ನಾಲ್ಕನೇ ಬಾರಿ ಒಂದಾಗುತ್ತಿರುವ ಭಜರಂಗಿ ಜೋಡಿ

Team Udayavani, Aug 6, 2020, 8:53 AM IST

ಕೆಲವೇ ಕಾಂಬಿನೇಶನ್‌ಗಳು ಹಿಟ್‌ ಆಗುವ ಮೂಲಕ ಮತ್ತೆ ಮತ್ತೆ ಸಿನಿಮಾ ಮಾಡುತ್ತಲೇ ಇರುತ್ತವೆ. ಅದು ಹೀರೋ-ಹೀರೋಯಿನ್‌ ಇರಬಹುದು, ನಿರ್ಮಾಪಕ, ನಿರ್ದೇಶಕ ಇರಬಹುದು ಅಥವಾ ಹೀರೋ- ಡೈರೆಕ್ಟರ್‌ ಇರಬಹುದು… ಈಗ ಯಾಕೆ ಈ ವಿಚಾರ ಎಂದು ನೀವು ಕೇಳಬಹುದು. ಅದಕ್ಕೆ ಉತ್ತರ ಶಿವರಾಜ್‌ಕುಮಾರ್‌ ಹಾಗೂ ಹರ್ಷ ಜೋಡಿ. ಹೌದು, “ಭಜರಂಗಿ’ ಚಿತ್ರದ ಮೂಲಕ ಒಂದಾದ ಈ ಜೋಡಿ ಈಗಾಗಲೇ ಮೂರು ಸಿನಿಮಾಗಳನ್ನು ಮಾಡಿದೆ.
ಈಗ ನಾಲ್ಕನೇ ಸಿನಿಮಾಕ್ಕೆ ಸಿದ್ಧವಾಗುತ್ತಿದೆ. ಹೌದು, ಶಿವರಾಜ್‌ ಕುಮಾರ್‌ ಹಾಗೂ ಹರ್ಷ ಈಗ ಮತ್ತೂಂದು ಸಿನಿಮಾಕ್ಕೆ ಒಟ್ಟಾಗುತ್ತಿದ್ದಾರೆ.

ಈಗಾಗಲೇ ಶಿವಣ್ಣ ಹಾಗೂ ಹರ್ಷ ಕಾಂಬಿನೇಶನ್‌ ನಲ್ಲಿ “ಭಜರಂಗಿ’, “ವಜ್ರಕಾಯ’ ಸಿನಿಮಾಗಳು ಬಂದಿವೆ. ಸದ್ಯ “ಭಜರಂಗಿ-2′ ಚಿತ್ರೀಕರಣ ನಡೆಯುತ್ತಿದೆ. ಇದರ ನಡುವೆಯೇ ಈ ಜೋಡಿ ನಾಲ್ಕನೇ ಸಿನಿಮಾಕ್ಕೆ ಒಂದಾಗುತ್ತಿದೆ. ಅಪೋ›ಡೈಟ್‌ ರಿನೈಸಾನ್ಸ್‌ ಟಾಕೀಸ್‌ ಪ್ರೈ.ಲಿ.ಬ್ಯಾನರ್‌ನಡಿ ನಿರ್ಮಾಣವಾಗುತ್ತಿರುವ
ಸಿನಿಮಾದಲ್ಲಿ ಈ ಜೋಡಿ ಮತ್ತೆ ಒಂದಾಗುತ್ತಿದೆ. ಈ ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ಹರ್ಷ, “ನಾವು ಮತ್ತೂಮ್ಮೆ ಜೊತೆಯಾಗಿ ಸಿನಿಮಾ ಮಾಡುತ್ತಿ ರೋದು ನಿಜ. ಆದರೆ, ಯಾವಾಗ ಸಿನಿಮಾ ಶುರುವಾಗುತ್ತದೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಸದ್ಯ ನಾವು “ಭಜರಂಗಿ-2′ ಚಿತ್ರೀಕರಣಕ್ಕೆ ತಯಾರಾಗುತ್ತಿದ್ದೇವೆ.
ಆದರೆ ಒಂದು ನಾವು ಮಾಡುತ್ತಿರುವ ನಾಲ್ಕನೇ ಸಿನಿಮಾ ಈ ಹಿಂದಿನ ಮೂರು ಕಥೆಗಳಿಗಿಂತ ಭಿನ್ನವಾಗಿರ ಲಿದೆ’ ಎನ್ನುತ್ತಾರೆ ಹರ್ಷ.