Sandalwood: ‘ಸಿ’ ಚಿತ್ರದ ಲಿರಿಕಲ್‌ವಿಡಿಯೋ ಬಂತು

Team Udayavani, Aug 13, 2024, 4:18 PM IST

ಬಹುತೇಕ ಹೊಸ ಪ್ರತಿಭೆಗಳೇ ಸೇರಿ ನಿರ್ಮಿಸುತ್ತಿರುವ “ಸಿ’ ಸಿನಿಮಾ ತೆರೆಗೆ ಬರಲು ತಯಾರಾಗುತ್ತಿದೆ. ಇತ್ತೀಚೆಗೆ ಸಿನಿಮಾದಲ್ಲಿ ಬರುವ ಲಿರಿಕಲ್‌ ವಿಡಿಯೋ ಹಾಡು ಬಿಡುಗಡೆಯಾಗಿದೆ.

“ಸಿ’ ಸಿನಿಮಾದಲ್ಲಿ ಬರುವ ಎ ಅಲ್ಲ.. ಬಿ ಅಲ್ಲ ಸಿ.. ಎಂಬ ಹಾಡಿನ ಲಿರಿಕಲ್‌ ವಿಡಿಯೋವನ್ನು ಇತ್ತೀಚೆಗೆ ನಟ ಲೂಸ್‌ ಮಾದ ಯೋಗಿ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು.

ಎ.ಬಿ. ಮುರಳೀಧರನ್‌ ಸಂಗೀತ ಸಂಯೋಜನೆ, ಶಶಾಂಕ್‌ ಶೇಷಗಿರಿ ಧ್ವನಿಯಲ್ಲಿ ಮೂಡಿಬಂದಿರುವ ಈ ಗೀತೆಗೆ ಡಾ. ವಿ. ನಾಗೇಂದ್ರ ಪ್ರಸಾದ್‌ ಸಾಹಿತ್ಯವಿದೆ. ಯುವ ಪ್ರತಿಭೆ ಕಿರಣ್‌ ಸುಬ್ರಮಣಿ “ಸಿ’ ಸಿನಿಮಾವನ್ನು ನಿರ್ದೇಶಿಸುವುದರ ಜೊತೆಗೆ ನಾಯಕ ನಟನಾಗಿ ತಂದೆಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. “ಸಿ’ ಸಿನಿಮಾ ತಂದೆ-ಮಗಳ ಬಾಂಧವ್ಯದ ಸುತ್ತ ನಡೆಯುವ ಕಥಾಹಂದರನ್ನು ಹೊಂದಿದ್ದು, ಜೊತೆಗೆ ಮೆಡಿಕಲ್‌ ಮಾಫಿಯಾದ ಬಗ್ಗೆಯೂ ಸಿನಿಮಾದಲ್ಲಿ ಹೇಳಲಾಗಿದೆ. ಸುಬ್ರಮಣಿ ನಿರ್ಮಾಣ ಮಾಡಿದ್ದಾರೆ.