BTS Kannada Movie: ತೆರೆ ಹಿಂದಿನ ಕಥೆಗಳ ಬಿಟಿಎಸ್‌

Team Udayavani, Nov 6, 2024, 1:38 PM IST

ಬಿಟಿಎಸ್‌ ಎಂಬ ಹೊಸಬರ ಸಿನಿಮಾವೊಂದು ನ.8ರಂದು ತೆರೆಕಾಣುತ್ತಿದೆ. ಐವರು ಯುವ ಸಿನಿಮೋತ್ಸಾಹಿಗಳ ಹೊಸ ಪ್ರಯತ್ನವೇ “ಬಿಟಿಎಸ್‌’.

“ಬಿಟಿಎಸ್‌’ ಎಂದರೆ “ಬಿಹೈಂಡ್‌ ದಿ ಸೀನ್ಸ್‌’ ಎಂದರ್ಥ.ಇಡೀ ಸಿನಿಮಾದ ಥೀಮ್‌, ತೆರೆಯ ಹಿಂದಿನ ಕಥೆಗಳು. ಹೀಗಾಗಿ ಈ ಚಿತ್ರಕ್ಕೆ ಈ ಟೈಟಲ್‌ ಇಡಲಾಗಿದೆ. ಈಗಾಗಲೇ “ಬಿಟಿಎಸ್‌’ ಟ್ರೇಲರ್‌ ರಿಲೀಸ್‌ ಆಗಿದ್ದು, ಹೊಸಬರ ಪ್ರಯತ್ನ ಗಮನ ಸೆಳೆಯುತ್ತಿದೆ.

ಈ ಕಾಲದ ನಿರ್ದೇಶಕರ ಐದು ಕಥೆಗಳು ಈ ಸಿನಿಮಾದಲ್ಲಿವೆ. ಸಿನಿಮಾ ಬಿಡುಗಡೆ ಹಿನ್ನೆಲೆಯಲ್ಲಿ ಚಿತ್ರತಂಡ ವಿಭಿನ್ನ ಪ್ರಚಾರ ನಡೆಸುತ್ತಿದೆ. ಚಿತ್ರವನ್ನು ಪ್ರಜ್ವಲ್‌ ರಾಜ್, ಸಾಯಿ ಶ್ರೀನಿಧಿ, ಕುಲದೀಪ್‌ ಕಾರಿಯಪ್ಪ, ರಾಜೇಶ್‌ ಎನ್‌.ಶಂಕರ್‌, ಅಪೂರ್ವ ಭಾರದ್ವಾಜ್‌ ನಿರ್ದೇಶನ ಮಾಡಿದ್ದಾರೆ. ಇಷ್ಟು ಜನ ನಿರ್ದೇಶಕರೇ ಸಿನಿಮಾಗೆ ಬಂಡವಾಳ ಹಾಕಿದ್ದಾರೆ ಕೂಡಾ. ವಿಜಯ್‌ ಕೃಷ್ಣ, ಮಹದೇವ ಪ್ರಸಾದ್‌, ಶ್ರೀಪ್ರಿಯ, ಕೌಶಿಕ್‌, ಚಂದನ, ಮೇದಿನಿ ಕೆಳಮನೆ, ಸೇರಿದಂತೆ ಮತ್ತಿತರರು ಚಿತ್ರದಲ್ಲಿ ಅಭಿನಯಿಸಿದ್ದಾರೆ.