್ತದೆ ಎಂಬ ವಿಶ್ವಾಸ ಚಿತ್ರತಂಡಕ್ಕಿದೆ.

ರಂಗಭೂಮಿ ಹಾಗೂ ಕೆಲವೊಂದು ಕಿರುಚಿತ್ರಗಳಲ್ಲಿ ಅಭಿನಯಿಸಿರುವ ಆದಿಕೇಶವರೆಡ್ಡಿ ಈ ಚಿತ್ರದ ನಾಯಕ. ಲಾವಣ್ಯ ನಾಯಕಿ. ಉಳಿದಂತೆ ಕೃಷ್ಣಪ್ಪ, ಮನಿ, ರೋಹಿತ್‌, ರಾಧಾ ಮುಂತಾದವರು ನಟಿಸಿದ್ದಾರೆ. ಚಿತ್ರಕ್ಕೆ ಶ್ರೀನಿಧಿ ಕೊಪ್ಪ ಸಂಗೀತ, ಸದಾಶಿವ ಛಾಯಾಗ್ರಹಣ , ರೋಲ್ಕಟ್‌ ಮೀಡಿಯಾ ಹೌಸ್‌ ಸಂಕಲನ , ಜಾಕಿಸೋಮು ಸಾಹಸ, ಜಗ್ಗು ನೃತ್ಯ ಇದೆ.

ಮೈಸೂರು, ನಂಜನಗೂಡು ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಯು/ಎ ಪ್ರಮಾಣ ಪಡೆದುಕೊಂಡಿರುವ ಸಿನಿಮಾವು ಶೀಘ್ರದಲ್ಲಿ ತೆರೆಕಾಣಲಿದೆ