ಕ್ಯೂಟ್ ಕ್ಯೂಟಾಗಿರೋ ‘ಕ್ಯಾಡ್ಬರಿಸ್’ ಫಸ್ಟ್ ಲುಕ್ ರಿಲೀಸ್

Team Udayavani, Feb 15, 2021, 1:06 PM IST

ಚಂದನವನದ ಚೆಂದದ ನಟ ಧರ್ಮ ಕೀರ್ತಿರಾಜ್ ನಾಯಕನಾಗಿ ನಟಿಸಿರುವ ಕ್ಯಾಡ್ಬರಿಸ್ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿದೆ. ಪ್ರೇಮಿಗಳ ದಿನಕ್ಕೆ ಚಿತ್ರತಂಡ ಉಡುಗೊರೆಯಾಗಿ ಸಿನಿಮಾ ಫೋಸ್ಟರ್ ಬಿಡುಗಡೆ ಮಾಡಿದೆ.

ನವಗ್ರಹ ಸಿನಿಮಾ ಮೂಲಕ ಭರವಸೆ ಮೂಡಿಸಿದ್ಧ ಧರ್ಮ ‘ಕ್ಯಾಡ್ಬರಿಸ್’ ಸಿನಿಮಾ ಮೂಲಕ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. ಲಾಕ್ ಡೌನ್ ಸಮಯದಲ್ಲಿ ಚಿತ್ರದ ಪ್ರೀಪ್ರೊಡಕ್ಷನ್ ಕೆಲಸ ಮುಗಿಸಿದ್ದ ಚಿತ್ರತಂಡ ಇದೀಗ ಚಿತ್ರೀಕರಣ ಶುರು ಮಾಡಿದೆ.

ಕ್ಯಾಡ್ಬರಿಸ್ ಚಿತ್ರಕ್ಕೆ ರಮೇಶ್ ಯಾದವ್ ನಿರ್ದೇಶನ ಮಾಡುತ್ತಿದ್ದಾರೆ, ಶೈಲಜಾ ಶಿವರಾಜ್ ನಿರ್ಮಾಪಕರಾಗಿದ್ದಾರೆ. ಜಾಣಗೆರೆ ಶಿವರಾಜ್ ಸಂಗೀತ ಸಂಯೋಜಿಸಿದ್ದಾರೆ.

ಇನ್ನು ಧರ್ಮಕೀರ್ತಿರಾಜ್ ಅವರ ಮತ್ತೊಂದು ಬಹುಭಾಷಾ ‘ಮಾಂಜಿ’ ಚಿತ್ರ ಕೆಲ ದಿನಗಳ ಹಿಂದೆಯಷ್ಟೆ ಘೋಷಣೆಯಾಗಿದೆ. ಈ ಚಿತ್ರಕ್ಕೂ ರಮೇಶ್ ಯಾದವ್ ಅವರ ನಿರ್ದೇಶನವಿರಲಿದೆ. ಎ.ಪಿ. ಕೃಷ್ಣ ನಿರ್ಮಾಣದ ಮಾಂಜಿ ಸಿನಿಮಾ ಕನ್ನಡ, ತಮಿಳು ಹಾಗೂ ತೆಲುಗು ಭಾಷೆಯಲ್ಲಿ ಬಿಡುಗಡೆಯಾಗಲಿದೆ.

First look of my new movie Cadbury’s.. shooting in progress.. happy valentine’s day to all.. ❤ need all ur love and support pic.twitter.com/5NaxLufkSf

— Dharma Kirthiraj (@DharmaKirthiraj) February 14, 2021