ಚಂದನ್ ಶೆಟ್ಟಿ ಹಾಡಿಗೆ ಹೆಜ್ಜೆ ಹಾಕಲಿದ್ದಾರೆ ‘ಜೊತೆ ಜೊತೆಯಲಿ’ ನಟಿ !

Team Udayavani, Nov 28, 2020, 9:00 PM IST

ಬೆಂಗಳೂರು: ಕನ್ನಡದ ಜನಪ್ರಿಯ ಧಾರವಾಹಿಯ ‘ಜೊತೆ ಜೊತೆಯಲಿ’ ಮೂಲಕ ಕನ್ನಡಿಗರ ಮನಗೆದ್ದ ಮೇಘಾ ಶೆಟ್ಟಿ ಇದೀಗ ಚಂದನ್ ಶೆಟ್ಟಿ ಸಂಗೀತ ನಿರ್ದೇಶನ ಮಾಡಿರುವ ಹಾಡೊಂದಕ್ಕೆ ಹೆಜ್ಜೆ ಹಾಕಲು ತಯಾರಾಗಿದ್ದಾರೆ.

ಮೋನಿಕಾ ಕಲ್ಲೂರಿ ಆರ್ಟ್ ಪ್ರೊಡಕ್ಷನ್ ಬರೋಬ್ಬರಿ 30 ಲಕ್ಷ ರೂ ಬಿಗ್ ಬಜೆಟ್ ನಲ್ಲಿ ಆಡಿಯೋ ಸಾಂಗ್ ಒಂದನ್ನು ತರುತ್ತಿದ್ದು, ಇದರಲ್ಲಿ ‘ನೋಡು ಶಿವ’ ಶೀರ್ಷಿಕೆಯ ಹಾಡೊಂದನ್ನು ಸುಮಿತ್ M.K ರಚಿಸಿದ್ದಾರೆ. ಈ ಹಾಡಿಗೆ  ಚಂದನ್ ಶೆಟ್ಟಿ ಸಂಗೀತ ಸಂಯೋಜಿಸಿದ್ದು, ಸ್ವತಃ  ಅವರೇ ದನಿಯಾಗಲಿದ್ದಾರೆ.

ಇದನ್ನೂ ಓದಿ:ಸ್ಥಳೀಯ ರೈಲುಗಳಲ್ಲಿ ಟಿಕೆಟ್‌ ಇಲ್ಲದೆ ಪ್ರಯಾಣಿಸುವವರ ಸಂಖ್ಯೆಯಲ್ಲಿ ಹೆಚ್ಚಳ!

ಎಷ್ಟೋ ಜನ ತಮ್ಮ ಜೀವನದಲ್ಲಿ ನೂರಾರು ಕನಸುಗಳನ್ನು ಕಟ್ಟಿಕೊಂಡಿರುತ್ತಾರೆ. ಆದರೆ ಎಷ್ಟೇ ಶ್ರಮ ಪಟ್ಟರೂ ಅವರ ಕನಸು ನನಸಾಗುವುದಿಲ್ಲ. ಇಂ‍ತಹ ಪರಿಸ್ಥಿತಿಯಲ್ಲಿರುವ ಹುಡುಗನೊಬ್ಬ ದೇವರ ಮೊರೆಹೋಗುವ  ಮೂಲಕ ಹೇಗೆ ಸಂಭಾಷಣೆ ನಡೆಸುತ್ತಾನೆ ಎಂಬ ಸಾಲುಗಳನ್ನು ಒಳಗೊಂಡಿರುವ ಹಾಡು ಇದಾಗಿದೆ  ಎಂದು ತಂಡದ   ಸದಸ್ಯೆ ಮತ್ತು ಎಎಂಸಿ ಸಿಟಿ ಗ್ರೂಪ್ ಆಫ್ ಇನ್ಸಿಟ್ಯೂಷನ್ ಉಪಾಧ್ಯಕ್ಷೆ ಮೋನಿಕಾ ಕಲ್ಲೂರಿ  ತಿಳಿಸಿದ್ದಾರೆ.

ಇತ್ತೀಚಿಗಷ್ಟೇ ಗಣೇಶ್ ಅಭಿನಯಿಸುತ್ತಿರುವ ‘ತ್ರಿಬಲ್ ರೈಡಿಂಗ್’  ಸಿನಿಮಾದಲ್ಲಿ ನಾಯಕಿಯಾಗಿ ಅವಕಾಶ ಗಿಟ್ಟಿಸಿಕೊಂಡಿರುವ ಮೇಘಾ ಶೆಟ್ಟಿ ಈ ಆಡಿಯೋ ಸಾಂಗ್ ನಲ್ಲಿ ಸಖತ್  ಗ್ಲಾಮರಸ್ ಆಗಿ ಕಾಣಿಸಿಕೊಳ್ಳುವ ಮೂಲಕ ಅಭಿಮಾನಿಗಳ ಮನಗೆಲ್ಲಲು ತಯಾರಾಗಿದ್ದಾರೆ.