ಮಯೂರಿ “ಮೌನರಾಗ’ ಬೋಲ್ಡ್‌ ಆ್ಯಂಡ್‌ ಬ್ಯೂಟಿ

Team Udayavani, Feb 20, 2020, 7:00 AM IST

ನಟಿ ಮಯೂರಿ ಅಭಿನಯದ “ಮೌನಂ’ ಈ ವಾರ ತೆರೆ ಕಾಣುತ್ತಿರುವುದು ಗೊತ್ತೇ ಇದೆ. ಈ ಚಿತ್ರದ ವಿಶೇಷ ಅಂದರೆ, ಇದೇ ಮೊದಲ ಸಲ ಮಯೂರಿ ಅವರು ತುಂಬಾನೇ ಬೋಲ್ಡ್‌ ಪಾತ್ರದಲ್ಲಿ ಮಿಂಚಿದ್ದಾರೆ. ಆ ಪಾತ್ರವನ್ನು ವಿವರಿಸುವುದಾದರೆ, ದೃಶ್ಯಕ್ಕನುಗುಣವಾಗಿ ಮಯೂರಿ ಅವರು ಧಮ್‌ ಕೂಡ ಎಳೆದಿದ್ದಾರೆ. ಅದೊಂದು ರೀತಿಯ ಟಾಮ್‌ ಬಾಯ್‌ ಲುಕ್‌ ಇರುವಂತಹ ಪಾತ್ರ.

ಅವರಿಲ್ಲಿ ಡಬಲ್‌ ಶೇಡ್‌ ಪಾತ್ರ ನಿರ್ವಹಿಸಿರುವುದು ಇನ್ನೊಂದು ವಿಶೇಷ. ಅಂದಹಾಗೆ, ಮಯೂರಿ ಯಾಕೆ, ಧಮ್‌ ಎಳೆಯುತ್ತಾರೆ, ಟಾಮ್‌ ಬಾಯ್‌ ಆಗಿ ಕಾಣಿಸಿಕೊಂಡಿರುವುದೇಕೆ ಎಂಬ ಕುತೂಹಲಕ್ಕೆ ಸಿನಿಮಾ ನೋಡಬೇಕೆಂಬುದು ನಿರ್ದೇಶಕ ರಾಜ್‌ ಪಂಡಿತ್‌ ಮಾತು. ಇನ್ನು ಚಿತ್ರಕ್ಕೆ ನಿರ್ದೇಶಕರೇ ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆ ಬರೆದಿದ್ದಾರೆ.

ಚಿತ್ರದಲ್ಲಿ ತಂದೆ ಹಾಗು ಮಗಳ ಬಾಂಧವ್ಯ ಹೈಲೈಟ್‌ ಆಗಿದೆ. ಮಯೂರಿ ಅವರು ಈವರೆಗೆ ಕಾಣಿಸಿಕೊಂಡ ಪಾತ್ರಗಳೇ ಬೇರೆ, “ಮೌನಂ’ ಮೂಲಕ ಕಾಣಿಸಿಕೊಳ್ಳುತ್ತಿರುವ ಪಾತ್ರವೇ ಬೇರೆ. ಚಿತ್ರ ನೋಡಿದವರಿಗೆ ಮಯೂರಿ ಹೀಗೂ ಕಾಣಾ¤ರಾ ಎನ್ನುವಷ್ಟರ ಮಟ್ಟಿಗೆ ಬೋಲ್ಡ್‌ ಪಾತ್ರವಿದೆಯಂತೆ. ಇನ್ನು, ನಿಹಾರಿಕಾ ಮೂವೀಸ್‌ ಬ್ಯಾನರ್‌ನಲ್ಲಿ ಶ್ರೀಹರಿ ಚಿತ್ರ ನಿರ್ಮಿಸಿದ್ದಾರೆ.

ಚಿತ್ರಕ್ಕೆ ಯು/ಎ ಪ್ರಮಾಣ ಪತ್ರ ಸಿಕ್ಕಿದೆ. ಶಂಕರ್‌ ಕ್ಯಾಮೆರಾ ಹಿಡಿದರೆ, ಆರವ್‌ ರಿಶಿಕ್‌ ಸಂಗೀತವಿದೆ. ಗುರುಮೂರ್ತಿ ಹೆಗಡೆ ಸಂಕಲನ, ಕೌರವ ವೆಂಕಟೇಶ್‌, ಅಲ್ಟಿಮೇಟ್‌ ಶಿವು ಸಾಹಸವಿದೆ. ಆಕಾಶ್‌ ಎಸ್‌., ಸಾಹಿತ್ಯ ಬರೆದಿದ್ದಾರೆ. ಚಿತ್ರದಲ್ಲಿ ಅವಿನಾಶ್‌, ಬಾಲಾಜಿ ಶರ್ಮ, ಹನುಮಂತೇಗೌಡ, ರಿತೇಶ್‌, ಕೆಂಪೇಗೌಡ, ಗುಣವಂತ ಮಂಜು, ನಯನಾ, ಸಿಂಚನಾ, ಮಂಜುಳಾ ರೆಡ್ಡಿ ಇತರರು ನಟಿಸಿದ್ದಾರೆ.