Bagheera: 3ನೇ ದಿನವೂ ಮುಂದುವರೆದ ʼಬಘೀರʼ ಬಾಕ್ಸಾಫೀಸ್‌ ಓಟ; ಗಳಿಸಿದ್ದೆಷ್ಟು?

Team Udayavani, Nov 3, 2024, 6:18 PM IST

ಬೆಂಗಳೂರು: ರೋರಿಂಗ್‌ ಸ್ಟಾರ್‌ ಶ್ರೀಮುರಳಿ (Sri Murali) ʼಬಘೀರʼ (Bagheera) ಮೂಲಕ ಜೋರಾಗಿಯೇ ಅಬ್ಬರಿಸುತ್ತಿದ್ದಾರೆ. ಅವರ ಆರ್ಭಟ ಕರ್ನಾಟಕ ಮಾತ್ರವಲ್ಲದೆ ಆಂಧ್ರ, ತಮಿಳುನಾಡಿನ ಬಾಕ್ಸಾಫೀಸ್‌ನಲ್ಲಿ ಸೌಂಡ್‌ ಮಾಡಿದೆ.

ಶ್ರೀಮುರಳಿ ಅವರ ಡಬಲ್‌ ಶೇಡ್‌ ಕ್ಯಾರೆಕ್ಟರ್‌ ನೋಡಿ ಜನ ಫಿದಾ ಆಗಿದ್ದಾರೆ. ಮುಖಕ್ಕೆ ಮಾಸ್ಕ್‌ ಹಾಕಿಕೊಂಡು ದುಷ್ಟರನ್ನು ಸಂಹಾರಗೈಯುವ ʼಬಘೀರʼ ಬಾಕ್ಸ್‌ ಆಫೀಸ್‌ಗಳಿಕೆಯಲ್ಲಿ ಮೂರು ದಿನ ಕಳೆದರೂ ಹಿಂದೆ ಬಿದ್ದಿಲ್ಲ.

ಇದನ್ನೂ ಓದಿ:  BBK11: ಬಿಗ್‌ಬಾಸ್‌ ಆಟ ನಿಲ್ಲಿಸಿದ ಖ್ಯಾತ ಸ್ಪರ್ಧಿ.. ಈ ವಾರ ಆಚೆ ಬರುವುದು ಇವರೇ

ಅಕ್ಟೋಬರ್‌ 31 ರಿಲೀಸ್‌ ಆದ ಸಿನಿಮಾ 3 ದಿನದಲ್ಲಿ ಭರ್ಜರಿ ಕಲೆಕ್ಷನ್‌ ಮಾಡಿದೆ. ಡಾ. ಸೂರಿ ನಿರ್ದೇಶನ, ಪ್ರಶಾಂತ್‌ ನೀಲ್‌ ಕಥೆ ಹಾಗೂ ಹೊಂಬಾಳೆ ಫಿಲ್ಮ್ಸ್‌ ನಿರ್ಮಾಣದಲ್ಲಿ ಬಂದಿರುವ ʼಬಘೀರʼ ವೀಕೆಂಡ್‌ನಲ್ಲಿ ಸಖತ್‌ ಕಮಾಯಿ ಮಾಡುವ ನಿರೀಕ್ಷೆಯಿದೆ.

ಶನಿವಾರ (ನ.2ರಂದು) 3.5 ಕೋಟಿ ರೂ.ಗಳಿಸಿದೆ ಎಂದು Sacnilk ವರದಿ ಮಾಡಿದೆ. ಮೂರು ದಿನಗಳ ಒಟ್ಟು ಲೆಕ್ಕಚಾರವನ್ನು ಗಮನ ಹರಿಸಿದರೆ, ಮೊದಲ ದಿನ – 3.25 ಕೋಟಿ ರೂ. ಎರಡನೇ ದಿನ – 3.30 ಕೋಟಿ ರೂ. ಮೂರನೇ ದಿನ – 3.50 ಕೋಟಿ ರೂ. ಗಳಿಸಿದ್ದು ಒಟ್ಟು ಇದುವರೆಗೆ 10.05 ಕೋಟಿ ರೂಪಾಯಿ ಕಲೆಕ್ಷನ್‌ ಮಾಡಿದೆ.

ಟಾಲಿವುಡ್‌ ವಲಯದಲ್ಲಿ ʼಬಘೀರʼ ಬಗ್ಗೆ ನೆಗೆಟಿವ್‌ ಪ್ರಚಾರ ಮಾಡಿದ್ದಾರೆ ಎನ್ನುವ ಮಾತು ಕೇಳಿಬಂದಿತ್ತು.  ಟಾಲಿವುಡ್‌ ಬಾಕ್ಸ್‌ ಆಫೀಸ್‌ ನಲ್ಲಿ ಮೊದಲ 3 ದಿನದಲ್ಲಿ ಸಿನಿಮಾ 1.20 ಕೋಟಿ ರೂ. ಗಳಿಸಿದೆ ಎಂದು Sacnilk ವರದಿ ಮಾಡಿದೆ.

ಮೊದಲ ವಾರ ʼಬಘೀರʼ  20-25 ಕೋಟಿ ಗಳಿಸುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ.

ʼಬಘೀರʼದಲ್ಲಿ ರುಕ್ಮಿಣಿ ವಸಂತ, ಸುಧಾರಾಣಿ, ಪ್ರಮೋದ ಶೆಟ್ಟಿ, ಗರುಡ ರಾಮ್‌, ಪ್ರಕಾಶ್‌ ರೈ ಸೇರಿದಂತೆ ಅನೇಕರು ನಟಿಸಿದ್ದಾರೆ.